Bien vengiez, soyez la bien-venue

« Car nez estes senz péchez :

« Ame douce beneurée,

« Beneite soit Teure que fuz née !

« Tote joie auras o nos,

« Ja merci Deu le glorious. »

Deu en loent parfitement

Et tuit H angre ensement.

La voiz des angres e l'amor

Receit Jésus par douce amor... 250

Et prient saint Michel le ber,

Et saint Pol et les doze pers,

Ke priassent le Creator

Ke por la soue douce amor

Les getast fors de la tristor

Et de celé grant dolor.

Saint Michiel li respundi :

« Deu le set, jeo nel vos ni :

« Ore plorez angoisseusement,

« Et nos le ferun ensement ; 260

« Saveir, se en nule manière

« Oreit Deus la nostre prière,

« Et eust merci de vous

« Qui estes si angoissous. »

Saint Pol et saint Michiel

Et tuit li angre del ciel

Commencent forment a plorer

Et les chetifs à regreter :

« Ohi Jésus le fiz Marie,

« De nos mesoïr tu mie. 270

« Par ta sainte redempciun

« Recevez nostre oroisun ;

« Et aiez merci des pecheors

« Qui sostienent ces grans dolors. »

Dampne-Deu par sa merci

251. Ici semble se trahir une lacune de quelques vers, ou peut-être une ellipse à laquelle suppléait la pantomime : ce sont les damnés qui s'adressent à la commisération de saint Paul et de saint Michel.