LIVRE V, CHAPITRE XXXI

comme un cerf, la gueule fendue jusques aux aureilles, et n'ont autres dents qu'une dessus et une autre dessous : elles parlent de voix humaine, mais lors mot ne sonnèrent. Vous dictes qu'on ne vit onques Aire de sacre; vrayement j'y en vy onze, et le notez bien.

J'y vy des hallebardes gàucheres, ailleurs n'en avois veu.

J'y vy des Menthicores, bestes bien estranges : elles ont le corps comme un lion, le poil rouge, la face et les aureilles comme un homme, trois rangs de dents, entrant les unes dedans les autres comme si vous entrelassiez les doigts des deux mains les uns dedans les autres; en la queue elles ont un aiguillon, duquel elles poignent, comme font les scorpions, et ont la voix fort mélodieuse. J'y vy des Catoblepes. bestes sauvages, petites de corps, mais elles ont les testes grandes sans proportion : à peine les peuvent lever de terre : elles ont les yeux tant vénéneux que quiconques les voit meurt soudainement, comme qui verroit un basilic. J'y vy des bestes à deux dos, lesquelles me sembloient joyeuses à merveille et copieuses en culletis, plus que n'est la mocitelle, avecques sempiternel remuement de cropions. J'y "^ des escre visses laictees, ailleurs jamais n'en avois veu, lesquelles marchoient en moult belle ordonnance, et les faisoit moult bon veoir.