CHAPITRE X

l'artifice de mettre vn povcier ov doigtier '.

Lorsqu'vn nerf ou tendon sont entièrement coupés, leur action qu'ils faisoient se perd, et partant la partie demeure manque à flecbir ou estendre,et quelquesfois peut estre aidée par l'artifice du chirurgien.

Ce que i'ay fait à vn Gentilhomme estant à monseigneur le Conneslable, lequel receut vn coup de coutelas le iour de la bataille de Dreux, près la iointure de la main dextre , partie externe , de sorte que les tendons qui esleuent le pouce furent du tout coupés : dont ledit pouce, après la consolidation de la playe , demeura fléchi au dedans de la main , sans se pouuoir leuer, si ce n'estoit par le bénéfice de l'autre main : mais subit se retournoit à réfléchir comme auparauant, qui estoit cause que le Gentilhomme ne pouuoit prendre ny tenir espée, dague , lance , pique , ny autres armes. Or voyant sa main estre quasi inutile et priuée des ar-

> Ce chapitre est de 1575; mais l'instrument avait déjà été figuré en I56i, dans les Dix Hures de chirurgie, fol. 219, verso.

mes , me pria luy couper le pouce , ce que ne luy voulus accorder : mais ie luy fis faire vn instrument de fer blanc, danslequelmetloit son pouce.

Ledit instrument estoit attaché par deux lanières à deux petits annelets sur la iointure de la main , si dexirement que le poulce demeuroit esleué:

et par ainsi le gentilhomme pouuoit tenir espée, pique, lance, et autres armes. La figure t'est icy représentée.

Figure d'vnpoucier de fer blanc\pour tenir le pouce esleué '.