CHAPITRE IX

t)ES VENINS EN PARTICVLIER.

Après auoir discouru sommaire^ment des choses vniuerselles des venins , maintenant il nous faut venir aux particulières, commeuçaris à l’air, puis aux morsures et piqueures et esgratigneures des beStes venimeuses, puis aux plantes et minéraux.

Les bestes venimeuses sont aspics, crapaux, viperes, dragons, scorpions, liéures marins, pastenaques , viues, torpedes, araignées, cantharides, buprestes , chenilles de pin, sangsues, et infinité d’autres. Or lesdites bestes ne tuent pas seulement par leurs piqueures et morsures ou esgratigneures, mais aussi par leur baue , baleine , escunie, regard, cry et sifflement, veuë, et par leurs autres excremens.

Aussi celles qui sont mortes d’elles mesmes, ou pour peste , ou fouldre , ou rage.

11 y a aussi des venins artificiels, et si cruels, que si onenmetsur vneselle de cheual, font mourir celuy qui aura esté quelque temps dessus : et autres, que si on en frotte les estriers, percent les bottes de ceux qui ont les pieds dedans* : desquels Venins les Turcs et autres Barbares vsent souuent en leurs fléchés et dards, pour faire mourir leurs ennemis, et les cerfs et autres bestes sauuages qui en sont frappées : qui est vne chose difficile à Croire , veu que le venin appliqué à la selle et aux estriers n’a touché à la chair nue : toutesfois cola se peut faire ; car pour toucher les rets où sera prias le poisson nommé Torpede,

* Mathiok. — A. P.

les mains demeurent stupides, et fait mourir l’homme , comme auons dit cy dessus. Ainsi le basilic par son seul regard et par son cry fait mourir les hommes , et tue toutes autres bestes venimeuses qui sont prés où il fait sa demeure. le diray d’auantage que le meilleur vin est poison , parce qu’il oste le sens et entendement , et suffoque : et semblablement toutes autres bonnes viandes, lorsqu’on en prend en trop grande quantité.