CHAPITRE XXI
DE LA SITVATION ET HABITATION DE LA MAISON DV MALADE DE PESTE , ET MOYEN d’y rectifier l’aIR.
Quand la peste vient de l’in temperature de l’air , on ne se doit tenir en lieu haut esleué, mais en bas lieu, enuironné d’air froid, espais etmarescageux, et se tenir caché dans les maisons : et partant ceux qui sont prisonniers, et les moines et nonnains enfermés en leurs cachots et couuens, sont plus seurement, et hors de la portée du canon pestiféré, que ceux
3q4 le vingt-qvatrieme livre,
qui habitent en autre lieu. Toutesfois il ne se faut tenir tant enfermé, qu’on n’ouure quelquesfois les portes et fenestres au vent contraire à celuy d’où vient l’air pestilent , à fin que l’air frais et bon y entre le matin et le soir, pour purifier la maison des exhalations et vapeurs qui y sont retenues, et le corrompent d’auantage s’il n’est esuenlé et flabellé : et sur le midy seront closes et fermées. Outre-plus lors qu’il ne fait vent, comme on voit aux grandes chaleurs, il faut esmouuoir l’air autour du malade auecques vn esuentoir , ou auec vn grand sac dé toile dans lequel on porte la farine au moulin. Et faut qu’il soit trempé en eau et vinaigre, et posé sur vn gros et long baston , puis l’agiter fort : car par ceste agitation on rend vne très grande réfrigération par toute la chambre, ainsi que l’experience le monstre.
Or si la peste vient du vice des vapeurs de la terre, on se logera és lieux médiocrement hauts et bien aérés : et pour le dire en vn mot, on fera toutes choses qui peuuent contrarier à l’intemperature de l’air pestilent , de quelque cause que la peste soit procréée.
Aussi conuient faire changer tous les iours de chambre et linceux aux malades , s'ils le peuuent commodément faire : principalement quand ils ont sué, de peur que les ordures que Nature a iettées ne soient attirées par les pores et arteres qui sont disséminées au cuir , qui succent et attirent l’air indifféremment, soit bon ou mauuais. Semblablerneul faire du feu en la chambre, principalement la nuict, à fin de rendre l’air plus purifié des vapeurs nocturnes, et de l’exhalation et expiration du malade, et de ses excreniens. Parquoy il couchera
vne nuict en vne chambre , et l’autre nuict en vne autre. En quoy on doit auoir esgard à la disposition du temps : car aux grandes et estremes chaleurs, il n’y faut faire grand feu , de peur d’augmenter la chaleur de l’air, ny pareillement vser de parfums forts et odiferans , parce que telles choses augmentent la fléure et la douleur de teste, d’autant qu’en tel temps nostre chaleur naturelle est languide, et les esprits et humeurs boüillent et bruslent : parquoy il faut plustost vser de choses qui rafraichissent, que de celles qui eschauffent. Partant en esté il faut arrouser la chambre d’eau froide meslée en vinaigre, et y espandre fueilles de vigne , qui auront trempé en eau froide , cannes ou roseaux, aubespine, ioncs, fueilles et fleurs de nénuphar , peuplier , rameaux de chesne, et leurs semblables :
lesquels seront renouuellés souuent, comme aussi l’agitation de l’air auec le sac cy deuant dite doit estre reiV terée quand il en sera besoin. Pareillement on attachera autour du lict du malade des linceux gros et neufs, et non fort blancs (pource que la blancheur dissipe la veuë et augmente la douleur de leste), lesquels seruiront de custodes: et lés faut arrouser souuentesfois d’eau et de vinaigre, ou eau rose si le malade est riche.
On pourra tendre en la chambre plusieurs linceux de toile neuue trempés en oxycrat, qui lui seruiront de tapisserie. Et faut que le iour il soit en peu de clarté, et au contraire la nuict auec grande lumière, pource que par la grande clarté du iour les esprits se dissipent et affoiblissent, et par conséquent tout le corps : et par la lumière de la nuict ils sont reuoqués au dehors.
