CHAPITRE XXXII

CONTINUATION DES CONTENANCES DE QUARES M EPRENANT

« Cas admirable en nature, dist Xenomanes continuant, est veoir et entendre Testât de Quaresmeprenant.

S'il crachoit, c'estoient panerées de

chardonnette.

S'il mouchoit, c'estoient Anguil-

lettes salées.

S'il pleuroit, c'estoient Canars à

la dodine.

S'il trembloit, c'estoient grands

pastez de Lièvre.

S'il suoit, c'estoient Moulues au

beurre frays.

S'il rottoit, c'estoient huytres en

escalle.

S'il esternuoit, c'estoient pleins

barilz de Moustarde.

S'il toussoit, c'estoient boytes de

Coudignac.

S'il sanglouttoit, c'estoient denrées

de Cresson.

S'il baisloit, c'estoient potées de

poys pillez.

S'il souspiroit, c'estoient langues

de bœuf fumées.

S'il subloit, c'estoient bottées de

Cinges verds.

S'il ronfloit, c'estoient jadaulx de

febves frezes.

S'il rechinoit, c'estoient pieds de

Porc au sou.

S'il parloit, c'estoit gros bureau

d'Auvergne, tant s'en faUoit que

feust saye cramoisie, de laquelle

vouloit Parisatis estre les parolles

tissues de ceulx qui parloient à

son filz Cyrus, roy des Perses.

S'il soufloit, c'estoient troncs pour

les Indulgences.

S'il guygnoit des œilz, c'estoient

gauffres et Obelies.

S'il grondoit, c'estoient Chats de

Mars.

S'il dodelinoit de la teste, c'estoient

charrettes ferrées.

S'il faisoit la moue, c'estoient bastons rompuz.

S'il marmonnoit, c'estoient jeux de

la bazoche.

S'il trepinoit, c'estoient respitz et

quinquenelles.

S'il recuUoit, c'estoient Coqueci-

grues de Mer.

S'il bavoit, c'estoient fours à

ban.

S'il estoit enroué, c'estoient entrées

de Moresques.

S'il petoit, c'estoient houzeaulx de

vache brune.

S'il vesnoit, c'estoient bottines de

cordouan.

S'il se grattoit, c'estoient ordonnances nouvelles. S'il chantoit, c'estoient poys en

guousse.

S'il fiantoit, c'estoient potirons et

Morilles.

S'il buffoit, c'estoient choux à

l'huille, alias Caules amb'olif.

S'il discouroit, c'estoient neiges

d'Antan.