DISCOVRS DE LA LICORNE

l’auois souhaitté , discourant de la Licorne, que s’il y auoit quelqu’vn qui en eust autre opinion que moy , il luy pleust mettre ses raisons en auant : pensant que par le débat des raisons contraires , comme par le heurt de deux pierres, les viues estineelles de la yerité viendroient à paroiglre '-*, qui pourroient exciter vne lumière si gfrande de tout ce fait en nos esprits , qu’on n’auroit plus occasion d’en douter. Ce mien souhait m’est en partie aduenu. Car il sfest trouué quelqi/vn qui , controllant mes escrits , m’a voulu desdire en ce point : duquel toutesfois les raisons ne me semblent si fortes, que pour cela ie doiue quitter mon party pour prendre le sien , ainsi que i’espere monstrer, répliquant sur vne chacune d’icelles ; laissant à part ses animosités, lesquelles i’estime luy estre eschap-

1 Cette réplique a paru isolément en 1592, comme je l’ai dit dans mon Introduction à l’article Hibliographie ; il n’y a pas été changé lin mot depuis. On ne sait pas le nom de l’adversaire à qui Paré répondait. Voyez à cet égard mon Introduclion, page cclxxxix.

* Belle comparaison, — ■ A. P.

pées, plus pour zele qu’il porte à la vérité , que pour opinion qu’il puisse auoir de moy autre que d’homme de bien , et studieux du profit public.

Sa première raison est, qu’il faut bien que la licorne aye de grandes vertus , veu que tous les sages demeurent entr’euæ d'accord des admirables propriétés d'icelle. Et que parlant il faut acquiescer à leur authorité : attendu qu'il vaut mieuxfyillir auec les sages , que bien opiner contre leur opinion.

I le nie la première partie de ceste raison, attendu que commei’ay monstre en mon precedent discours , messieurs Rondelet, Chappelain , et le docte Duret, ne font pas plus grand cas de la corne de Licorne, que d’autre corne quelconque : et toutesfois ces trois là sont sages et clairs-voyans en Medecine. Quant à la seconde partie, ie dis tout au contraire, quei’aimerois mieux faire bien tout seul, que de faillir non seulement auec les sages, mais mesme auec tout le reste du monde. Car l’excellence de la vérité est si grande , qu’elle surpasse toute la sapience humaine, qui bien souuent n’est armée que de brauade, n’est enflée que de vent , n’est parée

niiPLIQl K POUR LE DKSCOVRS

que d’apparence et vanité: parquoy la seule vérité doit estre cherchée , suiuie et cherie.

La seconde raison est , que le long temps qu’il y a que la Licorne est en vsage , monstre lien icelle estre bonne.

le répliqué que le long temps n’est pas suffisant pour prouuer la corne de Licorne auoîr les vertus qu’on luy attribue. Car telle vogue n’est fondée qu’en opinion, et la vérité (comme il dit lui-mesme) dépend de la chose , et non des opinions. Parquoy rien ne sert de m’ alléguer les Papes , Empereurs , Roys et Potentats , qui ont mis la corne de Licorne en leurs Ihresors : car ils ne sont d’eux -mesmes iüges competans de la propriété des choses naturelles : et ceux par les yeux desquels ils ont veu, ont esté ou louches ou conniuens, de leur auoir monstré ou laissé voir le noir pour le blanc.

Parquoy à bon droit André Marin , Médecin excellent de Florence , au Discours qu’il a fait de la faulse opinion de la Licorne, s’esmerueille comment iusques icy il ne s’est trouué encore Médecin ou autre , tant amateur de son Prince, qui l’ait retiré de ceste erreur, la bannissant de ses cabinets comme vn abus et tromperie manifeste : concluant que si précieux ioyau n’estoit propre qu’aux basteleurs et imposteurs , et mal-seant aux Médecins, qui ont des remedes plus asseurés et approuués pour combattre les maladies malignes , veneneuses , et pestilentes.

Quant à ce qu’il dit , qu’il y a des Licornes, et que la saincte Escriture le tesmoigne: le responds que quiconque pense alléguer celacontre moy, monstre qu’il a grande enuie de quereller.

