SIGNES POVR CONNOISTRE LE CHIEN ESTRE ENRAGÉ

Lors qu’il voit de l’eau , il tremble et la craint, et a vne horripilation , c’est à dire que le poil lui dresse. Il a les yeux rouges et fort flamboyans , et renuersés , auec vu regard vehement, fixe et horrible, regardant de trauers. Il porte sa teste fort bas et

I Ce chapilre où Paré trace le tableau le | plus net et le plus précis des signes de la rage, est textuellement copié du chap. 6 de \

la tourne de costé. Il ouure sa gueule, et tire la langue qu’on voit liuide et noire, halette, et iette grande quantité de baue escumeuse , et plusieurs autres humidités découlent de sen nez. Il chemine en crainte , lantost à dextre, tantost à senestre, comme s’il estoit yure , et tombe souuent en terre. Lors qu’il voit quelque forme, il court à l’encontre pour l’assaillir, soit qué ce soit vne muraille , ou vn arbre , ou quelque animal qu’il rencontre. Les autres chiens le fuyent et le sentent de loing : et s’il s’en troune quelqu’vn prés de luy ,il le flatte et lu y obéît , et tasche à se desrober et fuir de luy , encores qu’il soit plus grand et plus fort. Il ne boit ny mange : il est du tout muet , c’est à dire qu’il n’aboye point ; a les oreilles fort pendantes, et la queue retirée entre les cuisses : il regarde de trauers , et plus tristement que de coustume : il mord egalement bestes et gens , tant domestiques et familiers qu’estrangers , et ne connoist aucunement son maistre, ny la maison où il a esté nourri ; parce que l’humeur melan • cholique luy trouble tous les sens. Ce quiaduient pareillement aux hommes qui sont vexés de telle humeur melancholique : car ils tuent quelquesfois leurs peres, meres, femmes ou enfans, et sounentesfois eux-mesmes.