LI\-RE IV, CHAPITRE XIV

disertement daubé, tappé et chatouillé. Présentement je double à vous tous vos guaiges. Vous, mamie (disoit-il à sa femme), faites vos honneurs comme vouldrez. Vous avez en vos mains et conserve tous mes thesaurs. Quant est de moy, premièrement, je boy à vous tous, mes bons arays. Or ça, il est bon et frays. Secondement, vous, maistre d'hostel, prenez ce bassin d'argent; je le vous donne. Vous, escuiers, prenez ces deux couppes d'argent doré. Vos pages de troys moys ne soient fouettez. M'amye, donnez leur mes beaulx plumailz blancs, avec les pampillettes d'or. INIessire Oudart, je vous donne ce fiaccon d'argent. Cestuy aultre je donne aux cuisiniers; aux varletz de chambre je donne ceste corbeille d'argent; aux palefreniers je donne cestc nasselle d'argent doré; aux portiers je donne ces deux assiettes; aux muletiers, ces dix happesouppes. Trudon, prenez toutes ces cuillères d'argent, et ce drageouoir. Vous lacquais, prenez ceste grande salliere. Servez moy bien, amys, je le recongnoistraj'^ : croyans fermement que j'aymerois mieulx, par la vertus Dieu, endurer en guerre cent coups de masse sus le heaulme au service de nostre tant bon Roy qu'estre une f oys cité par ces mastins Chiquanous, pour le passetemps d'un tel gras Prieur. »