IIO LIVRE IV, CHAPITRE XXII
S'il se soucioit, c'estoit des rez et S'il songeoit, c'estoient vitz volans
des tonduz. et rampans contre une muraille.
Si rien donnoit, autant en avoit le S'il resvoit, c'estoient papiers ran-
brodeur. tiers.
« Cas cstrange : travailloit rien ne faisant, rien ne faisoit travaillant. Corybantioit dormant, dormoit corybantiant, les œilz ouvers comme font les Lièvres de Champaigne, craignant quelque camisade d'Andouilles, ses antiques ennemies. Rioit en mordant, mordoit en riant. Rien ne mangeoit jeusnant, jeusnoit rien ne mangeant. Grignotoit par soubçon, beuvoit par imagination. Se baignoit dessus les haults clochers, se seichoit dedans les estangs et ri\deres. Peschoit en l'air, et y prenoit Escrevisses decumanes. Chassoit on profond de la mer, et y trouvoit Ibices, Stamboucqs et Chamois. De toutes Corneilles prinses en Tapinois, ordinairement poschoit les œilz. Rien ne craignoit que son umbre, et le cris des gras chevreaulx. Battoit certains jours le pavé. Se jouoit es cordes des ceincts. De son poing faisoit un maillot. Escrivoit sus parchemin velu, avecques son gros gallimart, prognostications et Almanachz.
— Voylà le guallant, dist frère Jean. C'est mon home. C'est celluy que je cherche. Je luy vais mander un cartel.
— Voylà, dist Pantagruel, une estrange et monstrueuse membreure d'home, si home le doibs nommer. Vous me réduisez en mémoire la forme et contenance de Amodunt et Discordance.
— Quelle forme, demanda frère Jan, avoient ilz? Je n'en ouy jamais parler. Dieu me le pardoient.
— Je vous en diray, respondit Pantagruel, ce que j'en ay leu parmy les apologues antiques. Physis (c'est nature) en sa première portée enfanta Beaulté et Harmonie sans copulation chamelle, comme de soy mesmes est grandement féconde et fertile. Antiphysie, laquelle de tout temps est partie adverse de nature, incontinent eut envie sus cestuy tant beau et
honorable enfantement : et au rebours, enfanta Amodunt et Discordance par copulation de Tellumon. Hz avoient la teste spherique et ronde entièrement, comme un ballon : non doulcement comprimée des deux coustez, comme est la forme humaine. Les aureilles avoient hault enlevées, grandes comme aureilles d'asne; les œilz hors la teste, fichez sur des os semblables aux talons, sans soucilles, durs comme sont ceulx des Cancres; les pieds ronds comme pelottes; les braz et mains tournez en arrière vers les espaules. Et cheminoient sus leurs testes, continuellement faisant la roue, cul sus teste, les pieds contremont. Et (comme vous sçavez que es Cingesses semblent leurs petits Cinges plus beaulx que chose du monde) Antiphysie louoit et s'efforçoit prouver que la forme de ses enfans plus belle estoit et advenente que des enfans de Physis : disant que ainsi avoir les pieds et teste spheriques, et ainsi cheminer circulairement en rouant, estoit la forme compétente et perfaicte alleure retirante à quelque portion de divinité : par laquelle les cieulx et toutes choses éternelles sont ainsi contournées. Avoir les pieds en l'air, la teste en bas, estoit imitation du créateur de l'Univers : veu que les cheveulx sont en l'home comme racines, les jambes comme rameaux. Car les arbres plus commodément sont en terre fichées sus leurs racines que ne seroient sus leurs rameaux. Par ceste démonstration alléguant que trop mieulx et plus aptement estoient ses enfans comme une arbre droicte, que ceulx de Physis, les quelz estoient comme une arbie renversée. Quant est des braz et des mains, prouvoit que plus raisonnablement estoient tournez vers les espaules, parce que ceste partie du corps ne doibvoit estre sans défenses : attendu que le davant estoit competentement muny par les dens, des quelles la personne peut, non seulement user en maschant, sans l'ayde des mains, mais aussi s'en défendre contre les choses nuisantes. Ainsi, par le tesmoignage et astipulation des bestes brutes, tiroit tous les folz et insensez en a sens-
