COMME LES DEMONS HABITENT ÉS CARRIERES

Loys Lauater escrit que les Metalliers affirment que l’on voit en ceraines mines des esprits vestus comme ceux qui besongnent aux mines, courons çà et là, et semble qu’ils trauaillent, encores qu’ils ne bougent : aussi dient qu’ils ne font mal à personne , si on ne se mocque d’eux ; ce qu’aduenant, ils ietleront quelque chose contre le mocqueur, ou l’endommageront de quelque autre chose.

Aussi n’agueres que i’estois en la

1 Leidt, 2. — A. P.

s Qiav. 20. — A. P.

maison du duc d’Ascot, vn sien gentilhomme nommé l’Hcister*, homme d’honneur, et qui a la plus grande part de la charge de sa maison , m’asseura qu’en certaines mines d Allemagne (ioint aussi que d’autres 1 ont escrit) on oyoit des cris fort estranges et espouuentables , comme vne personne qui parleroit dedans vn pot, trainant chaisne aux pieds, toussant et souspirant, tantost lamentant comme vn homme que l’on gesne : autresfois vn bruit d’vn grand feu qui claquette-, autresfois coups d’artilleries laschées de bien loing, tabouiins, cleronset trompettes, bruit de chariots et cheuaux, cliquets de foüets, cliquetis de harnois, piques, espées , hallebardes, et autres bruits comme il se fait aux grands combats ; aussi vn bruit comme lorsqu’on veut bastir vne maison, oyant esbaucher le bois, bruire le cordeau , tailler la pierre , faire les murailles et autres manœuures, et cependant l’on ne voit rien de tout cela.

Ledit Lauater escrit qu’en Dauans, païs des Grisons, il y a vne mine d’argent , en laquelle Pierre Briot , homme notable et consul de ce lieu là, a fait trauailler ces années passées , et en a tiré de grandes richesses II y au oit en icelles vn esprit , lequel principalement le iour du vendredy , et souuent lors que les metalliers versoient ce qu’ils auoient tiré dedans des cuues , faisoit fort de l’empesché, changeant à sa fantasie les métaux des cuues en autres. Ce consul ne s’en soucioit pas autrement , quand il vouloit descendre à sa mine , se fiant que cest esprit ne luy pouuoit faire aucun mal , si ce n’estoit par la volonté de Dieu. Or aduint vn iour

* Ces deux mots , nommé l’üeuter, n’ont été ajoutés qu’en 1579.

DES MONSTRES ET PRODIGES

que cest esprit fît beaucoup plus de bruit que de coustume, tellement qu’vn metalller commença à l’iniurier, et luy commander d’aller au gibet et en son enfer, auec maudissons : lors cest esprit print ce metallicr par la teste , laquelle il luy tordit en telle sorle, que le douant estoit droitement derrière ; et n’en mourut pas loutesfois, mais vesquit longuement depuis, ayant le col tors, conneu familièrement de plusieurs qui viuent encore, et quelques années après mourut.

Il escrit beaucoup d’autres choses des esprits , que chacun peut lire en son liure.

Ledit Loys Lauater au liure susdit, dit auoir ouy dire à vn homme prudent et honorable , baillif d’vne seigneurie dépendante de Surich, qui affirmoit qu’vn iour d’esté , de grand matin , allant se promener par les prés, accompagné de son seruiteur, il vit vn homme qu’il connoissoit bien se meslant mescbamment auec vne iument , dequoy il fut grandement estonné : retourna soudainement , et vint frapper à la porte de celuy qu’il pensoit auoir veu. Or il trouua pour certain que l’autre n’auoit bougé de son lit ; et si ce baillif n’eust diligemment sceu la vérité , vn bon et honneste personnage eust esté emprisonné et gesné II recite ceste histoire, à fin que les iuges soient bien aduisés en tel cas.

nostre terrienne lourdesse , à raison de la subtilité de leur essence, et malice de leur volonté : car ils obscurcissent les yeux des hommes , auec espaisses nuées qui broüillent nostre esprit fantastiquement, et nous trompent par impostures sataniques , corrompans nostre imagination parleurs bouffonneries et impiétés. Ils sont docteurs de mensonges, racines de malice, et de toutes meschancelés à nous seduireet tromper, et preuaricateurs de la vérité ; et pour le dire en vn mot , ils ont vn incomparable artifice de tromperies , car ils se transmuent en mille façons, et entassent aux corps des personnes viuantes mille choses estranges , comme vieux panneaux, des os, des ferremens, des clous , des espines , du fil , des cheueux entortillés , des morceaux de bois, des serpens, et autres choses monstrueuses, lesquelles ils font souuentesfois sortir par le conduit de la matrice des femmes : ce qui se fait apres auoir esbloüi et altéré nostre imagination , comme nous auons dit.

D’aucuns sont nommés Incubes et Succubes : Incubes , ce sont démons qui se transforment en guise d’hommes, et ont copulation auec les femmes sorcières : Succubes , ce sont démons qui se transmuent en guise de femmes. Et telle habitation ne se fait pas seulement en dormant, mais aussi en veillant : ce que les sorciers et sorcières ont confessé et maintenu plusieurs fois, quand on les executoit