CHAPITRE LU

DISCOVRS DES INCOMMODITÉS QVE LA PESTE APPORTE ENTRE LES HOMMES, ET DV SOVVERAIN REMEDE*.

l’ay cy dessus remonstré, sur les causes de la peste , qu’estant vn des fléaux de l’ire de Dieu , nous ne polluons sinon tomber en toute extrémité de maux, quand l’enormité de nos péchés a prouoqué sa bonté à retirer sa main fauorable de nous, et nous enuoyer vne telle playe : il me suffira donc pour la fin , de remémorer quelques incommodités, ou plustost à vray dire , horribles calamités qui aduiennent en la société humaine par ceste dangereuse maladie, à fin que selon les moyens humains que Dieu a ordonnés pour y pourueoir, nous soyons par la grandeur du mal plus enclins à chercher et à vser de remedes qui nous en peuuent preseruer. Considérons donc, qvi’aussi lost que la peste est en quelque prouince, tout commerce de marchan-

1 Ce chapitre ne suivait pas immédiatement le précédent dans l’édition de lôCS; mais , comme il a été dit, il en était séparé parles quatre chapitres consacrés a la petite vérole et aux vers. II a repris la place qu’il occupe actuellement dès 1575.

458 LE vmGT-QVATKIEME LIVRE ,

dise, dont les hommes ont besoin de s’entretenir par aide réciproque des vns et des autres, vient à estre interrompu et délaissé : car nul ne se veut bazarder de venir rien apporter au lieu où est la peste , de peur de perdre sa vie. De là s’ensuit que les viures viennent bien tost en grande cherté, et en fin à défaillir du tout, mesmement aux villes fameuses où il y a grand peuple qui a accoustumé de viure au iour la iournée, sans faire prouision : car les marchands allans çà et là pour en apporter , ne peuuent non seulement entrer aux villes ny villages , mais souvient en sont dechassés par armes et à coups debarquebuses, arbalestes, et pierres, pour ne les laisser approcher, tant que quelquesfois ils sont tués ou massacrés inhumainement, au lieu du secours qu’on leur deuroit donner en leurs nécessités. De là vient que les autres n’y veulent aller, et eux quisouloient subuenir à ce que leur ville ne tombast en defaut de viures et autres choses, sont contraints d’endurer la famine auec leurs concitoyens. Souuent les enfans sont contraints d’enterrer leurs peres et meres , les peres et meres leurs enfans, les maris leurs femmes, et les femmes leurs maris (qui leur est un grand creue-cœur) pour ne trouuer personne qui les vueille enterrer.

Souuent aussi on laisse les corps sans les enterrer, desquels s’esleuent vapeurs pulredineuses qui renforcent la peste ‘. Outre-plus , les plus opulents, mesmes les magistrats, et autres qui ont quelque autorité au gouuernement de la chose publique, s’absentent ordinairement des pre-

* Les deux phrases qui précèdent sont de

miers, et se retirent ailleurs, desorte que la iustice n’est plus administrée , n’y estant personne à qui on la puisse requérir ; et lors tout s’en va à confusion, qui est vn mal des plus grands qui sçauroient aduenir à vno république, quand la iustice defaut : et adonc les meschans ameinent bien vne autre peste ; car ils entrent és maisons, et y pillent et desrobent à leur aise impunément , et coupent le plus souuent la gorge aux malades, voire aux sains mesmes, à fin de n’estre conneus et accusés après.

Qui en voudra des exemples bien recentes , il en pourra sçauoir des habitans de Lyon, au voyage que le Roy y a fait K Aussi en ceste ville de Paris se sont trouués des gens , qui auec l’aide de tels maistres, ayansfait entendre à vn quidam leur ennemy qu’il auoit la peste, sans auoir mal quelconque, et le iour qu’il deuoit parler de son procès, ou faire quelque acte où sa presence estoit requise, l’ont fait rauir et emporter à l’Hostel- Dieu, par la force de ces galands, quelque resistence qu’il peusl faire , estans plusieurs contre vn : et si de fortune il imploroit l’aide et miséricorde du peuple qui le voyoit, les larrons et meurtriers l’empeschoient et crioient encores plus fort que luy, à fin qu’il ne fust entendu : ou bien ils donnoient à entendre que le mal l’auoit rendu furieux et démoniaque, pour faire fuir chacun d’auprès, et ce pendant auoir moyen de le pousser audit Hostel-Dieu , et le faire lier et coucher auec les pestiférés. Et quelques iours après mourut, tant dedesplaisir que de l’air infecté , ayant esté sa mort auparauant vendue et acheptée à beaux deniers contans.

