CHAPITRE XXII

DV REGIME ET MANIERE DE VIVRE DV malade , ET PREMIEREMENT DV MAN¬ GER.

En ceste maladie pestilente la maniéré de viure doit estre réfrigérante et desseichante , et ne faut tenir vne diete fort ténue, mais au contraire est necessaire que les malades se nourrissent assez copieusement de bons alimens : ce que plusieurs doctes Médecins approuuent, et tiennent que la maniéré de viure ténue est dommageable aux pestiférés , à cause de la grande resolution d’esprits et débilitation des forces naturelles qui est faite par icelle maladie, et fait communément troubler le cerueau , rendant les malades frénétiques , ioint aussi qu’ils syncopisent souuent. Pour à quoy obuier , faut vser de grande et subite réparation, par alimens de bonne substance : ce que l’experience nous a enseigné ; car ceux qui en ceste maladie ont vsé d’vne maniéré de viure assez ample , sont plustost eschappés que les autres , aiisquels on a fait tenir üiete ténue : et partant on y prendra garde. D’auantage faut euiler les viandes douces, humides, crasses et visqueuses, et celles qui sont fort ténues : parce que les douces s’enflamment promptement , les humides se pourrissent, les crasses et visqueuses font obstruction, et prouoquent les humeurs à pourriluie :

celles qui sont de ténue substance sublilient trop les humeurs , et les eschaulfent et enflamment, et font esle-

t)Ê tA t‘ESl‘Ë.

üer vapeurs chaudes et acres aucerueau , dont la fiéure et autres accidens s’accroissent. Parquoy les viandes sal(ies et cspicées , moustarde, ails , oignons et semblables, et généralement toutes choses qui engendrent mauuais nourrissement ne sont propres. D’auantage leslegumes seront pareillement euités, parce qu’ils sont venteux, et causent obstruction : toutesfois leur boüillon n’est à reietter, parce qu’il est apéritif et diurétique.

On vsera doneques de la maniéré de viure qui .s’ensuit.

Et premièrement le pain sera bien leué et bien cuit, et vn peu salé, et de bon froment, ou de meteil : et qu’il ne soit trop rassis ne trop tendre, mais moyen entre deux. On vsera de chair qui engendre bon aliment et facile à digerer, et laisse peu d’excremens : comme sont ieunes moutons, veaux. chéureaux,lapereaux, poulets, hetoudeanx , perdreaux, pigeonneaux, griues, aloüettes, cailles, merles, tourterelles, francolins, phaisans, et generalement tous oiseaux sauuages qu’on a accoustumé de manger, excepté ceux qui viuent éseaux : tous lesquels seront diuersifiés selon le goust et la puissance de la bourse du malade. Et faut que le malade mas ■ che fort ses viandes : pource que lors qu’elles sont bien maschées, elles sont à demy cuittes et préparées , et par ainsi les vapeurs montent moins au cerueau. La saulce d’icelles sera verjus, vinaigre, jus de limons , orenges, citrons, grenades aigres, espine-vinette, groseilles rouges et verdes, jus d’ozeille champestre et domestique. Or toutes ces choses aceteuses sont fort louées, parce qu’elles irritent l’appetit, et résistent à la chaleur et ébullition de la üéurc putride, et gardent que la viande ne se cor-

rompe en l’estomach : aussi contrarient à la putréfaction du venin et pourriture des humeurs; mais ceux qui ont mauuais estomacb ou viceaux poulinons, en vseront moins que les autres, ou seront corrigées auec succre et canelle. El quelquesfois aussi le malade pôurra bien manger quelques viandes boulines auec bonnes herbes, comme laictue, pourpié, scariole, bourrache, ozeille , houblon, buglosse, cresson , pimprenelle, soucie , cerfueil , tormentille , quintefueille, scabieuse, semences froides, orge et auoine mondés , et leurs semblables, auec vn peu desaffran, qui pareillement en tèlcas est souuerain, d’autant qu’il corrige le venin.

Les potages ne sont à loüer, si ce n’est en petite quantité, à cause de leur grande humidité ( ausquels on fera cuire racines et semences aperitiues, lesquelles ont vertu de prouoquer l’vrine et desopiler) ny pareillement les choses grasses et oléagineuses, parce qu’elles s’enflamment promptement. Les câpres sont bonnes, à cause qu’elles aiguisent l’appetit et desopilent, et doiuent eslre bien dessalées et mangées, au commencement du repas, auec vn bien peu d’huile d’oliue et vinaigre : on en peut pareillement vser en potages.

