CHAPITRE X

DE LA CORRVPTION DE l’aIR.

L’air est venimeux et corrompu par certaines vapeurs meslées auec luy , comme par vne grande multitude de corps morts , non assez tost enseuelis en la terre , comme d’hommes et chenaux , et autres faisans vne vapeur putredineuse ; ce qui aduient souuent après vne grande bataille, ou après vn grand tremblement de terre : lequel sort dehors, qui auoit esté retenu par long temps aux entrailles de la terre , et par faute d’auoîr esté esUenté, il a acquis vne pourriture , laquelle est dispersée en l’air, et la tirant en nos corps, il nous empoisonne : comme par vne seule inspiration d’vn pestiféré , on prend la peste. Il y a encores d’autres causes de la corruption de l’air, que nous dirons cy après au liure de la pestùt

Il y a pareillement du venin on l’air, qui accompagne les tonnerres, fouldres et esclairs, lequel tue ceux qui en sont frappes, ou à grand peine en peuuent ils reschapper, qui se fait par vne certaine vénénosité

sulphtirée, ce qu’on connoist aux corps (pii en sont touchés. Et si les hestes mangent celles qu’il aura tuées, elles meurent et enragent. Et quant au feu du fouldre , il est plus chaud que nul autre feu, parquoy à hon droit il est appellé le feu des feux : à cause qu’il a vne chaleur tres-vehenaente et plus subtile que l’air ; ce qui se voit, qu’il fond le fer d’vne pique sans brusler le bois, ainsi fond l’or et l’argent dedans vne bourse sans l’endommager. Et partant il ne se faut esmerueiller s’il fracasse, brise et comminue les os à ceux qu’il touche. Aussi l’esclair esteint et suffoque la veuë à ceux qui le regardent. Le tonnerre par son grand bruit et tintamarre tue les enfans au ventre de leurs meres. Ce qui se prouue par Herodian en la vie des Empereurs K

Sur Martia, noble dame Romaine,

Tomba du ciel de la fouldre soudaine :

Sans que son corps fut blessé et attaint,

Son enfant fut dedans son corps estaint.

Pareillement rend les hommes sourds, et fait plusieurs autres choses grandes et admirables , qu’il est impossible aux hommes d’en donner raison : et partant nous pouuons dire, qu’aux fouldres et tonnerres il y a quelque diuinité.Ce qui se peut prouuer par Dauid, psaume cent quatrième, qui dit:

Et fouldre et feu fort prompts à ton seruice.

Sont les sergents de ta haulte lustice.

L’air pareillement est enuenimé par parfums et odeurs,el par l’artifice des irahistres empoisonneurs et parfu-

1 Cette citation vient du Discours des venins, imprimé en 1582 avec celui de la Licorne.

meurs, lequel nous conuient attirer pour la conseruation de nostre vie :

car sans luy ne pouuons viure. Or nous l’attirons par l’attraction qui se fait des poumons et des parties pectorales dediées à la respiration , et par le nez és ventricules du cerueau : pareillement par la transpiration qui se fait és petits pores ou pertuis insensibles de tout le corps, et aussi des artères espandues au cuir : ce qui se fait tant pour la génération de l’esprit de vie, que pour refraichir et fermenter nostre chaleur naturelle. A ceste cause, s’il est enuenimé, il altéré nos esprits, et corrompt aussi les humeurs, et les conuerlit en sa qualité venimeuse, et infecte toutes les parties nobles, et principalement le cœur : et alors il se fait vn combat entre le venin et Nature , laquelle, si elle est plus forte, par sa vertu expulsiue les chasse dehors par la sternutation et vomissemens, sueurs et flux de ventre , ou par autres maniérés, comme par flux de sang ou par les vrines. Au contraire si le venin est plus fort. Nature demeure vaincue, et par conséquent la mort s’ensuit, auec griefs et diuers accidens, selon la nature et qualité du venin.

Or le venin prins par l’odeur est merueilleusement subit, parce qu’il n’a que faire d’aucun humeur qui luy serbe de conduite pour entrer en nostre corps, et agir en iceluy': car la vapeur estant subtile, est facilement portée auec l’air que nous attirons et expirons. Et si quelqu’vn me vouloit obiecter que par vne torche ou cassole on ne peut empoisonner, attendu que le feu purifie et consomme le venin, si aucun y en auoit : Response, neantmoins que le feu soit espris en vne allumette sulphurée, la flamme

Des VETVINS.

est Ires-puante, sentant le soulpbre :

semblablement le feu estant espris au bois d’aloés ou genéure , ou en autre bonne senteur, ne laisse à sentir vne odeur plaisante et bonne.

Or si on veut voir l'experience, ie mettray sus le bureau le pape Clensent, oncle de la royne mere du roy, qui fut empoisonné de la vapeur d’vne torcbe enuenimée. Matbiole sur ce propos parlant des venins, dit, qu’en la place de Senes il y auoit deux charlatans tberiacleurs : l’vn des deux auoit empoisonné vn œillet, lequel il bailla à fleurer à son compagnon, et l’ayant senti, subit tomba en terre roide mort. D’auantage, vn quidam de recente mémoire ayant odoré vne pomme de senteur enuenimée, subit le visage luy enfla, et eut vne grande vertigine , de façon qu’il luy sembloit que tout tournast sensdessus -dessous, et perdit pour quelque temps la parole et toute counoissance : etn’eust esté qu’il fut promptement secouru par sternutatoires et autres choses, il fust allé auec le pape Clément.

Le vray alexitere de ces parfums enuenimés, c’est de non iamais les odorer.et fuir tels parfumeurs comme la peste, et les chasser hors du royaume de France, et les enuoyer auec les Turcs et infidèles.