Q^ LIVRE IV, CHAPITRE XXV

mouillé. Faictez en bottes d'hyver, jamais ne prendront eau. Faitez en des nasses pour apprendre les jeunes gens à naiger : ilz apprendront sans dangier.

— Sa peau doncques, dist Pantagruel, seroit comme l'herbe dicte Cheveu de Venus, laquelle jamais n'est mouillée, ne remoytie, tous jours est seiche, encores qu'elle feust au profond de l'eau tant que vouldrez : pouitant, est dicte Adiantos.

— Panurge, mon amy, dist frère Jan, n'aye jamais paour de l'eau, je t'en prie. Par élément contraire sera ta vie terminée. — Voire, respondit Panurge; mais les cuisiniers des Diables resvent quelque foys, et errent en leur ofi&ce : et mettent souvent bouillir ce qu'on destinoit pour roustir; comme, en la cuisine de céans, les maistres Queux souvent lardent Perdris, Ramiers et Bizets, en intention (comme est vray semblable) de les mettre roustir. Advient toutes foys que les Perdris aux choux, les ramiers aux pourreaulx, et les bizets ilz mettent bouillir auxnaveaulx.

« Escoutez, beaulx amis : Je proteste davanl la noble compaignie que, de la chapelle vouée à monsieur S. Nicolas entre Quande et Monssoreau, j'entends que sera une chappelle d'eau rose, en laquelle ne paistra vache ne veau; car je la jetteray au fond de l'eau. — Voylà, dist Eusthenes, le guallant. Voylà le guallant, guallant et demy ! C'est vérifié le,) \

proverbe Lombardique : • ; ' ■'^ . K^

Passato el pericolo, gàbbato el santo. iV ^^ ^j^ >

^^;- yi