CHAPITRE XVIII

comment nostre nauf fut encarrée, et feusmes aidez d'aucuns voyagiers qui tenoient de la quinte

Ayans serpé nos ancres et gumenes, feismes voile au doux Zephire. Environ 222 miles, se leva un furieux turbillon de vens divers, autour duquel avec le trinquet et boulingues quelque peu temporisasmes, pour seulement n'estre dicts mal obéissans au Pilot, lequel nous asceuroit, veuë la douceur d'iceux vens, veu aussi leur plaisant combat, ensemble le sérénité de l'air et tranquillité du courant n'estre ny en espoir de grand bien, ny en crainte de grand mal ; partant à propos nous estre la sentence du philosophe, qui commandoit soustenir et abstenir, c'est à dire temporiser. Tant toutesfois dura ce turbillon qu'à nostre requeste importune, le Pilot essaya le rompre et suivre nostre routte première. De faict, levant le grand artemon, et à droitte calamité du Boussole dressant le gouvernail, rompit, moyennant un rude cole survenant, le turbillon susdict. Mais ce fut en pareil de.îConfort,

26o LIVRE V, CHAPITRE XVIII

comme si evitans Charybde, feussions tombez en Scylle. Zar à deux miles du lieu feurent nos naufs encarrées par-my les arènes, telles que sont les Rats Sainct-Maixant.

Toute nostre chorme grandement se contristoit, et force vent à travers les mejanes; mais frère Jean onques ne s'en donna melancholie, ains consoloit maintenant l'un, maintenant l'aultre par douces parolles; leur remonstrant que de brief aurions secours du Ciel, et qu'il avoit veu Castor sus le bout des antennes. « Plust à Dieu, dist Panurge, estre à ceste heure à terre, et rien plus, et que chascun de vous aultres, qui tant aimez la marine, eussiez deux cens mille escus ; je vous mettrois un veau en mue, et refraischirois un cent de fagots pour vostre retour. Allez, je consens jamais ne me marier; faictes seulement que je sois mis en terre, et que j'aie cheval pour m'en retourner : de valet, je me passeray bien. Je ne suis jamais si bien traité que quand je suis sans valet. Plaute jamais n'en mentit disant le nombre de nos croix, c'est à dire afflictions, ennuits. fascheries, estre selon le nombre de nos valets, voire fussent-ils sans langue, qui est la partie plus dangereuse et maie qui soit à un valet, et pour laquelle seule furent inventées les tortures, questions et géhennes sur les valets : ailleurs non, combien que les cotteurs de Droict en ce temps, hors ce Royaume, le ayent tiré à conséquence alogique, c'est à dire desraisonnable. »

En icelle heure vint vers nous droit aborder une navire chargée de tabourins, en laquelle je recognu quelques passagers de bonne maison, entre aultres Henry Cotiral, compaignon vieux, lequel à sa ceinture un grand viet-d'aze portoit, comme les femmes portent patenostres, et en main senestre tenoit un gros, gras, vieux et salle bonnet d'un taigneux; en sa dextre tenoit un gros trou de chou. De prime face qu'il me recognut s'escria de joye, et me dit : « En ay je? voyez cy (monstrant le viet d'aze le vray Algamana : cestuy bonnet doctoial est nostre unique Elixo, et cecy (monstrant le trou

de chou) c'est Luuaria major. Nous la ferons à vostre retour. — Mais, dis je, d'où venez? où allez? qu'apportez? avec senty la marine? » Il nie respond : « De la Quinte, en Touraine, Alchimie, jusques au cul. — Et quels gens, di je, avez là avec vous sus le tillac? Chantres, respondit il. Musiciens, Poètes, Astrologues, Rimasseurs, Gémontiens, Alchimistes, Horlogiers : tous tiennent de la Quinte; ils en ont lettres d'advertissement belles et amples. » Il n'eut achevé ce mot, quand Panurge, indigné et fasché, dist : « Vous donques qui faictes tout jusques au beau temps et petits enfans, pourquoy icy ne prenez le Cap, et sans delay en plain courant nous révoquez? — J'y allois, dist Henry Cotiral : à ceste heure, à ce moment, présentement serez hors du fond. » Lors feist deffoncer 7,532,810 gros tabourins d'un costé, cestuy costé dressa vers le gaillardet, et estroitement Uerent en tous les endroits les gumenes; print nostre Cap en pouppe, et l'attacha aux bitons. Puis en promier hourt nous serpa des arènes avec facilité grande, et non sans esbattement. Car le son des tabourins, adjoint le doux murmur du gravier et le celeume de la Chorme. nous rendoient harmonie peu moindre que celle des astres rotans, laquelle dit Platon avoir par quelques nuicts ouye dormant.

Nous abhorrans d'estre envers eux ingrats pour ce bienfait reputez, leur départions de nos andouilles, amplissions leurs tabourins de saucisses, et tirions sur le tillac soixante et deux aires de vin, quand deux grans Physiteres impétueusement abordèrent leur nauf, et leur jetterent dedans plus d'eau que n'en contient la Vienne depuis Chinon jusques à Saulmur, et en emplirent tous leurs tabourins, et mouillèrent toutes leurs antennes, et leur baignoient les chausses par le collet. Ce que voyant Panurge, entra en joye tant excessive, et tant exerça sa râtelle qu'il en eut la cholique plus de deux heures. « Je leur voulois, dit il, donner leur vin, mais ils ont eu leur eau bien à propos. D'eau douce ils n'ont cure, et ne

2<>^ LIVRK V, eM.M'lrKK XIX

s'en servent qu"à lavci" les mains. De buurach leur servira ceste belle eau sallee, de nitre et sel Ammoniac en la cuisine de Geber. n Aultre propos ne nous fut loisible avec eux tenir : le tourbillon premier nous tolUssant liberté de timon. Et nous pria le Pilot que le laississions d'orenavant la nauf guider, sans d'aultre chose nous empescher que de faire chère lie : et pour l'heure nous convenoit costoyer cestuy tourbillon et obtempérer au courant, si sans danger voulions au royaume de la Quinte parvenir.