EPISTRE DU LYMOSIN DE PANTAGRUEL

Q'appropinquoit la frigore hybernale, Et que n'estoit le Dieu Mars de saison, S'est retirée en sa noble maison, Et est venue on palays délectable Fontainebleau, qui n'a point son semblable, Et ne se voit qu'en admiration De tous humains. Le superbe Ilion, Dont la mémoire est tousjours demourée.

Ne du cruel Néron la case aurée.

Ne de Diane en Ephese le temple.

Ne furent oncq'pour approcher d'exemple De cestuy cy. Bien est vray qu'autresfois, L'as assez veu : Si est ce toutesfois Que l'œil qui l'a absenté d'un seul jour Tout esgaré se trouve à son retour, Pensant à veoir un nouvel édifice.

Dont la matière est plus que l'artifice.

Or (pour redir au premier proposite) Il n'est décent que tu te disposite.

Tant que l'hiberné aura son curse intègre. De relinquer l'opime pour le maigre.

Puisque bien staz (grâce au souverain Jove). Nous t'exhortons que de là ne te move. Si tu ne veulx veoir tes aures vitales Bien tost voUer aux Sorores fatales :

Car cest air est inimice mortel D'un jouvenceau deUcat et tenel :

Mesme en ce temps glacial, qui transfère La couleur blonde en nigre et mortifère,

Estans incluz es laques et nemores :

A peine avons, pour pedes et femores CaUifier, un pauvre fascicule.

Conclusion, tout aise nous recule; Et si n'estoit quelque proximité Que nous avons en la grande cité.

Où nous pouvons aller aUques vices, Pour incumber aux jucunds sacrifices De Genius, le grand Dieu de nature, Et de Venus (qui est sa nourritrue).

De rester vifz nous seroit impossible Une hebdomade : ou bien sain et habile Seroit celuy qui pourroit eschapper Que febvre à coup ne le vinst attrapper. Voy par cela quelle est la différence Du tien séjour, en mondaine plaisance.

Et de la vie amere et cruciée Que nous menons, tousjours associée

40Ci PIÈCES ATTRIBUÉES A RABELAIS

D'ennuy, de soing, d'accident et naufrage Et si tu es (comme cogitons) sage, Ja ne viendras qu'à ceste prime vere : Si ce n'estoit qu'ambition severe Devant tes yeulx se voulsit présenter Pour tes esprits aucunement tenter De grands crédits, faveiu-, et honorences, Dons gratuits, et grands munificences, Que tu reçois en l'office auquel funge. Estant icy : mais quoy? ce n'est qu'un songe Car nous n'avons que la vite et la veste : Et qui pour biens se jugiile est vray beste.

A tant mettrons cake à ceste epistole, Qui de transir indague en ton escole, Où la lime est pour les locutions, Et éloquents verbocinations, Escorticans la lingue latiale.

Si obsecrons que ta calame vale Attramenter charte pap},Tracee, Pour correspondre en forme rh^-thmassee.

En quoy faisant compilras le désir De ceubc qui sont prestz te faire plaisir.

Ainsi signé :

Desbride Gousier.