LT VO VICES

prie, si auez Famé bonne, de vouloir ( pour le public) reuoir et corriger vostre liure le pluslost que pourrez , pour ne tenir les icunes Chirurgiens en cest erreur par la lecture d’iceluy , où vous les enseignez, d’vser de fers ardens après l’amputation des membres pour estancher le sang , attendu qu’il y a vn autre moyen non si cruel , et plus seur et aisé : ioint que si aujourd’buy, après vn assaut de ville où plusieurs soldats ont eu bras et iambes rompues, et emportées de coups d’artilleries , ou de coutelas , ou d’autres machines, pour estancher le sang vous falloit vser de fers ardens , il faudroit pour ce faire vne forge et beaucoup de charbon pour les chauffer : et aussi que les soldats vous auroient en telle horreur pour ceste cruauté, qu’ils vous assommeroienl comme vn veau , ainsi que jadis fut l’vn des premiers Chirurgiens de Rome. Ce qu’on trouuera escrit cy dessus au chap. 2. de l’Introduction de Chirurgie. Or, de peur que les sectateurs de vos escrits ne tombent en tel inconuenient , ie leur prie suiure la méthode cy dessus dite, laquelle ay monstrée estre vraye et certaine, et approuuée par authorité , raison , et expérience.

LE VOVAGE DE THVRIN ». ~ 1536.

D’aùantage ie veux icy monstrer aux lecteurs les lieux et places où

1 c’est ici le lieu de rappeler une note que Paré avait placée à la suite de VErraUi de la quatrième édition , et qui a été oubliée dans toutes les autres :

* Touchanties V oyagcs, le Lecteur ne s'ar-

i’ay peu apprendre la Chirurgie, pour tousiours mieux instruire le ieune cbiiurgien.

Et premièrement, en l’an mil cinq cens trente six, le grand Roy François enuoya vne grande armée à Thurin, pour reprendre les villes et chasteaux qu’auoit pris le marquis du Guast, lieutenant general de l’Empereur :

où monsieur le Çonnestable, lors grand Maistre, estoit lieutenant general de l’armée, et monsieur de Montejan Colonnel general des gens de pied , duquel lors i’estois Chirurgien.

’Fne grande partie de l’armée arriuée au pas de Suze , trouuasmes les ennemis qui tenaient le passage, et auoient fait certains forts et tranchées , de façon que pour les faire débusquer et quitter la place, il conuint combattre , où il y eut plusieurs tués et blessés, tant d’vne part que d’autre : mais les ennemis furent contraints de se retirer et gaigner le chasteau , qui fut pris en partie par le capitaine Le Rat, qui grimpa auec plusieurs soldats de sa compagnie sur vne petite montagnetle, là où ils tiroient à plomb sur les ennemis : il receut vn coup d’harquebuse à la cheuille du pied dextre, où tout subit tomba en terre , et alors dit : A ceste heure Le Hat est pris. le le pensay, et Dieu le guarist C

Nous entrasmes à foulle en la ville, et passions par sus les morts , et quelques vus ne l’estans encore, les oyons crier sous les pieds de nos chenaux, qui me faisoient grande compassion

restera à l* ordre des années ^ lequel n’y a esté gardé, toutes fois les Histoires et Discours n’en sont de rien changés ny corrompus. »

1 Voilà le premier exempie de la fameuse phrase dont on a fait à juste titre si grand honneur à la modestie de Paré.

APOLOGIK

eii mon cœur. Et véritablement ie me repenti d’estre parti de Paris, pour voir si piteux spectacle.

Estant en la ville , i’entray en vne establepour cuider loger mon chenal et celuy de mon homme, là où ie trouuay quatre soldats morts, et trois qui estoient appuyés contre la muraille, leur lace entièrement défigurée, et ne voyoient, n’oyoient, ny ne parloient, et leurs habillémens flamboyoient encore delà poudre à canon quilesauoitbruslés. Les regardanlen pitié, il suruint vn vieil soldat qui me demanda s'il y auoit moyen de les pouuoir guarir : ie dis que non : subit il s’approcha d’eux et leur coupa la gorge doucement et sans cholere.