Car qui est-ce qui croit cela mieux que moy? Qui est-ce qui le monstre mieux ? l’en cite cinq passages de la

saincte .Escriture dans mon Discours de la Licorne. le croy donc qu’il y a tousiourseu, et qu’il y a encore des Licornes, non seulement en la terre , mais aussi en la mer : mais que leurs cornes ayent les vertus qu’on leur attribue contre les venins et pestilences , c’est le point que i’attendois : lequel toutesfois n’a esté louché que par vne simple assertion, sans aucune démonstration , raison , ou authorité ancienne. Car de dire qu’elle profite contre la peste, pour ce qu’elle refroidit, cela est fuir et quitter le combat de la propriété occulte, de laquelle toutesfois est nostre principale question. Or quand ainsi seroit qu’elle agiroit par qualité manifeste, ilia faudroit ordonner en quantité raisonnable, et principalement à la vehe mence de l’ardeur furieuse et pestilence , c’est à dire par onces ou quarterons. Car trois ou quatre grains qu’on ordonne communément , n’ont plus de vertu (ce que dit monsieur Duret, de bonne grâce parlant de la Licorne) que qui ielteroit quatre grains de mil dans la gueule d’vn asne bien affamé >. C’est pourquoy ie voudrois bien empescher les Apoticaires de la vendre si cher, à fin que les Médecins eussent commodité de l’ordonner en plus grande dose, et que les malades eussent moyen de la porter auec plus de profit en leur corps , et moins de dommage de leur bourse. Cela n’estce me rompre l’esprit de ce que ie n’ay que faire , comme l’on me reproche ?

Car Dieu a recommandé à vn chacun le salut et profil de son prochain : et certes les Apoticaires mesmes , i’entens les plus anciens et expérimentés, interrogés par moy, m’ont confessé auoir honte de la vendre si chere ,

‘ Bonne comparaison. — A. F.

DE LA LICORNE

veu qu'ils n’ont iamais apperceu plus grand effet en elle qu’és autres cornes communesdesvulgairesanimaux:

toutesfois qu’ils sont contraints de la vendre ainsi chere, parce qu’ils l’achètent chèrement. Or rachelent-ils chèrement , à raison du bruit qu’on luy a donné à tort et sans cause.

Venons maintenant aux raisons par lesquelles il pense destruire ma principale démonstration , laquelle par moquerie il appelle mon Achilles. Mon Achilles donc estoit tel ;

Rien n est hon à corroborer le cœur^ sinon le bon air et le bon sang: la corne de Licorne n'a air ni odeur en soy, estant toute terrestre et toute seiche. D’auantage elle ne peut estre tournée en sang, d'autant quelle n’a en soy ni chair ni suc. Pourquoy elle n’a verlu à corroborer le cœur.

La première proposition , dit-il , est fausse et ridicule : sa raison est, Car tels remedes alterati fs fortifient le cœur par qualité manifeste et élémentaire, ou occulte et formelle , et toutesfois n’ont ny bon air, ny habilité à estre tournés en sang.

le répliqué et dis au contraire , prenant le mesme exemple qu’il a pris , pour le battre de ses armes mesmes , que la faculté des herbes et simples qui entrent és apozemes , n’est point communiquée à l’eau , par laquelle est faite la décoction , sinon par distraction du suc, ou humeur et vapeur desdits simples : autrement s’il n’y auoit que la qualité muée qui se communiquast à l’eau sans substance, c’està dire, sans humeur ou vapeur, comment connoistrions-nous la décoction de pourpié à sa noirceur, la décoction de psyllium à sa viscosité, la décoction de cichorée à sa saueur et amertume, l’infusion de rhubarbe à son odeur?

La saueur y est, et s’y remarque mani

festement : l’odeur donc aussi y est.

Car tout ce qui a saueur et odeur , la saueury est,le suc donc ou humeur y est, l’odeur y est, la vapeur donc y est. Car qu’est-ce autre chose odeur , qu’vne vapeur, ou plustost fumée ?

Quant au corail , corne de cerf, et semblables, ie confesse qu’ils n’ont non plus d’air et de suc que la corne de Licorne, mais aussi ie ne les tiens pas pour vrais cardiaques : de tant qu’ils ne fortifient point le cœur en combattant contre les venins, ains seulement, ou en resserrant les conduits qui vont au cœur, par leur vertu astringente ou en beuuant et tarissant la sérosité veneneuse,qui affadit le cœur et l’estomach, par leur seiche terrestrité, faisant l’vn et l’autre, non par simple infusion en quelque eau , mais par assumption de leur propre corps en poudre.

