LIVRE IV, CHAPITRE IV
« J'ay ici trouvé un Tarande de Scythie, animal estrange et merveilleux à cause des variations de couleur en sa peau et poil, selon la dictinction des choses prochaines. Vous le prendrez en gré. Il est autant maniable et facile à nourrir qu'un aigneau. Je vous envoie pareillement troys jeunes Unicornes, plus domesticques et apprivoisées que ne seroient petits chattons. J'ay conféré avecques l'esouyer, et dict la manière de les traicter. Elles ne pasturent en terre, obstant leur longue corne on front. Force est que pasture elles prennent es arbres fruictiers, ou en ratteliers idoines, ou en main, leur offrant herbes, gerbes, pommes, poyres, orge, touzelle, brief toutes espèces de fruictz et Icgumaiges. Je m'esbahis comment nos escrivains antiques les disent tant farouches, féroces et dangereuses, et oncques vives n'avoir esté veues. Si bon vous semble ferez espreuve du contraire, et trouverez qu'en elles consiste une mignotize la plus grande du monde, pourveu que maUcieusement on ne les offense.
« Pareillement, vous envoie la vie et gestes de AchiUes en tapisserie bien belle et industrieuse. Vous asceurant que les nouveaultez d'animaulx, de plantes, d'oyzeaulx, de pierreries que trouver pourray, et recouvrer en toute nostre pérégrination, toutes je vous porteray, aydant Dieu nostre Seigneur, lequel je prie en sa saincte grâce vous conserver.
« De }^Iedamothi, ce quinziesme de juin. Panurge, frère Jan, Epistemon, Xenomanes, Gymnaste, Eusthenes, Rhizotome, Carpalim, après le dévot baisemain, vous resaluent en usure centuple.
« Vostre humble filz et serxHteur,
Pendent que Pantagruel escrivoit les lettres susdictes. MaUcorne fut de tous festoyé, salué et accollé à double rebraz. Dieu sçayt comment tout alloit, et comment recommendations de toutes parts trottoient en place. Pantagruel, avoir
parachevé ses lettres, bancqueta avecques l'cscuycr. Et luy donna une grosse chaîne d'Or, pesante huyct cens escuz, en laquelle, par les chainons septénaires, estoient gros Diamans, Rubiz, Esmerauldes, Turquoises, Unions, alternativement enchâssez. A un chascun de ses nauchiers fit donner cinq cens escuz au Soleil; à Gargantua son père envoya le ïarande couvert d'une housse de satin broché d'Or, avecques la tapisserie contenant la vie et gestes de Achilles, et les troys Unicornes capparassonnees de drap d'Or frizé. Ainsi départirent de Medamothi, Malicorne, pour letourner vers Gargantua; Pantagruel, pour continuer son naviguaige. Lequel en haulte mer feist lire par Epistcmon les livres apportez par l'escuyer. Desquels, pource qu'ils les trouva joyeulx et plaisans, le transsumpt voluntiers vous donneray, si dévotement, le requérez.