Les oliues, prises en petite quantité, ne sont aussi à reietter. Aux iours maigres , si le malade est scrupuleux et friant de poisson ( ce que ie n’approuue, pour-ce qu’il est facile à se corrompre et engendrer mauuais suc) il en pourra vser : mais on luy eslira les moins nuisibles, comme sont les saxatiles, c’est à direviuans en eau claire, où il y a force grauier, pierres et rochers : aussi ceux qui sont friables, c’est à dire aisés à comminuer et froisser, comme Iruictes, bro-

LE VIWGT-QVATHI^MB LIVRE ,

chels, gardons, perches, dars, loches, escreuisses principalement estouffées en laict, tortues, et autres semblables. Quant aux poissons de mer, il pourra vser de dorades, rougets, gournauds, merlus, celerins, sardines fraîches et non salées, mulots, merlans, esperlans, aigrefins, turbots, et leurs semblables, lesquels seront cuits en eau et vinaigre, et bonnes herbes. Aussi les œufs pochés en eau, mangés auec jus d’ozeille et autres cy dessus mentionnés leur seront propres. L’orge mondé auquel on mettra graine de grenades aigres, est pareillement fort excellent en tel cas, pour-ce qu’il est de facile digestion et de bonne nourriture : aussi qu’il rafraîchit, humecte, deterge et lasche vn peu le ventre. On y pourra adiouster de la graine de pauot et semences de melons , si la fleure est grande. Toutesfois aucuns ne le peuuent digerer, et leur cause vne nausée et douleur de teste : et à tels ne leur en sera baillé aucunement, mais en lieu d’iceluy on leur donnera pa nades, ou pain gratté auec bouillon de chapon , auquel on fera boüillir lesherbescy dessusmentionnées, auec des semences froides.

Quant aux fruits, le malade pourra vser de raisins desseichés et confits entre deux plats auec eau rose et succre, pruneaux de Damas aigrets, figues, cerises aigrettes, pommes de court -pendu, poires de bon-chrestien, et autres tels bons fruits. Et apres le repas, on luy donnera coings cuits sur la braize, ou cotignac, ou conserue de roses, de buglose, violettes, bourrache, et leurs semblables, ou ceste poudre cordiale :

Coriandri præparall 3. Jj.

Margaritarum electarum, rosarum, rasuræ eboris, cornu cerui ana 3. fl.

Carabes a.ij.

Cinnamomi 3.j.

Et ossiï de corde cerui 3 . fl .

Sacchari rosali §. iüj.

Fiat puluis j vtatur post pastum.

Si le malade est fort debile, on luy donnera delà gelée faite de chapon e veau, y faisant boüillir eau d’ozeile, de chardon benist, bourrache, et vn peu de vinaigre rosat, canelle, succre, et autres choses qu’on verra estre necessaires. La nuit ne faut estre dégarni de quelques bons pressis et bouillons (y adioustant vn peu de jus.de citron ou de grenades aigres) lesquels en ceste maladie sont plus à louer que les coulis, à cause qu’ils sont trop espais, font obstruction aux veines mesaraïques et capillaires du %e. et causent soif pour la tardiueté de leur distribution, et donnent peine àTestomacbdeles cuire : lequel (comme aussi le cœur et autres membres nobles) a assez d’autres empeschemens à vaincre son ennemy. Il n’est aussi impertinent tenir et faire préparer le restaurant qui s’ensuit, à fin de n’ennuyer le malade 'd’vne sorte de viandes, mais le recreer au cunement en diuers vsages d’alimens ; non que par ce moyen on luy vueille rechercher et conciler vn appétit, mais le fortifier, et cependant le contenter en quelque façon, et luy donner courage de résister à sa maladie : partant on pourra vser de cestuy-cy.

Prenez conserue de buglose, bourrache, violeües de Mars, nénuphar et cichorée, do riiacun deux onces.

Poudre d’electuaire de diamargaritum froid et diatragacant froid, trochîsques de camphre, de chacun trois drachmes.

DE LA PESTE

Semence de citron, chardon benist, et aceleuse, racine de dictamne, et tormenlille, de chacun deux dragmes.

Eau de décoction d’vn ieune chapon, six liures.

Meslez auec fueilles de iaictue, aceteuse, pourpié, buglose et bourrache , de chacun demie poignée.