Voyant ceste grande cruauté, ie luy dis qu’il estoit vn mauua'is homme. Il me fit response , qu’il prioit Dieu , que lors qu’il seroit accouslré de telle façon, qu’il se trouuast quelqu’vn qui lui en fit autant, à fin de ne languir ipiserablement.

Et pour reuenir sur nos brisées, les ennemis furent sommés de se rendre, ce qu’ils firent , et sortirent seulement la vie sauue, le baston blanc au poing : dont la plus grande partie s’en alla gaigner le chasteau de Villane, où il y auoit euuiron deux cens Espagnols. Monsieur le Connestable ne le voulut laisser en arriéré , à fin de rendre le chemin libre. Ce chasteau est assis sur vne petite montagne , qui donnoit grande asseurance à ceux de dedans qù on ne pourroil asseoir l’artillerie pour les battre : et furent sommés de se rendre, ou qu’on les metlroit en pièces : Ce qu’ils refusèrent tout à plat, faisans response qu’ils estoient autant bons et tideles seruiteurs de l’Empereur, que pouuoitestre monsieur le Connestable du

lloy son maistre *. Leur response entendue. on fit de nuit monter doux gros canons à force de bras, aucc cordages, par les Suisses et Lansquenets : où le malheur voulut qu’estans les deux panons assis, vn canonnier mist par inaduertance le feu dedans vn sac plein de poudre à canon , dont il fut bruslé, ensemble dix ou douze soldats, et en outre la flamme de la poudre fut cause de descouurir l’arlillerie, qui fit que toute la nuit ceux du chasteau tirèrent plusieurs coups d’harquebuses à l’endroit où ilsauoient peu descouurir les deux canons, dont tueront et blessèrent quelque nombre de nos gens. Le lendemain de grand matin on fit batterie, qui en peu d'heure fit breche. Estant faite, demandèrent à parlementer, mais ce fut trop tard : car cependant nos gens de pied François, les voyans estonnés. montèrent à la breche et les mirent tous en pièces, excepté vne fort belle, ieune et gaillarde 1 iémontoise, qu’vn grand Seigneur voulut auoir pour luy tenir compagnie de nuit, de peur du loupgarou. Le Capitaine etEnseigne furent pris en vie, mais bien tost après pendus et estranglés sur les créneaux de la porte de la ville , à fin de donner exemple et crainte aux soldats Impériaux den’estre si temeraireset si fols, vouloir tenir telles places contre vne si grande armée 2.

Or tous les susdits soldats du chas teau , voy ans venir nos gens d’ vne tresgrande furie , firent tout deuoir de se défendre , tuerent et blessèrent vn grand nombre de nos soldats à coups de piques , de harquebuses et de

‘ Brune responise de soldais. — A. P.

* Punition exemplaire, — A. P.

ET VOYAGES

pierres, où les Chirurgiens eurent beaucoup de besogne taillée. Or i’estois en ce temps-Ià bien doux de sel, ie n’auois encores veu traiter les playes faites par harquebuses, pour le premier appareil. Il est vray que i’a- UQis Ipu en lean deVigo, liure premier des Playes en chapitre hui¬

tième , que les playes faites par bastons à feu parlicipenl de vénénosité , à cause de la poudre et pour leur curation commande les cautériser auec huile de Sambuc toute bouillante, en laquelle soit meslé vn peu de theriaque : et pour ne faillir, para- Uiant qu’vser de ladite huile, sçaehant que telle chose pourroit apporter au malade extreme douleur, ie voulus sçauoir premièrement que d’en appliquer, comme les autres Chirurgiens faisoient pour le premier appareil, qui estpit d’appliquer ladite huile la plus bouillante qu’il leur estoil possible dedans les playes , auec tentes et sétons : dont ie pris la hardiesse de faire comme eux >. En fin mon huile me manqua, et fus conti'aint d’appliquer en son lieu vn digestif fait de iaune d’eeuf, huile rosat et terebenthine. La nuit ie ne peus bien dormir à mon aise, craignant par faute d’auoir cautérisé, de trouuer les blessés où i’auois failli à mettre de iafiite huile morts empoisonnés , qui me fit leuer de grand matin pour les visiter, où outre mon esperance trouuay ceux ausquels i’auois nûs le médicament digestif, sentir peu de douleur, et leurs playes sans inflammation ny tumeur, ayans assez bien reposé la nuit : les autres où l’on auoit appliqué ladite huile bouillante, les trouuay febricitans , auec grande douleur et tumeur aux enuirons de

