EPILOGVE OV CONCLVSION DE CE DIS- COVRS DE LA PESTE L

Or ic m’asseure que le Lecteur qui aura appris en ce petit traité le moyen de s’en preseruer , et mesme san.s danger visiter et secourir son pro-

t Ce chapitre était confondu avec le précédent en 1568 et 1575 ; il n’en a été séparé qu’en 1579.

Chain, ne mespriseia point mon labeur, combien que (si faire se pouuoit) i’aimerois beaucoup mieux qu’il ne fust besoin à personne s’en aider, et que ta sérénité de l’air par la bonté de nostre Dieu fust tousiours telle, que la peste perdist son nom et ses effets. Mais puis que cela prouient par l’iniquité des hommes, laquelle se perpetue auec eux tout le cours de leur vie, en receuant patiemment ce qu’il plaist à Dieu nous enuoyer, nous suiuons aussi sa volonté, quand nous apprenons et vsons des remedes selon qu’en toutes choses il en a mis la propriété et vertu, pour seruir à l’vsage de l’homme, tant à la nourriture du corps qu’à la conseruation et recouurement de la santé d’iceluy.

Et de tant plus que ce mal est grand, d’autant faut il recourir promptement au remede qui est seul et general : c’est que grands et petits, de bonne heure implorions la miséricorde de Dieu par confession et desplaisance de nos forfaits, auec certaine deliberation et propos de nous amender et donner gloire au nom de Dieu , cherchans en tout et par tout de luy obeïr et complaire suiuant sa sainte parole, sans estriuer à 'l’encontre de luy par nos desordonnées passions , comme nous auons fait et faisons iournellement. Et s’il luy plaist encor es après cela nous battre de ces verges là, ou de quelques autres selon son conseil eternel, faut l’endurer patiemment, sçachant que c’est tout pour nostre profit et amendement : et ce pendant s’entreaider des remedes qu’on pourra irouuer , sans abandonner ainsi les vns les autres, par vnc extreme barbarie et inhumanité.

Croyons que le mal seroit beaucoup moindre, ayans aide et consola¬

tion les vns des autres. Le Turc le fait, et nous, Chrestiens de nom, n’en tenons compte : comme si nous pensions en ceste sorte eschapper des mains de Dieu. Helas, où nous pourrons-nous cacher que ne soyons trouués? Reconnoissons plustost auec le Psalmiste: 5( ieprens les ailes de l'aube du iour, et que i’habile aux dernières parties de la mer, là aussi ta main me conduira, et ta dextre m’empoignera^.

Croyons que quand nous pourrions euiter la mort de ce costé là ( ce qui ne peut estre) il a cent mille morts plus honteuses et misérables pour nous attrapper, et confondre le corps et l’ame pour estre tourmentés à tout iamais. Parquoy ayans nos cœurs remplis de charité, il nous faut retourner à luy, d’autant qu’il est plein de clemence et bénignité, prest à nous soulager en nos tribulations, et est tout bon, et nous aime comme ses enfans : et quand il luy plaira, il retournera toutes nos afflictions en nostre salut , voire mieux que nous ne sçaurions souhaiter ou imaginer.

De là prenons ceste resolution ferme, de nous assuiettir et ranger paisible ment à sa bonté et saincte volonté, qui est la reigle de toute sagesse , à laquelle nous deuons conformer toutes nos cogitations et actions. Voila vn tres-bon onguent alexitere pour adoucir nostre peste , et vn remede salutaire pour appaiser nos murmures et nous imposer silence, et vn arrest certain pour faire cesser le procès que nous intentons couslumierement contre Dieu, quand il nous chastie plus rudement qu’il ne nous semble bon et profitable (au iugement de la chair et non de l’esprit.)

Parquoy apprenons à nous capti-

^ Pseaume 130, — A. P.

DE LA PESTE

uer, et brider nostre appétit, estimans que Dieu fait toutes choses en poids et mesure : et quoy qu’il nous enuoye peste, famine, ou guerre, et autres infinies calamités, il ne fait rien qui ne soit bon et droit. Et quand il luy plaira nous retirer de ce monde, de là naistra nostre bonheur et félicité, veü que ceste vie traine auec soy vne infinité de trauaux et miseres, où nous sommes presque abysmés de choses caduques et transitoires E Et par ceste mort sommes appelles à la pleine fruition du royaume celeste, comme par vn herault et embassade enuoyé du Ciel. Si vn roy par vn messager appelloit vn panure et misérable à soy pour le faire participant de son royaume, quel plaisir et soulas receuroit-il? A plus forte raison deuons nous estre ioyeux, quand Dieu par la mort nous enuoye ce messager qui nous guide à luy, pour heriter son royaume eternel et bienheureux. Veu donc que l’eschange est tel, nous auons matière de consolation, la mort nous estant cest heureux messager, lequel nous fait passer de ce monde au ciel, de ceste vie misérable à la vie eternelle, de malheur en félicité, d’ennuy en liesse, de misere en prospérité, qui nous doit grandement consoler, et tollir toute occasion de lamenter. Et par tel argument de resioüyssance , quand il plaist à Dieu nous appeller et enuoyer la mort, laquelle il a soutfert pour nostre rédemption, Ezechias desire la mort, non qu’il fust despilé contre Dieu : mais estant ennuyé des fascheries et tourmens du monde, il desiroit d’en sortir, pourueu toutesfois

