LIVRE V, CHAPITRE XXIII

grandeur que ia plataine d'or, laquelle Pythius Bithynus donna au roy Daire, à peine l'eust couvert. Le pot pourry estoit plain de potages d'espece3 diverses, sallades, fricassées saulgrenees, cabirotades, rousty, boully, carbonnades, grandes pièces de bœuf salle, janabons de antiquailles, saulmates deifiques, pastisseries, tarteries, un monde de coscotons à la moresque, fonnages, joncades, gelées, fruicts de toutes sortes. Le tout me sembloit bon et friand; toutesfois n'y tastay, poux estre bien remply et ref aict. Seulement ay à vous advertir que là vy des pastez en paste, chose assez rare, et les pastez en paste estoient pastez en pot. Au fond d'iceluy j'apperceu force dez, cartes, tarots, luettes, eschets, et tabliers avec plaines tasses d'escus au soleil pour tous ceux qui jouer vouldroient.

Au dessous finablement j'advisay nombre de muUes bien phalerees, avec housses de velours, hacquenecs de mesme à usance d'hommes et femmes, hctieres bien veloutées pareillement ne sçay combien, et quelques coches à la ferraroise pour ceux qui voudroient aller hors à l'esbat.

Cela ne me sembla estrange, mais je trouvay bien nouvelle la manière comment la dame mangeoit. Elle ne maschoit rien, non qu'elle n'eust dens fortes et bonnes, non que ses viandes ne requissent mastication ; mais tel estoît son usage et coustume. Les viandes, desquelles ses Pregustes avoient faict essay, prenoient ses Massiteres, et noblement les luy ttiaschoient, ayans le gosier doublé de satin cramoisi, à petites nerveures et canetilles d'or, et les dens d'Ivoire bel et blanc : moyennant lesquelles, quand ils avoient bien à poinct masché ses viandes, il les luy couUoient par un embut d'or fin jusques dedans l'estomach. Par mesme raison nous fut dict qu'elle ne fiantoit, sinon par procuration.