CHAPITRE X
d’avcvnes choses qve l’on doit observer OVTRE LES PRECEDENTES ,
POVR LA PRESERVATION,
En cest endroit ie veux bien encore déclarer aucunes choses, lesquelles pourroient nuire à vn chacun , et le rendre plus idoine à prendre la peste ; partant aussi est bon pour la préseruation de les obseruer.
Et sur toutes autres choses faut euiter la fréquentation des femmes , d’autant ;que par icelle les forces et vertus sont diminuées , et les esprits se resoluent et affoiblissent , principalement tost après le repas, pour-ce qu’on débilité l’estomach, et par ce moyen se fait crudité , de laquelle procedp corruption et autres infinis accidens : parquoy on peut conclure que dame ¥enus est la vraye peste , si on n’en vse auec discrétion. Aussi se faut garder de viure en oisiueté , et!manger et boire auec discrétion : car telles choses engendrent aussi obstructions et des humeurs vicieux , dont ceux qui font tels expés sont plus suiets à prendre la peste. Si les femmes sont réglées de leurs fleurs , cela les preserue beaucoup : aussi si elles sont retenues , cela leur peut grandement nuire, parce qu’en temps de peste elles se corrompent facilement :
parqpoy elles doiuent prendre garde à les prouoquer , comme nous déclarerons cy après. Pareillement ceux qui auront vieils vlceres , fistules et galles, pe les feropt cicatriser en temps de peste , mais pUistpst en feront de nouuelles , à fin que par icelles , comme par vn esgout d® Inpt le corps, le venin, si aucun [y en au oit
en nous, se puisse euacner sans s’y accroupir aucunement. Aussi ceux qui ont flux de sang par le nez ou par hemorrhoïdes, le laisseront fluer, et nereslancheront s’il n’estoit excessif.
Bref en temps de peste, ne faut retenir aucun humeur vicieux dedans le corps , ny pareillement faire trop grande euacualion.
Outre-plus on se doit garder audit temps d’acheter choses esquelles l’air pestiient se peut couuer aisément et garder, comme en chanure, lin, lits où auront couché les pesîiferés, fourrures , habillemens de draps de laine, tapisseries, et autres semblables. D’auantage, il ne fauj faire sa demeure prés les cemetieres ( et principalement prés de ceux esquels les corps morts ne sont enterrés profondément, comme ordinairement on’fait à sainct Innocent , de façon que quelqxiesfois les chiens les deterrent et mangent ) ny prés des voiries , escorcheries , poissonneries, tanneries, teinturiers, chandeliers , frippiers , reuendeurs , peaussiers , corroyeurs , et tous lieux où on fond les métaux : ny souffrir fiensprés sa maison, et principalement , celuy des pourceaux , ny cloaques, eaux croupies et charongneuses, et semblables choses infectes et puantes.
D’auantage, ne faut aller aucunement à la selle és retraits où on iette les excremens des pestiférés. Aussi faut euiter la fréquentation de ceux qui hantent les malades de peste , comme les Médecins, Chirurgiens, Apoticaires, Barbiers, Prestres, gardes, seruiteurs et fossoyeurs qui enterrent les corps morts de peste : car iaçoit qu’vn homme n’ait la peste, neantmoins venant de l’air pestiféré , la peut porter auec soy en ses habillemens. Ce qui est conneu par expérience , que si on demeure quelque
temps en la boutique d’ vn parfumeur, sortant de là on sent le parfum , bon ou mauuais , à raison que l’exhalation et vapeur du parfum s’eslend parmy l’air qui est à l’entour , lequel entre en nos habillemens , et par ce moyen baille l’odeur qu’il areceu des drogues du parfumeur : aussi l’air pestiféré fait le semblable ; partant faut euiter telles choses.
Finalement il faut auoir esgard aux choses appellées non naturelles , desquelles nous en auons ja par-auant touché aucunes : et adiousterons encore qu’il faut euiter de se courroucer grandement ; car par la cholere il se fait grande ebullilion du sang et des esprits, et dilatation des ouuertures et conduits , et par ce moyen l’air pestiient en tel cas engendre promptement la fiéure pestilente , ce qu’on a veu aduenir souuent. Au contraire, il se faut tenir ioyeux, en bonne et petite compagnie, et par fois oüyr chantres et instrumens de musique , et aucunes fois lire ou oüyr lire quelque lecture plaisante , et principalement de lasaincteEscriture >. D’auantage, il faut euiter le trop veiller la nuit , les grands et excessifs mouue- 1 mens, l’ardeur du soleil, la faim et soif, parce que telles choses eschauffent les esprits et causent la fiéure ephemere, de laquelle prouient souuent la pestilentielle. Que diray-ie plus? c’est que si quelqu’vn est contraint de faire sa résidence en vne maison ou chambre d’vn pestiféré , il la faut auparauant parfumer, et tout reblanchir auec de la chaux : car le venin pestiféré et contagieux s’attache longuement aux parois'^.
1 Celle phrase esl une addition de 1585.
® Ce dernier paragraphe a été également ajouté en 1585.