COMMENT NOUS FUT DESCOUVERT LE PAÏS DE LANTERNOIS

Mal traictez et mal repeus au pays de Satin navigasmes par trois jours : au quatrième en bon heur approchasmes de Lanternois. Approchans vismes sur mer certains petits feuz volans : de ma part je pensois que fussent, non lanternes, mais poissons, qui de la langue flamboyans, hors la mer fissent feu; ou bien Lampy rides vous, les appelez Cicindeles, là reluisans comme au soir font en ma patrie, l'orge venant à maturité. Mais le Pilot nous advertit que c'estoient lanternes des guets, lesquelles autour de la banlieue descouvroient le pays, et faisoient escorte à quelques lanternes estrangeres, qui, comme bons CordeUers et Jacobins, alloient là comparoistre au chapitre Provincial. Doutans toutesfois que fust quelque prognostic de tempeste, nous asseura qu'ainsi estoit.

T. II