Mais c’est assez répliqué sur la réfutation prétendue de la première proposition de mon Achilles : venons à la seconde. le disois que la corne de Licorne n’a air ni odeur en soy. Cela, dit-il, est contraire aux principes de Physique. Car chaque corps élémentaire est mixte , c’est à dire , meslé des quatre elemens : parquoij à la corne il y a de l’air.

Pour répliqué ie dis, que les choses en Medecine ne se mesurent et considèrent que par les sens et effects.

Bien donc que par discours de raison nous comprenions que le poyure, gingembre , et graine de paradis sont composés des quatre elemens (c’est à dire) de chaud, froid, sec, et humide : toutesfois les Médecins n’y reconnoissent que du chaud et du sec , pource qu’ils ne font en nous principalement que les effects de chaleur et de seicheresse : ainsi nous nions la corne do ^Licorne estre aérée, parce qu elle

5l8 REPLIQUE POUR LE DISCOVRS

ne produit les effects des corps aërés, c’est à dire de vapeur, fumée, et odeur. Quiconque trouuera de l'air en la corne de Licorne, il tirera de l’huile d’vn mur. Ces deux points de mon Achilles vuidés, le reste des raisons contraires n’est pas difficile à réfuter. Car pour prouuer que la corne de Licorne se peut tourner en san^,il allégué, que les chiens viuent d‘osK le dis au contraire, que les chiens ne viuent pas d’os , mais bien de la moelle ou substance médulleuse qui est cachée dedans les cauités insignes ou porosités de l’os. Or aux cornes de Licornes, que nous voyons rapper tous les iours, y a-il rien de moelleux? Non plus, et encore moins qu’en la pierre ponce.

N’est pas aussi plus pertinent ce qu’il adiouste : Que comme les chiens viuent d’os, aussi les austruchesde fer^. L’on sçait auiourd’huy assez par expérience et inspection iournaliere , que ceste opinion de la vieille histoire naturelle est chose fabuleuse. Car bien que l’austruchedeuore le fer, si ne le digere-elle pas : le lendemain, on le trouuera parmy ses excremens tel qu’elle l’a pris. le puis dire en vérité auoir donné des clefs et clous de fer à des austruches à aualler, que le lendemain on les trouuoit auec leurs excremens , sans estre en rien diminués. Pour voir donc tousiours les petits enfans aualler les noyaux de cerises et pépins de raisin, dirons-nous qu’ils les digèrent et s’en nourrissent ?

Il dit que le Roy a refusé cent mil escus de la corne de licorne qui est à sainct Denys. Il est bien possible que pour sa grandeur et magnificence il en ait autant refusé : mais si croy-ie

‘ Cesle comparaison est bien foible. — A. P.

2 Autre comparaison moins vallable, — A. P.

que si le Roy l’auoit en telle estime, qu’elle seroit mise en plus seure garde que d’vn simple clerc , qui la fait voirindifferemment à vn chacun pour vn grand blanc. Que si elle auoit telle vertu qu’on luy attribue , elle ne fust pas entière , et croy qu’elle eust esté limée et rappée , pour suruenir à la nécessité des maladies de tant de Roys qui ont tenu le sceptre de France.

Ces raisons ont induit André Marin, au lieu sus allégué, à penser que telle corne ne fust pas naturelle , ains artificielle, fabriquée par la main de quelque ingénieux maistre, qui par certaine mixtion l'a contre-faite auprès du naturel. Ce qui est prouué par Dioscoride, liure 4, chapitre 71, fueiliet 52, qui dit que faisant cuire la racine de Mandragore auec yuoire l’espace de six heures, elle le mollifle tellement qu’on en peut aisément faire ce qu’on voudra. Pareillement Cardan dit, que les dents des elephans se peuuent amollir et estendre comme les cornes de bœuf; et de telles piperies se trouuent à Metz et à Strasbourg , et en plusieurs autres lieux.

