LIV^RE V, CHAPITRE XXXVII
vure, sans catenat, sans lyaison aucune : seulement y pendoit un diamant Indique, de la grosseur d'une febve ^Egyptiatique, enchâssé en or obrize à deux pointes, en figure exagone, et en ligne directe; à chascun costé vers le mur pendoit une poignée de scordeon.
Là nous dist nostre noble Lanterne qu'eussions son excuse pour légitime si elle desistoit plus avant nous conduire ; seulement qu'eussions à obtempérer es instructions de la Pontife Bacbuc : car entrer dedans ne luy estoit permis, pour certaines causes, lesquelles taire meilleur estoit à gens vivans vie mortelle, qu'exposer. Mais, en tout événement, nous commanda estre en cerveau, n'avoir frayeur ne peur aucune, et d'elle se confier pour la retraite : puis tira le Diamant pendant à la commissure des deux portes, et à dextre le jetta dedans une capse d'argent, à ce expressément ordonnée; tira aussi de l'essueil de chascune porte un cordon de soye cramoisine longue d'une toise et demie, auquel pendoit le scordeon; l'attacha à deux boucles d'or, expressément pour ce pendantes aux costez, et se retira à part.
Soubdainement les deux portes, sans que personne y touchast, de soy mesme s'ouvrirent, et, s'ouvrant, firent non bruit strident, non frémissement horrible, comme font ordinairement portes de bronze rudes et pesantes, mais doux et, gracieux murmur, retentissant par la voulte du temple duquel soudain Pantagruel entendit la cause, voyant sous l'extrémité de l'une et l'autre porte un petit cylindre, lequel par sus l'essueil joignoit la porte, et se tournant selon qu'elle se tiroit vers le mur, dessus une dure pierre d'Ophytes, bien terse, et esgalement polie par son frottement, faisoit ce doux et harmonieux murmur.
Bien je m'esbahissois comment les deux portes, chascune par soy, sans l'oppression de personne, estoient ainsi ouvertes, pour cestuy cas merveiUeux entendre, après que tous fusmes dedans entrez, je projettay ma veuë entre les portes et le
mur, convoiteux de sçavoir par quelle force et par quel instrument estoient ainsi refermées, doutant que nostre amiable Lanterne eust, à la conclusion d'icelles apposé l'herbe dite Ethiopis, m.oyennant laquelle on ouvre toutes choses fermées; mais j'apperceu que la part en laquelle les deux portes se fermoient en la mortaise intérieure estoit une lame de fin acier, enclavée sur le bronze Corinthian.
J'apperceu d'avantage deux tables d'Aimant Indique, amples et espoisses de demye paume, à couleur cerulee, bien licees et bien polies; d'icelles toute l'espoisseur estoit dedans le mur du temple engravee, à l'endroit auquel les portes, entièrement ouvertes, avoient le mur pour fin d'ouverture.
Par donques la rapacité et violence de l'Aimant, les lames d'acier, par occulte et admirable institution de nature, patissoient cestuy mouvement; consequemment les portes y estoient lentement ravies et portées, non tous] ours toutesfois, mais seulement l'Aimant susdit osté, par la prochaine cession duquel l'acier estoit de l'obéissance qu'il a naturellement à l'Aimant absout et dispensé, ostees aussi les deux poignées de scordeon, lesquelles nostre joyeuse Lanterne a voit, par le cordon cramoisi, esloignées et suspendues, parce qu'il mortifie l'Aimant et despouille de ceste vertu attractive.
En l'une des tables susdites, à dextre, estoit exquisitement
insculpé, en lettres Latines antiquaires, ce vers iambique,
senaire :
Ducunt voleniem fata, nolentem trahunt.
c Les destinées mènent celuy qui consent, tirent celuy qui refuse. »
En l'autre je veis à senestre, en majuscules lettres, elegantement insculpé ceste sentence :