Aussi on fera brusler par fols bois
DE LA. PESTE
de genest , de genéure , fresne, et ta marix, mis en petites pièces : escorces d’orenges, citrons, limons, pelures de pommes de court -pendu, doux de girofle, benioin, gomme arabique, racine d’iris, myrrhe, prenant de chacun tant qu’on voudra. Et seront concassés grossement , et mixtionnés ensemble, et iettés sur vn reschaut plein de braize, et ce soit réitéré tant qu'il sera besoin : mais entre tous , le bois et graine de genéure ont grande vertu contre le venin, ainsi que les anciens ont laissé par escrit, ce qu’on connoist aussi par effect : car lors qu’on en brusle , ils chassent tous serpens veneneux qui sont autour. Le fresne a semblablement grande vertu : car nulle beste veneneuse n’ose approcher seulement de son ombre, tellemeni qu’vn animal veneneux se mettra pluslost dedans le feu, que d’approcher ou passer par dessus le bois de fresne, comme monstre Pline , et dit sçauoir par expérience, liure 16, chap. 13 L Pareillement le parfum suiuant est doux et amiable. Il faut faire fort chauffer des pierres de graiz , et les ] mettrededans des chauderons, puison versera dessus du vinaigre auquel on aura fait bouillir de la rue , sauge, rosraarin, graine de laurier, genéure, noix de cyprès et leurs semblables :
ce faisant il s’esleuera vne grosse vapeur et fumée, qui rectifiera l’air, et donnera bonne odeur par toute la chambre.
On pourra aussi vser d’autres en autre façon , dont la matière pourra eslre plus crasse et visqueuse , k lin qu’en bruslant elle puisse rendre plus
1 La citation de Pline est de 1579j toutefois le texte auquel elle se rapporte existait déjà en 1668.
ScjS
grande fumée, comme sont ladanum, myrrhe, mastic, résiné, terebenthlne, styrax calamite, oliban , benioin , semences de laurier, genéure, pommes de pin , doux de girofle : et peut-on piler auec iceux de la sauge, rosmarin , mariolaine et leurs semblables , à fin qu’auec les gommes, la fumée et vapeur dure plus long temps. On pourra pareillement faire aux riches, chandelles, torches et flambeaux, meslant auec la cire des poudres de senteurs composées des choses dessus dites. On fera aussi sentir aux malades choses douces aromatiques , à fin de corroborer l’esprit animal ; car la bonne odeur recrée et conforte les parties nobles ; au contraire la mauuaise prouoque le vômir et fait venir défaillance de cœurL Donc ils pourront tenir en leurs mains vne esponge trempée en eau rose , vinaigre rosat , doux de girofle , et vn bien peu de camphre concassé, et l’odorer souuent : ou faut vser de l’eau suiuante , laquelle est bien odoriférante et fort singulière pour tel effet.
Ireos flor. 5 • fi'h
Zedoariæ, spicæ nardi anaS. vj.
Styracis calamilæ, benioin , cinnamomi,
nucis moscatæ, caryophyilorum ana
Theriacæ veteris § . fi .
Ces choses seront grossement puluerisées, et trempées en quatre liures de bon vin blanc par l’espace de douze heures, dessus des cendres chaudes , puis les ferez distiller en alambic de verre. En ceste eau faudra tremper souuent vne esponge, la-
1 La-fln de celle phrase, depuis ces mots : car la' bonne odeur, elc., manque dans les premières éditions, et n’a élé «joutéc qu’en
quelle sera mise en vn mouchoir , ou en vne boette, et flairer souuent.
Tf. Aquæ rosar. et acetl rosati ana ^ . iiij. Caph. g.vj.
The. 3. ti.
Faites dissoudre le tout ensemble et le mettez en vne phiole de verre, et le faites sentir souuent au malade , ou vne esponge ou mouchoir imbus en ceste mixtion. Aussi on pourra à ceste intention vser de ce noüet , lequel est de bonne odeur et bien expérimenté:
Of. Rosar. p. ij. ]
Ireos Florentiæ § . fi ,
Calami aromatici, cinnamomi, caryophyll. ana 3. ij.
Styracis calamilæ, benioin ana 3. j. fi. Cyperi 3. fi.
Redigantur in puluerem crassiorem, et flat nodulus inter duas syndones.
Ledit noüet doit estredela grosseur d’vnesteuf, et le faut laisser tousiours tremper en huit onces de bonne eau rose, et deux onces de vinaigre rosat ; et le baillerez souuent à odorer au malade.
Nous deuons bien obseruer que, selon la diuersité des temps, il faut diuersifier les parfums : car en esté ne faut vser de musc , ciuette , styrax calamite, benioin, iris, ny pareilles odeurs fortes, pour les causes que nous auons dites cy dessus : mais en hyuer, l'air estant froid et humide, gros et nébuleux, on en peut vser.
D’auanlage il faut noter que les femmes sujettes à suffocation de la matrice, et les febricitans , et ceux qui ont grande douleur de teste, ne doiuent vser de parfums et i)deurs fortes, mais de doux et bénins , à fin qu’ils ne leur puissent aucunement nuire :
partant ils pourront vser d’eau rose et vinaigre, et bien peu de camphre, et doux de girofle concassés.