CHAPITRE XIX
COM.MtNT NOUS ARRIVASMES AU ROYAUME DE LA QUINTE ESSENCE, NOMMÉE ENTELECHIE
Ayans prudemment coustoyé le turbillon par l'espace d'un demy jour, au troisième suivant nous sembla l'air plus serain que de coustume, et en bon sauvement descendismes au port de Matheothecnie, peu distant du palais de la Quinte Essence. Descendans au port trouvasmes en barbe grand nombre d'archiers et gens de guerre, lesquels gardoient l'Arsenac : de prime arrivée, ils nous feisrent quasi peur, car ils nous feisrent à tous laisser nos armes, et roguement nous interroguerent, disans : « Compares, de quel pais est la venue? — Cousins, respondit Panurge, nous sommes Tourengeaux. Ores venons de France, convoiteux de faire révérence à la dame Quinte Essence, et visiter ce trescelebre royaume d'Entelechie.
— • Que dictes vous? interrogunt ils; dictes vous Entelechie, ou Endelechie? — Beaux cousins, respondit Panurge, nous sommes gens simples et idiots, excusez la rusticité de nostre langage, car au demeurant les cœurs sont francs et lovaux. — Sans cause, dirent ils. nous ne vous avons sus ce
différent interrogez : car grand nombre d'aultres ont icy passé de vostre pays de Touraine, lesquels nous sembloient boiis lourdaux, et parloient correct; mais d'aultres païs sont icy venus, ne sçavons quels outrecuidez, fiers comme Escossois, qui contre nous à l'entrée vouloient obstinément contester : ils ont esté bien frottez, quoy qu'ils montrassent visaige rubarbatif. En vostre monde avez vous si grande superfluité de temps que ne sçavez en quoy l'employer, fors ainsi de nostre dame Royne parler, disputer, et impudentement escrire? Il estoit bien besoin que Ciceron abandonnast sa Republique poui s'en empescher, et Diogenes Laërtius, et Theodorus Gaza, et Argyiopile, et Bessarion, et Politian, et Bude, et Lascaris, et tous les diables de sages fols : le nombre desquels n' estoit assez grand, s'il n'eust esté récente ment accreu par Scaliger, Brigot, Chambrier, François Fleurv, et ne sçay quels autres tels jeunes haires esmouchetez. Leur maie angine, qui leur suffocast le gorgeron avec l'epiglotide ! Nous les... — Mais quoy, diantre, ils flattent les diables, disoit Panurge entre les dens. — Vous icy n'estes venus pour en leur folie les soustenir, et de ce n'avez procuration : plus aussi d'iceux ne vous parlerons. Aristoteles, prime, homme, et paragon de toute philosophie, fut parrin de nostre dame Royne : il tresbien et proprement la nomma Entelechie. Entelechie est son vray nom : s'aille cliier, qui aultrement la nottime ! Oui aultrement la nomme, erre par tout le Ciel. Vous soyez les tresbien venus. »
Nous présentèrent l'acolade; nous en feusmes tous rejouys. Panurge me dist en l'aureille : « Compaignon, as tu rien eu peur en ceste première boutée? — Quelque peu, respondy je. — J'en ay, dist il, plus eu que jadis n'eurent les soldats d'Ephraïm, quand les Galaadites feurent occis et noyez pour en lieu de Schibboleth dire Sibboleth. Et n'y a homme, pour tous taire, en Beauce, qui bien ne m'eust avec une charretée de foin estouppé le trou du cul. »