1 Ici finissait ce paragraphe dans les deux premières éditions de ce livrej tout ce qui «uit est de lô79.

que Dieu s’y accordast. Car nostre vie est comme vne garnison en laquelle Dieu nous a mis, nous enioignant y demeurer iusques à ce qu’il nous appelle, et nous licence pour en sortir auec foy, et qu'il n’est pas venu en çe monde souffrir et estre mis en croix que pour la rédemption des pécheurs, et non des iustes, comme il a dit (d’autant qu’vn homme sain n'a que faire de Médecin). Donc il se faut humilier, et auoir ferme fiance qu’il nous pardonnera toutes nos fautes, pourueu que nous luy addressions nos prières du profond de nostre cœur, et de droite et ardente affection, croyans que luy mesme a dit qu’il ne vouloit la mort du pécheur, mais sa rédemption. Esaïe dit qu’il mettra nos péchés derrière le dos, voire au profond de la mer, et n’en aura iamais de record ation. Ces choses considérées, nous ne deuons craindre la mort , n’estans en ce monde que comme en maison empruntée, de laquelle il nous faut desloger quand il plaira au Seigneur, à laquelle elle appartient. Que si le parlement de ce monde est vne entrée à vie, qu’est-ce de ce monde sinon vn sepulchre ou tombeau? Et comme les mariniers désirent vn bon port, aussi deuons nous desirer de sortir de ceste grande mer de misere et calamité , pour aller au port de salut où tout mal cessera, et n’y aura orage ne tourmente, mais toute ioye et repos. lob dit que l’homme nay de femme est de peu de iours et rempli de miseres, qui sort hors comme la fleur, et est coupé, et s’enfuit comme l’ombre, et n’arreste point Autres comparent ceste vie à vne fumée , ou vapeur d’ vne bouteille d’eau, qui s’es-

IC — A. r.

/|G4 LK vi.ngt-qva:

leiie en temps de pliiye ; autres à vue nacelle estant au milieu de la mer, agitée çà et là des vants ei des ondes, heurtant contre les rochers, qui soutient se perd aux gouffres et ahysraes profondes. Et par ainsi il faut mettre en la prolcction de Dieu la garde de nostre ame, qu’il nous a donnée pour estre reunie en ce corps : lequel sera gloritiéen la résurrection vniuerselle des morts.

Et pour conclusion, si nous r’apportons le tout au conseil de Dieu, nous aurons dequoy nous consoler au milieu des plus grandes angoisses et destresses qui nous pourroient aduenir : lequel nous prions de bon cœur, et de ferme et viue foy, qu’il nous pardonne nos péchés, lesquels sont cause de ceste maladie pestiférée et autres, croyant que c’est le vray an'idote contre la peste. Car-Iesus- Christ, voulant guarir le Paralytique, luy dit ; Tes péchés te sont, pardonnéé : monstranl et déclarant par cela, que la cause et racine de sa maladie procedoit de son péché, et que pour en auoir la fin, il falloit que l’ire de Dieu fust appaisée, et qu’il luy fust propice et fauorable par la rémission de ses péchés. Ainsi donc nous implorerons sa grâce d’vn cœur ardent, ayant fiance qu’il nous gardera et défendra , nous donnant ce qui nous est necessaire tant au corps qu’à l’ame. Que s’il luy plaist nous appeller, il sera nostre rédempteur, et nous ayant retiré de ce labyrinthe et gouffre de tous maux et miseres, il nous introduira en l’heritage de sa gloire, pour l’amour de son cher fils nostre sauueur lesus-Christ, auquel soit gloire eternelle. Ainsi soit il K

1 C’est ainsi que se terminait le livre de

IRUiMIi Livni-,

ADVe'bTISSKMENT de L’AVTHEVn.

L’autheur a fait cesle petite admonition pour le ieune Chirurgien, se trouuant quelqiiesfois aux lieux où il n’y a preslres , ny autres gens d’Eglise à la mort des panures pestiférés. Comme i’ay veu, le roy Charles estant à I.yon, pendant la gfande mortalité, où l’on enfermoit aux bonnes maisons vn Chirurgien pour medicamenler ceux qui esloient pestiférés, sans pouuoir estre secourus d’aucunes personnes pour les consoler à l’extremilé de la mort : et ledit Chirurgien, ayant esté instruit d,e ceste petite admonition , pourra seruir à la nécessité d’vn plus grand clerc que luy. Et ne veux icy passer les bornes de ma vocation : mais seulement aider aux panures pestiférés en leur extrémité de la mort.

La mort est la peur des riches ,

Le désir des panures ,

Tm ioye des sages ,

La crainte des meschans ,

Fin de toutes miseres ,

Et commencement de la vie eternelle , Bien-heureuse aux esleus ,

El mal-heureuse aux reprouués' ,

la Peste en 156S et 1575 ; l’avertissement qu’on va lire a été ajouté en 1579.

1 L’édition de 1579 portait : Eièommencemenl de la vie eternelle à ceux qui eroyenl en Dieu et ont esperance en sa miséricorde infinie. Du reste, ces sentences accompagnaient une ligure de squelette debout, le bras droit appuyé sur une bêche, et destinée sans doute à frapper les yeux en même temps que le texte frappait l’esprit. Je n’ai vu aucune raison pour la conserver.