CHAPITRE IX

DE l'automne

En Autonne l'on vendangera, ou davant ou après; ce m'est tout im, pourveu que ayons du piot à suffisance. Les cuidez seront de saison, car tel cuidera vessir qui baudement fiantera. Ceulx et celles qui ont voué jeûner jusques à ce que les estoilles soient au ciel, à heure présente peuvent bien repaistre, par mon octroy et dispense. Encores ont ilz beaucoup tardé : car elles y sont devant seize mille et ne sçay qunntz jours; je vous dy bien atachées. Et n'espérez dorenant prendre les aUouettes à la cheute du ciel, car il ne tombera de vostre aage, sus mon honneur. Cagotz, Caffars et Porteurs de rogatons, perpétuons, et autres telles triquedondaines, sortiront de leurs tesnieres. Chascun se guarde qui vouidra. Guardez vous aussi des arestes quand vous mangerez du poisson, et de poison Dieu vous en guard !