le n’ay que faire de déduire icy au long ce que l’on ne sçait que Irop :

c’est à sçauoir que les villes délaissées deuiennent champeslres, iusques à voir l’herbe croistre parles rues; les laboureurs delaissans leurs maisons et les fruits sur la terre, laquelle demeure en friche ; les troupeaux sont esgarés et esperdus parles champs :

les hommes s’entre-rencontrans s’enfuyent arriéré les vns des autres , signe de grande punition de Dieu. le me conlenteray d’adiouster icy que ceste maladie rend par tout l’homme si misérable, que si tost qu’il est soupçonné, sa maison ( qui luy estoit lieu le plus seur et le plus libre) luy sert d’vne cruelle prison : car on l’enferme dedans sans qu’il puisse sortir , ny que personne y soit admise pour le secourir. Si ce pendant quelqu’vn de ceux qui sont ainsi reserrés et enfermés se meurt, il faut que les autres qui sont là dedans voyent quelquesfois durant long temps cest horrible spectacle du corps rempli de vermine et pourriture , auec vne grande puanteur charongneuse , qui fait renforcer l’infection et vénénosité de l’air , qui puis après fait redoubler la peste, et est souuent cause delà mort de tous ceux qui sont en la maison. Et si on se retire aux champs, la mesme crainte et horreur y est , et se trouue en tout chacun qui les voit, et plus encores , d’autant qu’on a moins d’amitié ou connoissance. Tout est clos et fermé aux villes , villages et bourgades, voire les maisons propres sont closes à leus maistres . tellement que souuent on est contraint de faire quelque logette aux champs, arriéré de toute conuersation et connoissance : comme on fuisoit à Lyon sur le llosne, là où les malades s’estans retirés, le chaud du iour les es-

touffoit , et le froid de la nuit les morfondoit et leur amenoit d’autres mortelles maladies. Et qui plus est, n’a on pas veu esdites loges , que le pere et la mere estans griefuement malades , et ne pouuans aider à leur enfant, l’ont veu suffoquer et manger aux mouches guespes, et la mere cuidant le secourir, se leuer , puis tomber morte entre l’enfant et le mary ? Plus , on n’est reconneu des vassaux , suiets , ou seruiteurs qu’on ait : chacun tourne le dos , et personne n’y oseroit aller : mesmes le pere abandonne l’enfant , et l’enfant le pere : le mary la femme , et la femme le mary : le frere la sœur , et la sœur le frere ; voire ceux que vous pensez les plus intimes et feables amis, en ce temps vous abandonnent pour l’horreur et danger de ceste maladie. Et s’il y a quelqu’vn qui , meu de pitié et charité chrestienne, ou pour la consanguinité, vueilie s’auancer pour secourir et visiter vu malade, il n’aura après parent ny amy qui le vueilie fréquenter ny approcher.

Qu’ainsi soit , on a veu à Lyon , lors qu’on apperceuoit seulement és rues les Médecins , Chirurgiens et Barbiers esleus pour panser les malades, chacun couroit après eux à coups de pierres pour les tuer comme chiens enragés , disans qu’il falloit qu’ils n’allassent que de nuit , de peur d’infecter les sains.

Combien de panures femmes grosses, sans estre aucunement malades de peste (pour- ce qu’en tel temps toutes autres maladies sont suspectes) ont esté pour le seul souspçon délaissées et abandonnées à leur enfantement , dont est prouenue la mort des meres et des en fans? le puis véritablement dire auoir trouué aux mammelles d’vne femme morte de

4()0 r,K VINGT-QVA'

pesle, son enfant Icltant encores le venin mortel , qui le deuoit tncr bien tost après.

Si la nourrice d’vn enfant vient à deceder , cncores que ce ne fust de la peste , il ne s’en trouuera point d’autre, pour le souspçon qu’on a que elle soit morte de peste : tant est ceste maladie effroyable et espouuentable , que si tost que quelqu’vn en est surpris, il ne trouue secours de personne, ains attend seulement la mort misérable. Qu’il soit ainsi, entre vne infinité d’autres exemples que l’on en voit ordinairement, nous li- ' sons* qu’vne ieune femme, son mary estant mort et deux de ses enfans , se voyant frappée , commença a s’enseuelir elle-mesme, et fut trouuée à demy enseuelie , ayant encore le fil et l’aiguille entre ses mains. Outre-plus, vn homme fort et robuste ayant la peste , est allé au cimetiere , et en sa presence a fait faire sa fosse, et auant qu’elle fust paracheuée , il mourut sur le bord.

Au contraire il y en a (fiii ont eu telle appréhension de la mort , estans frappés de ceste maladie pestilente, que pour se secourir eux-mesmes , se sont appliqués des fers ardens sur la bosse, sebruslans tous vifs; autres auec tenailles l’ont arrachée, se pensons garantir. Aussi aucuns par la ferueur et rage de ceste maladie se sont iettés dedans le feu , autres dans les puits, aucuns és riuieres ; autres se sont précipités par les fenestres, autres se sont heurtés la teste contre la muraille iusqu’à en faire sortir la ceruelle , ce que i’ay veu : autres aussi se sont tués eux-mesmes à coups de dague ou de cousteau.

