CHAPITRE X

LES ACCIDENS QVI ADVIENNEXT PAR TI'.OP LIER ET SERRER LES PARTIES DV CORPS.

Par trop serrer la teste aux inflammations des yeux, on les fait souuent sortir hors leur orbite : ce que i'ay veu, comme i'ay escrit cy dessus aux playes de teste, chap. 17.

Aux playes faites au nez , par le trop serrer et presser on rend les malades camus.

Pareillement aux playes des ioiies et iéures, on rend la bouche tortue.

. Par trop serrer et comprimer les vertèbres du dos , on les iette hors de leur place : qui fait que les filles sont bossues et grandement emaciées par faute d'aliment, ce qu'on voit souuent. Car i'ay souuenance auoir ouuert le corps mort d'vnc Dame do nostre Cour, qui pour vouloir monstrer auoir le corps beau et gresle , se faisoit serrer de sorte , que ie trouuay les fausses costes cheuauchaus les vues par dessus les autres :

DES BANDAGES

qui faisoit que son estoninch osLanl pressé, ne ponuoil s'cslendie pour contenir la viande, et après auoir mangé et beu , estoit contrainte de le reietter , et le corps n'estant nouni deuint maigre: n'ayant presque que le cuir sus ses os, qui fut cause de sa mort.

Pour trop lier vue partie , on est cause de gangrené et de totale mortification.

Par trop lier et serrer vn enfant en son maillot, on l'estouffe faute de respiration.

D'auantage par trop lier et compresser vne iointure , on cause sonnent une luxation , ou distorsion , et deprauation de l'action.

Par trop serrer le ventre aux femmes grosses, on fait que les enfans sont bossus et contrefaits, et la mère auortant, souuent meurt auec l'enfant.

Par trop serrer l'estomach et les parties dédiées à la respiration , on est cause d'vne suffocation et mort subite : ce que de récente mémoire on a veu aduenir l'an 1581, en l'Eglise Saint-Nicolas-des-Champs, où vne ieune espousée de lean de la Forest, maistre IJarbier Chirurgien à Paris, fille de défunt Jacques Ocliede,

marchant passementier, et de Claude Boufaull, laquelle pour eslrc trop serrée et pressée en ses liabits nuptiaux , sortant de l'autel , après auoir pris du pain et du vin à la façon accoustumée, pensant retourner en sa place, tomba roide morte faute de respiration , et le iour mesme fut enterrée en ladite Eglise. Et quelques iours après, ledit delà Forest espousa à Saint-Germain en ï.aye ladite Boufault, mère de ladite fille défunte:

parce que son curé auoit refusé faire ledit mariage, disant qu'aucun ne pouuoit espouser la fille et la mère.

Par trop comprimer la production du Péritoine par vn brayer, on garde la descente des testicules au Scrotum.

Pour porter des souliers trop courts et trop estroits, on fait que les ongles entrent à la chair, et les orteils cheuauchent l'un par dessus l'autre , et s'y font des cors qui causent de grandes douleurs.

Par trop et longuement lier et serrer les parties, on les atrophie, et enfin on leur osîe la vie.

Que diray-ie plus? c'est que par trop serrer la gorge à quelque personne que ce soit, on l'estrangle, et iuy fait-on perdre la vie.

LE TREIZIEME LIVRE

TRAITANT

DES FRACTYRES DES 0S\