Le tout soit mis en vn alembic de verre, auec la chair de deux poulets et deux perdrix : soit faite distillation à petit feu. Puis sera pris demie liure de la distillation prédite, auec deux onces de succre blanc et demi dragme de canelle : ces choses soient passées par la manche d’hippocras , et que le malade en boiue quand il aura soif : ou qu’il vse de cestuy suiuant.

Prenez vn vieil chappon et vn jarret de veau. Deux perdrix hachées.

Canelle entière, deux drachmes.

Le tout mis en un vaisseau de verre bien estouppé sans aucune autre liqueur, et soient faits bouillir au bain Marie iusques à ce qu’ils soient parfaitement cuits ‘ i ou en un vaisseau d’estain , qui t’est icy représenté , lequel se clost à vis, de façon que nulle vapeur ne peut sortir dehors : et est propre pour faire restaurons, et potions vulnéraires, et décoction de gaiac, salseparille , et esquine, et ] generalement toutes choses qui se doiuent cuire au bain Marie.

‘ La phrase s’arrêtait là dans les premières éditions , o« plutôt elle se continuait directement avec la phrase qui suit la figure : car •par ce moyen la chair se cuit en son propre jus, etc. La figure et le texte qui s’y rapporte se trou\ent pour la preniière fois dans le petit Discours de la peste publié en 1582 4 la suite des Discours de la mamie et de la licorne, folio 65 ; et ils ont été repris dans la grande édition de 1685.

en son propre jus , sans que le feu y porte dommage ; puis le jus soit exprimé dedans des presses propres à telle chose. Duquel en sera donné vne once ou plus pour chacune fois , auec vn peu d’eaux cordiales, comme eau de bourrache, de violettes , de buglose, de scabieuse, de roses, ou de conserue d’icelles , et du triasantal, diamargarUum frigidum, desquelles on en dissoudra , et en sera donné souuent au malade, à sçauoir, de trois heures en trois heures , plus ou moins , selon que le malade le pourra digerer, et que la heure et autres accidens le permettront ; car selon que la fleure sera grande ou diminuée, il faudra diuersifier les alimens , tant en quantité qu’en qualité. Or ou ordonne les restaurons, coxilis et pressls , et eau de chair, à ceux qui ont l’estomach debile, et ne peuuent cuire les viandes. Outre-plus, il est bon de manger souuent en petile quantité confitures aigrettes, comme prunes,cerises, et autres dont dous auons fait mention cy dessus.

Et faut du tout euiter les confitures

LÈ VINGt-QVATRlliJIË LIVRE ,

4oo

douces : car (comme nous auons dit cy dessus) toutes choses douces promptement s’enflamment en nostre corps, se tournansen cholere, et souuent engendrent obstruction au foye et à la râtelle.

Et faut icy noter, qu’il n’y a point de maladie qui débilité tant Nature que fait la peste. Parquoy il faut donner à manger au malade peu et souuent, selon qu’on verra estre necessaire, ayant esgard à lacouslume, à l’aage, au temps, à la région, et sur toutes choses à la vertu du malade, à fin que le venin qui a esté chassé et expulsé aux parties extérieures ne soit de rechef attiré au dedans par inanition : considéré aussi que la putréfaction veneneuse corrompt, altéré et dissipe les esprits vitaux et naturels, lesquels doiuent estre souuent restaurés par manger et boire, comme nous t’auons desia aduerti cy deuant. Toutesfois il faut prendre garde par trop manger on ne charge le malade de matière superflue : partant en ce on tiendra médiocrité. Et quand l’appetit sera venu , il ne faut différer de donner à manger et boire, tant pour les causes susdites, que aussi de peur que l’estomach ne se rem plisse d’humeurs acres, bilieuses et ameres, dont s’ensuiuent plusieurs extorsions et mordications en iceluy, inquiétude et priuation de sommeil , rétention des excremens , lesquels aussi sont faits plus acres et mordicans. D’auantage, faut auoir esgard de donner en hyuer plus à manger qu’en esté, à cause que la chaleur naturelle est plus grande. Plus, ceux qui sont de complexion froide , et qui ont débilité d’estomach , vseront moins de choses refrigerentes , ou seront corrigées auecqiies autres choses chaudes, comme canelle, doux de girofle, muguette, macis, et autres.

Outre-plus, ceux qui ont grand flux de ventre doiuent vser de jus de grenades, tant au .manger qu’au boire. Et l’ordre de prendre les viandes , c’est que les liquides et de facile digestion seront prises deuant les solides et plus difficiles à digerer.

Et ce te suffise du manger du malade : à présent il nous faut traiter du boire.