Parquoy ie trouue bon ce que dit l’aduersaire , que les Médecins deuroient admonester le Magistrat de l’abus qui seroit en la Licorne, et non pas moy. l’eusse désiré qu’ils m’eussent deliuré de ceste peine, et m’esmerueille comment ils ont tant attendu, le sçay toutesfois que monsieur Cappel. Docteur Regenl en la faculté de Medecine, tres-sçauant, et homme de bien, auoit ja commencé en faire vn discours, pour oster l’abus qui y estoit : mais voyant le mitmja imprimé, il désista le sien, l’ay aussi entendu souuent que monsieur l’Aftllé , Docteur en medecine (assez conneu pour sa vertu et doctrine), autresfois auoit maintenu en pleines escholes, que la

DE IA LICORNE

Licorne n’auoit rien des propriétés cachées qu’on luy attribue, seulement qu’elle auoit vertu de desseicher au premier degré, comme toute autre espece de corne. Plusieurs autres Médecins, voire la plus-part d’entr’eux, ont mesme opinion, et ce que i’en sçay, ie ne l’ay appris que d’eux principalement, et premièrement du docte Duret.

Parquoy ceste mienne opinion , accordante auec celle de tant de gens de bien et de sçauoir, ne doit estre tenue pour monstrueuse, puisqu’elle n’est ny nouuelle, ny extraordinaire, ny erronée : ny pour cela ne dois point estre réputé et peint comme monstre, ainsique gabbe l’aduersaire, voulant tirer en risée la description des Monstres que i’ay insérés en mes OEuures. Monsieur Rondelet, premier Médecin de nostre temps, n’a-il pas fait por traire plusieurs Monstres? et toutesfois personne n’a dit qu’il l’eust fait pour amuser les petits enfans, mais bien pour représenter à l’œil ce que l’on ne pourroit si bien escrire et comprendre sans le portrait. Gesnesrus et Delon ont fait le semblable, et toutesfois personne ne leur a mis cela à blasme. le croy que l’aduersaire n’a pas voulu seulement taxer les figures des Monstres, mais aussi toutes les autres qui sont en mes Œuures, en nombre de plus de trois cens soixante et quiilze , pour lesquelles efligier et tailler en planches, i'ay desboursé libéralement du mien plus de mille escus, et pense que ceux qui s’en mocquent ne voudroient auoir soulagé le public d’vn seul escu de leur bourse. Comment que ce soit, ces figures -là sont telles qu’elles profitent beaucoup à plusieurs Chirurgiens , pour le maniement et vsage de plusieurs instrumens ne-

cessâmes à la guarîson des maladies.

Qui me fait croire que telle moquerie est partie de mesme animosité que celle qui est à la fin du liure de l’aduersaire , par laquelle il dit que ie me suis fait traduire le liure fait par lordanus de Peste l’appelle Dieu à tesmoin si iamais i’y pensay, et ne I’ay veu en latin ny en françois. Et quand ie l’aurois fait, ie n’eusse oublié à le nommer honorablement, comme i’ay fait tous les autheurs desquels i’ay peu apprendre à tirer quelque profit, ainsi que i’ay desmontré euidemment par la table que i’ay dressée de leurs noms au commencement de mes œuures.

Voila ce que i’ay voulu répliquer sur les raisons contraires. Ce que ie prie mon aduersaire prendre en bonne part, et estimer que ce que i’en fais est plus pour maintenir la vérité que pour le desdire. Car ie pense que de sa part, ce qu’il en a fait n’a esté que pour m’instruire et le public : et de ma part ie m'en repute tres-heureux d’apprendre de tout le monde, et de vieillir tousiours en apprenant. Seulement ie le prie, s’il a enuie d’opposer quelques contredits à ma répliqué, qu’il quitte les animosités , et qu’il traite plus doucement le bon vieillard, il est bien séant aux ieunes gens , pour faire preuuede leur esprit, éloquence et doctrine , de discourir des points problématiques librement : et aux gens de mon aage, de s’arrester tellement à la vérité que l’on ne s’en départe aucunement , pourueu :que l’vn et l’autre se face sans pique, riotte, blasme, et offense de son prochain.

1 J’ai dit dans mon Introduction que le livre de Jordauus n’avait paru qu’après celui de Paré.

LE YINGT-CINQA^IÉME LIVRE,

TRAITAWT

DE LA FACVLTÉ ET VERTV DES MEDICAMENS SIMPLES,