CHAPITRE XI

nV PROGNOSTIC DE LEPRE,

La lepre est une maladie héréditaire*, et contagieuse, quasi comme la peste, et du tout incurable, comme aussi souuent est la peste. Geste contagion est si grande qu’elle vient aux enfans des enfans, et encore plus loing, de quoy l’expedence fait foy.

Or elle est incurable , parce que (comme nous auons dit) c’est vn chancre vniuersel de tout le corps : car si vn chancre qui est en vne seule partie d’iceluy ne reçoit aucune curation, comment se pourra guérir celuy qiâ occupe vniuerselleraent tout le corps?

Aussi elle ne se peut guérir, parce que le mal est plus grand que remede aucun qu’on ait iusques à présent peu trouuer et inuenter.

Outre-plus il faut estimer que, lors que les signes apparoissent au dehors, le commencement est Ion g temps auparauant au dedans, à raison qu’elle se fait tousiours plustost aux parties intérieures qu’exterieures: toutesfois aucuns ont la face belle, et le cuir poli et lissé, ne donnant aucun indice de lepre par dehors , comme sont les ladres blancs 2, appellés Cachots, Cagols et Capots, que l’on trouue en basse Bretagne et en Guyenne vers

* L’édition de 1668 ajoutait ici entre parenthèses : {comme nous auons par cydeuanl déclaré.)

2 L’édition de 1668 portait:

« ...comme sont les ladres blancs, appelés cachos, que l’on trouue en basse Bretagne, et plusieurs autres lieux, qui m’est vne chose indicibie. »

Le texte actuel et le reste du paragraphe sont de 1676.

îtSo LE VINGT-DEVXIÉME livre,

Bordeaux, où ils les appellent Gubets^ 1 ds visages desquels bien que peu ou point des signes sus allégués apparoissent, si est-ce que telle ardeur et chaleur estrange leur sort du corps, coque par expérience i’ay veu ; quelquesfois Tvn d’iceux tenant en sa maison l’espace d’vne heure vne pomme fraische, icelle après apparoissoit aussi aride et ridée , que si elle eust esté l’espace de huit iours au soleil. Or tels ladres sont blancs et beaux, quasi comme le reste des hommes, à cause que leur ladrerie consiste en matière pituiteuse , laquelle reseichée par adustion, est faite atrabilaire : si que retenant tousiours sa couleur blancheastre , apporte toutesfois tels inconueniens aux actions de ceux qu’elle possédé, quels nous auons cy dessus mentionnés des vrais ladres et descouuerts.

D’auantage, on voit qu’en ceste maladie les trois vertus et facultés du corps sont corrompues et viciées : car premièrement l’animale precedente du cerueau est altérée et changée :

ce qui est conneu par les imaginations et songes terribles et espouuentables, et par la difficulté du sentimen t et mouuement qu’ont les malades : la corruption de la vitale est aussi conneuë par la voix, et difficulté d’haleine, et puanteur d'icelle, et par le pouls tardif et depraué ; le vice de la naturelle se comioist, par ce que le foye ne fait sa sanguification , et par les excremens de tout le corps procédons du foye : parquoy nous pouuons conclure que les trois membres principaux pâtissent en lalepre.