CHAPITRE XXill

nES AIDES DE LA DOVLEVR FAITE

D’INTEMPERATVRE sans MATIERE.

Il y a des douleurs aux iointures qui se font d’intemperature sans matière, ce qui n’aduient pas souuent :

tou tesfois ie l’ay expérimenté sur moymesme il y a enuiron de dix à douze ans‘.

Estant en hyuer en mon estude, vn

vent coulis me donna sur la hanche senestre, lequel ie ne sentois alors , à cause que la vertu imagina tiue estoit occupée à l’estude : puis me voulant leuer, il me fut impossible de me pouuoir soustenir debout ; et auois vn sentiment de douleur si extreme et intolérable, qu’il me seroit impossible la descrire , sans aucune apparence d’intemperature , ny de tumeur au sens de laveuë. Lors force me fut me faire mettre dedans le lit ; et considérant que le froid (qui est du tout enneray des parties nerueuses ‘ ) estoit cause de ma douleur, me fis appliquer plusieurs linges chauds dessus :

et neantmoins qu’ils fussent fort chauds, ie ne sentois qu'à peine la chaleur sur l’endroit de ma douleur, tant estoit l’intemperalure grande : et és autres parties voisines ie la sentois si bien qu’elle me brusloit, iusques à me faire leuer des vessies. D’auantage ie fis appliquer des sachets remplis d’auoine et de mil fricassés ensemble, et imbus de vin vermeil :

pareillement autres fois y faisois appliquer vessies de bœuf, dans lesquelles y auoit de la décoction d’herbes resoliitiues, et n’estoient qu’à demy pleines, à fin qu’elles adhérassent mièux sur le lieu de la douleur. Autres fois y faisois appliquer vne escuelle de bois creuse, presque remplie de cendres chaudes, et par dessus de la sauge , rosmarin et rue vn peu pistés : puis ladite escuelle estoit couuerte et enueloppée d’vn linge, sur lequel on iettoit eau do vie, de laquelle sortoit vne vapeur humide qui donnoit grand allégement à ma douleur. Autres fois y faisois appliquer la mie d’vn gros pain tout recentement tiré du four, arrousée d’eau de vie et

Je rappelle que ce texte est de 1675.

1 Hippocrates, ^pli. 18. liu. 6. — A. P.