POURQUOY LES MOINES SONT VOLUNTIERS EN CUISINE
« C'est, dist Epistemon, naïfvement parlé en moine. Je diz moine moinant, je ne diz pas moine moine. Vrayement vous me réduisez en mémoire ce que je veidz et ouy en Florence, il y a environ vingt ans. Nous estions bien bonne compaignie de gens studieux, amateurs de peregrinité, et convoyteux de visiter les gens doctes, antiquitez et singularitez d'Italie. Et lors curieusement contemplions l'assiette et beaulté de Florence, la structure du dôme, la sumptuosité des temples et palais magnificques. Et entrions en contention qui plus aptement les extolleroit par louanges condignes : quand un moine d'Amiens, nommé Bernard Lardon, comme tout fasché et monopole, nous dist : « Je ne sçay que diantre vous trouvez icy tant à louer. J'ay aussi bien contemplé comme vous, et ne suis aveugle plus que vous. Et puis? Qu'est-ce? Ce sont belles maisons. C'est tout. Mais Dieu, et monsieur sainct Bernard, nostre bon patron, soit avec nous, en toute ceste viUe cncores n'ay je veu une seulle roustisserie, et y ay curieusement reguardé et consyderé. Voire je vous diz comme espiant et prest à compter et nombrer, tant à dextre comme à senestre, combien et de quel cousté plus nous rencontrerions de roustisseries rouscissantes. Dedans Amiens, en moins de chemin quatre fois, voire troys qu'avons faict en nos con-
5^ LIVRE IV, CHAPITRE Xt
templations, je vous pourrois monstrer plus de quatorze roustisseries antiques et aromatizantes. Je ne sçay quel plaisir avez prins voyans les Lions et Afiiquanes (ainsi nommiez vous, ce me semble, ce qu'ilz appellent Tygres) prés le beffroy : pareillement voyans les Porcz espicz et Austruches on palais du seigneur Philippe Strossi. Par ma foy, nos fieulx, j'aymeroys mieulx voir un bon et gras oyzon en broche. Ces Porphyres, ces marbres sont beaulx. Je n'en dis poinct de mal, mais les Dariolcs d'Amiens sont meilleures à mon goust. Ces statues antiques sont bien faictes, je le veulx croire; mris par sainct Ferreol d'Abbeville, les jeunes bachelettes de nos pays sont inille foys plus advenentes.
— Que signifie, demanda frère Jan, et que veult dire que tousjours vous trouvez moines en cuysines; jamais n'y trouvez Roys, Papes, ne Empereurs? — Est ce, respondit Rhizotome, quelque vertus latente et propriété spécifique absconse dedans les marmites et contrehastiers, qui les moines y attire, comme l'Amyant à soy le fer attire; n'y attire Empereurs, Papes, ne Roys? Ou c'est une induction et inclination naturelle, aux frocz et cagouUes adhérentes, laquelle de soy mené et poulse les bons religieux en cuisine, encore qu'ilz n'eussent élection ne délibération d'y aller? — Il veult dire, respondit Epistemon, formes suyvantes la matière. Ainsi les nomme Averroïs. — Voyre, voyre, dist frère Jan.
— Je vous diray, respondit Pantagruel, sans au problème propousé respondre, car il est un peu chatouilleux, et à peine y toucheriez vous sans vous espiner. Me soubvient avoir leu que Antigonus, roy de Macédoine, un jour entrant en la cuisine de ses tentes, et y rencontrant le poëte Antagoras, lequel fricassoit un Congre et luy mesmes tenoit la paille, luy demanda en toute alaigres^e : « Homère fricassoit il Congres, lorsqu'il descripvoit les prouesses de Agamemnon ? — Mais, respondit Antagoras au Roy, estimes tu que Agamemnon, lors que telles prouesses faisoit, feust curieux de savoir si
personne en son camp fricassoit Congres? » Au Roy sembloit indécent que en sa cuisine le poëte faisoit telle fricassée. Le Poëte luy remonstroit que chose trop plus abhorrente estoit rencontrer le Roy en cuisine. — Je dameray ceste cy, dist Panurge, vous racontant ce que Breton Villandry respondit un jour au seigneur duc de Guyse. Leur propous estoit de quelque bataille du Roy François contre l'Empereur Charles cinquiesme, en laquelle Breton estoit guorgiasement armé, mesmement de grefves et solleretz asseréz, monté aussi à l'adventaige n'avoit toutesfois esté veu au combat. « Par ma foy, respondit Breton, je y ay esté, facile me sera le prouver, voj^e en lieu on quel vous n'eussiez ausé vous trouver. » Le seigneur duc prenant en mal ceste paroUe, comme trop brave et trop témérairement proférée, et se haulsant de propous, Breton facilement en grande risée l'appaisa, disant : « J'estois avecques le baguage : on quel lieu vostre honneur n'eust porté soy cacher comme je faisois. » En ces menuz devis arrivèrent en leurs navires. Et plus long séjour ne feirent en icelle isle de CheH.
