CHAPITRE XXV

COMMENT, APRÈS LA TEMPESTE, PANTAGRUEL DESCENDIT ES ISLES DES MACR.CONS

Sus l'instant nous descendismes au port d'une isle laquelle on nommoit l'isle des Macraeons. Les bonnes gens du lieu nous

repceurent honorablement. Un vieil Macrobe (ainsi nommoient ilz leur maistrc eschevin) voiiloit mener Pantagruel en la maison commune de la ville, pour soy rofraischir à son aise, et prandre sa réfection. Mais il ne voulut partir du mole que tous ses gens ne feussent en terre. Après les avoir recongncuz, commenda chascun estrc mué de vestemens, et toutes les munitions des naufz estre en terre exposées, à ce que toutes les chormes feissent chère lie. Ce que feut incontinent faict. Et Dieu sçayt comment il y eut beu et guallc. Tout le peuple du lieu apportoit vivres en abondance. Les Pantagruelistes leurs en donnoient d'adventaigo. Vray est que leurs provisions estoient aulcunement endommagées par la tempeste précédente. Le repas finy, Pantagruel pria un chascun soy mettre en office et debvoir pour reparer le briz. Ce que feirent et de bon hayt. La réparation leur estoit facile, parce que tout le peuple de l'isle estoient charpentiers, et tous artizanz telz que voyez en l'arsenac de Venise ; et l'isle grande seulement estoit habitée en trois portz et dix parœces : le reste estoit boys de haulte fustaye, et désert comme si feust la forest de Ardeine.

A nostre instance, le vieil Macrobe monstra ce que estoit spectable et insigne en l'isle. Et, par la forest umbrageuse et déserte, descouvrit plusieurs vieulx temples ruinez, plusieurs obelisces, pyramides, monumens et sepulchres antiques, avecques inscriptions et epitaphes divers. Les uns en lettres Hieroglyphicques, les aultres en languaigc lonicque, les aultres en langue Arabicque, Agarene, Sclavonicquc, et aultres. Des quelz Epistemon fit extraict curieusement. Ce pendent Panurge dist à frère Jan : « Icy est l'isle des Macraeons. Macraeon, en grec, signifie vieillart, home qui a des ans beaucoup.

— Que veulx tu, dist frère Jan, que j'en face? Veulx tu que je m'en defface? Je n'estoys mie on pays lors que ainsi feut baptisée.