Lucrèce , poète Latin , a remarqué

RIlÎMIi IJVRK ,

la peste auoir esté autresfois si furieuse au pays d’Athenes, que plusieurs surmontes de la vohemcnce de la maladie se precipitoient dedans l’eau. On raconte que la peste , il y a enuiron quatre vingts ans , auoit de telle rage couru par la Gaule Lyonnoise, que les femmes principalement, sans apparence d’aucun mal en leur corps, se ieltoient dedans leurs puits, surmontées de la fureur de telle maladie L

Et à ce propos m’a esté asseuré que depuis n’agueres, vnPrestre de la paroisse sainct Eustache en ceste ville de Paris , estant malade de la peste en l’Hostel Dieu , de furie se leua du lict , et prit vne dague , de laquelle il frappa plusieurs despauures malades couchés dedans leur lict , et en tua trois : etn’eust esté qu’il fut apperceu et empoignédu Chirurgien dudit hostel (qui receut de luy vn coup de dague dedans le ventre , le voulant saisir, dont il cuida mourir) il en eust occis autant qu’il en eust trouué :

mais si tost qu’il fut retenu , et que ceste furie diminua, il rendit l’esprit.

Vn autre cas non moins horrible est aduenu à Lyon, rue Merciere, où la femme d’vn Chirurgien nommé Amy Baston (quiestoit mort de peste) six iours après estant esprise- de la mesme contagion, tomba en resuerie, puis en frenesie, et se mist à la fenestrede sa chambre, tenant et tourmentant son petit enfant entre ses bras : ce que voyans, ses voisins l’admonestoient de ne luy faire mal : mais au lieu d’ auoir esgard à leur aduer tisse ment, le ielta incontinent en terre, puis tost apres elle s’y précipita : ainsi la mere et l’enfant moururent.

Il y a vne infinité d’autres senibla-

Auliure des Histoires prodigieuses. — A. P.

‘ Ce paragraphe a été intercalé ici en 157».

DK I-A PhSTK.

blés exemples , lesquels si ie voulois raconter, iamais la matière me me defaudroit : mais tant y a, que le tout adulent le plus souvient aux malades par faute qu’on n’ose conuerser, ny estre alentour d’eux pour les secourir : ce qui ne se fait aux autres maladies , mesmes en lepre , car en icelle les malades sont secourus ; mais en ceste-cy on est dechassé de ses parens et amis , voire de sa propre maison , comme nous auons dit : dequoy se faut d’autant moins esmerueiller , veu que la charité des hommes est auiourd’hui tellement refroidie , que ceux mesmes qui ont toute liberté, encore qu’ils ayent or et argent pour satisfaire , ne peuuent en temps de peste auoir secours d’aulruy *.

Icy ne veux encore passer que ne recite ce que le bon yieillard Guidon a • escrit , qu’en l’an rail trois cens quarante et h'uit, vint vne mortalité, dont ceux qui estoient espris de pcsle mouroient en trois iours ou en cinq au plus: et estoit si contagieuse , que non seulement en conuersant ensemble , mais aussi en regardant l’vn l’autre se prenoit : et les personnes mouroient sans seruiteurs , et estoient enterrés sans preslres, et mouroit de iour en iour en vn si grand nombre de pestiférés, que nepouuant suffire à les enterrer, on estoit contraint faire de grandes fosses aux cimetières et lesietter dedans à monceaux, les vns morts , les autres estons encore en agonie. Le perene visitoit l’enfant, ny l’enfant le pero, ny la femme le mary, ny le mary la femme, comme auons dit cy dessus : toute charité

1 Le texte correspondant au chapitre actuel , dans l’édition de 15G8, n’allait pas plus loin, et le long extrait de Guy de Ghauliac ([ii’on va lire a été ajouté on 1675.

estoit morte, et espérance abbatue.

Geste maudite pestilence fut quasi par tout le monde , et n’en laissa presque la quarte partie. Elle fut fort honteuse et non profitable aux Médecins et Chirurgiens , lesquels n’osoient visiter les malades, de peur d’estre infectés : ioint aussi que tous leurs remedes ne protîtoient en rien :

car tous ceux qui estoient frappés de ceste peste mouroient. En aucunes contrées de pays, on estimoit que les luifs eussent enuenimé le monde , et à ceste cause on leur couroit sus et les assomraoit. Les autres cuidoient que ce fussent les pauures manchets, pour laquelle occasion estoient chassés. Les autres en soupçonrioient les Nobles, et pource n’osoienl aller par le monde. Et finablement les portes des villes furent gardées, et ne laissoient nul entrer dedans s’ils n’estoient bien conneus. Et si quelquesvns auoient poudre ou onguens, pensoient que ce fussent poisons, qui estoit cause de leur faire aualler. Ladite peste dura sept mois sans cesser.

Voila ce que le bonhomme de Guidon en escrit, chose à la vérité de grande remarque, touchant l’ire de Dieu.