LIVRE IV, CHAPITRE XX

fol marin est cause de la tempeste, et il seul ne ayde à la chorme. Par Dieu, si je voys là, je vous chastieray en diable terapestatif. Icy, Fadriu, mon mignon, tiens bien, que je y face un nou Gregeoys. O le gentil mousse ! Pleust à Dieu que tu fcusses abbé de Talemouze, et celluy qui de présent l'est fust guardian de CrouUay ! Ponocrates, mon frère, vous blesserez là. Epistemon, guardez vous de la Jalousie, je y ay veu tomber un coup de fouldre. — Inse ! — C'est bien dict. Inse, inse, inse. Vieigne esquif ! Inse. Vertus Dieu, qu'est cela? Le cap est en pièces. Tonnez, Diables, petez, rottez, fiantez. Bren pour la vague ! Elle a, par la vertus Dieu.faillyàm'eraporter soubs le courant. Je croy que tous les millions de Diables tiennent icy leur chapitre provincial, ou briguent pour élection de nouveau recteur. — Orche ! — C'est bien dict. Gare la caveche, hau, mousse, de par le diable, hay ! Orche, orche.

— Bebebebous, bous, bous, dist Panurge, bous, bous, bebe, be bous, bous, je naye. Je ne voy ne ciel ne terre. Zalas, zalas ! De quatre elemens ne nous reste icy que feu et eau. Bouboubous, bous, bous. Pleust à la digne vertus de Dieu que à heure présente je feusse dedans le clos de SeuiUé, ou chez Innocent le pastissier, davant la cave paincte, à Chinon, sus peine de me mettre en pourpoinct pour cuyre les petits pastez ! Nostre homme, sçauriez vous me jecter en terre? Vous sçavez tant de bien, comme l'on m'a dict. Je vous donne tout Salmiguondinoys, et ma grande cacquerelliere, si par vostre industrie je trouve unes foys terre ferme. Zalas, zalas ! je naye. Dea, beaulx amys, puys que surgir ne pouvons à bon port, mettons nous à la rade, je ne sçay où. Plongez toutes vos ancres. Soyons hors ce dangier, je vous en prie. Nostre amé, plongez le scandai et les bohdes, de grâce. Sçaichons la haulteur du profond. Sondez, nostre amé, mon amy, de par Nostre Seigneur ! Sçaichons si l'on bojToit icy aisément debout, sans soy baisser. J'en croy quelque chose.

— Uretacque, haii ! cria le pilot, uretacque. ! La main à l'insail. Amené, uretacque ! Bressine, uretacque, guare la pane ! Hau amure, amure bas. Hau, uretacque, cap en houlle ! Desmanche le haulme. Acappaye.

— En sommes nous là? dist Pantagruel. Le bon Dieu servateur nous soyt en ayde ! — Acappaye, hau ! s'escria Jamet Brahier, maistre pilot. Acappaye ! Chascun pense de soname, et se mette en dévotion, n'esperans ayde que par miracle des Cieulx ! — Faisons, dist Panurge, quelque bon et beau veu. Zalas, zalas, zalas, bou, bou, bebebebous, bous, bous. Zalas, zalas ! faisons un pèlerin. Cza, ça, chascun boursille à beaulx liards; cza ! — Deçà, hau, dist frère Jean, de par tous les Diables ! A poge. Acappaye, on nom de Dieu ! Desmanche le heaulme, hau ! Acappaye, Acappaye. Beuvons hau ! Je diz du meilleur et plus stomachal. Entendez vous, hau, majour dôme. Produisez, exhibez. Aussi bien s'en va cecy à tous les millions de Diables. Apporte cy, hau, page, mon tirouoir (ainsi nommoit il son bre\aaire). Attendez ! tyre, mon amy, ainsi ! Vertus Dieu, voicy bien greslé et fouldroyé, vrayement. Tenez bien là hault, je vous en prie. Quand aurons nous la feste de Tous Sainctz? Je croy que aujourd'huy est l'infeste feste de tous les millions de Diables.

— Helas ! dist Panurge, frère Jean se damne bien à crédit. O que je y perds un bon amy ! Zalas, zalas, voicy pis que antan. Nous allons de Scylle en Carybde, holos, je naye. Confiteor. Un petit mot de testament, frère Jan, mon père; monsieur l'abstracteur, mon amy, mon Achates; Xenomanes, mon tout. Helas ! je naye, deux motz de testament. Tenez icy sur ce transpontin. »