CHAPITRE XXXVI
COMMENT NOUS DESCENDISMES LES DEGREZ TETRADIQUES, ET DE LA PEUR QU'EUT PANURGE.
Depuis descendismes un degré marbrin sous terre, là estoit un repos : tournans à gauche en descendismes deux autres, là estoit un pareil repos; puis trois à destour, et repos pareil, et quatre autres de mesme. Là demanda Panurge : « Est ce icy?
— Quants degrez, dist nostre magnifique Lanterne, avec compté? — Un, respondit Pantagruel, deux, trois, quatre. — Quants sont ce? demanda elle. — Dix, respondit Pantagruel.
— Par, dist elle, mesme tétrade Pythagorique, multipliez ce qu'avez résultant. — Ce sont, dist Pantagruel, dix, vingt, trente, quarante. — Combien fait le tout? dist elle. — Cent, respondit Pantagruel. — Adjoustez, dist elle, le cube premier, ce sont huit; au bout de ce nombre fatal trouverons la porte du temple. Et y notez prudentement que c'est la vraye Psychogonie de Platon, tant célébrée par les Académiciens, et tant peu entendue : de laquelle la moictié est composée d'unité des deux premiers nombres plains, de deux quadrangulaires, et de deux cubiques.
Descendans ces degrez numereux sous terre, nous feirent bien besoin premièrement nos jambes, car sans iceUes ne descendions qu'en roullant comme tonneaux en cave; secondement nostre preclare Lanterne, car en ceste descente ne nous apparoissoit autre lumière non plus que si nous fussions au trou de sainct Patrice en Hybernie, ou en la fosse de Trophonius en Bëotie. Descendue environ septante et huit degrez, s'escria Panurge, addressant sa parolle à nostre luy santé lanterne : « Dame mirifique, je vous prie de cœur contrit, retour-
3l8 LIVRE V, CHAPITRE XXXVI
noiis en arrière. Par la mort bœuf, je meurs de malle peur. Je consens jamais ne me marier. Vous avez prins de peine et fatigues beaucoup pour moj''; Dieu vous le rendra en son grand rendouer; je n'en seray ingrat issant hors ceste caverne de Troglodytes. Retournons de grâce. Je doubte fort que soit icy Tenare, par lequel on descend en Enfer, et me semble que j'oy Cerberus abbayant. Escoutez, c'est luy, ou les aureilles me cornent : je n'ay à luy dévotion aucune, car il n'est mal des dents si grand que quand les chiens nous tiennent aux jambes. Si c'est icy la fossé de Trophonius, les Lémures et Lutins nous mangeront tous vifs, comme jadis ils mangèrent un des hallebardiers de Demetrius, par faute de bribes. Es tu là, frère Jean? Je te prie, mon bedon, tiens toy prés de moy, je meurs de peur. As tu ton bragmart? Encores n'ay je armes aucunes, n' offensives, ne défensives. Retournons.
— J'y suis, dist frère Jean; j'y suis, n'ayes peur; je te tien au collet, dix-huit diables ne t'emporteroient de mes mains, encores que sois sans armes. Armes jamais au besoin ne faillirent, quand bon cœur est associé de bon bras ; plustost armes du Ciel pleuveroient, comme aux champs de la Crau, prés les fosses Mariannes en Provence, jadis pleurent cailloux (ils y sont encores) pour l'aide d'Hercules, n'ayant autrement dequoy combattre les deux enfans de Neptune. Mais quoy ! descendons nous icy es limbes des petits enfans (par Dieu ils nous concilieront tous), ou bien en Enfer à tous les diables? Cor Dieu, je les vous galleray bien à ceste heure, que j'ay du pampre en mes souliers. O que je me battray verdement ! Où est-ce? où sont-ils ? Je ne crains que leurs cornes. Mais l'idée des cornes que Panurge marié portera m'en garantira entièrement. Je le voy jà, en esprit prophétique, un autre Actéon cornant, cornu, cornancul. — Garde, frater, dist Panurge, attendant qu'on marira les Moines, que n'espouses la fiebvre quartaine. Car je puisse donc, sauf et sain, i*etoumer de cestuy Hypogée, en cas que je ne te la beline, pour seule-
ment te faire cornigere, cornipetant : autrement, pense- je bien que la fiebvre quarte est assez mauvaise bague. Il me souvient que Grippe-minaud te la voulut donner pour femme mais tu l'appellas hérétique, n
Icy fut le propos interrompu par nostre splendide Lanterne, nous remonstrant que là estoit le lieu auquel convenoit favoret, et par suppression de paroUes, et taciturnité de langues; du demourant, fit response pcremptoire que de retourner sans avoir le mot de la Bouteille n'eussions d'espoir aucun, puisqu'une fois avions nos souliers feustrez de pampre.
« Passons donques, dist Panurge. et donnons de la teste à travers tous les diables. A périr n'y a qu'un coup. Toutesfois je me reservois la vie pour quelque bataille. Boutons, boutons, passons outre. J'ay du courage tant et plus : vray est que le cœur me tremble; mais c'est pour la froideur et relenteur de ce cavayn. Ce n'est de peur, non, ne de fiebvre. Boutons, boutons, passons, poussons, pissons : je m'appelle Guillaume sans peur. »