‘ JExferience rend l'hamme hardy,~î^, f.

leprs playes. Adonc ie me deliberay de ne iamais plus brusler ainsi cruellement les paunres blessés des harquebusades.

Estant à Thurin , trouuay vn Chirurgien qui auoit le bruit par dessus tous de bien traiter les plaies faites par harquebuses, en la grâce duquel trouuay façon de m’insinuer pour auoir la recepte qu’il appelloit son haume, dont il traitoit les plaies d’harquebuses : et me fit faire la cour deux ans auant que pouuoir tirer sa recepte. En fin auec dons et presens me la donna, qui estoit faire boüillir dans de l’huile de lys des petits chiens nouuellement nés, et des vers de terre préparés auec de la térébenthine de Venise. Alors ie fus bien ioyeux , et mon cœur assouui d’auoir entendu son réméré , qui se rapportoit au mien que i’auois trouué par cas fortuit.

Voila comme i’ appris à traiter les playes faites par harquebuses , non par les liures.

Mondit seigneur le Mareschal de Montejan demeura Lieutenant general pour le Roy en Piémont, ayant dix ou douze mille hommes en garnison par les villes et chasteaux, lesquels se battoient souuent à coups d’espée, et d’autres bastons, et mesme à coups de harquebuses; et s’il y auoit quatre blessés i’en auois tousiours les trois, et s’il estoit question de couper vn bras ou vne iambe, ou trépaner, ou réduire vne fracture ou dislocation, i’en venois bien à bout. Mondit seigneur le Mareschal m’enuoyoit tantost d’vn costé, tantost de l’autre, pour penser les soldats signalés qui s’estoient battus tant aux autres villes qu’à Thurin, de sorte que i’eslois tousiours par les champs d’vn costé et d’autre. Monsieur le Mareschal

APüLOGlIÎ

enuoya quérir à Milan vn Médecin qui n’auoit pas moins de repulation que defunct monsieur le Grand pour bien faire la medecine. pour le traiter d’vn flux liepatiquc, dont à la fin en mourut. Ce Médecin fut quelque temps à Thurin pour le traiter, et estoit souuent appelle pour visiter les blessés, où tousiours m’y trouuoit : et consullois auec luy et quelques autres Chirurgiens, et lors qu’auions résolu de faire quelque œuure sérieuse de la Chirurgie, c’estoit Ambroise Paré qui y meltoit la main, là où ie le faisois promptement et dextremenl, et d’vne grande asseurance ; dont ledit Médecin m’admiroit d’estre si adextre aux operations de chirurgie , veu le bas aage que i’auois.

Vn iour deuisant auec mondit seigneur le Mareschal , luy dit ‘ :

Signor, tu liai vn(Mrurgico giouane di anni, ma egli è vecchio di sapere é ûi esperienlia : Guardalo iene, perche egli ti fara seruicio et honore.

C’est à dire, ïu as vn ieune Chirurgien d’aage, mais il est vieil de sçauoir et expérience ; gardes le bien, car il te fera seruice et honneur. Mais le bon homme ne sçauoit pas que i’auois demeuré trois ans à l’hostel Dieu de Paris , pour y traiter les malades.

En fin monsieur le Mareschal mourut de son flux hépatique. Estant mort, le Roy enuoya monsieur le Mareschal d’Annebaut pour estre en sa place, lequel me fit cest honneur de me faire prier de demeurer aue ; luy, et qu’il me traiteroit autant bien ou mieux que monsieur le Mareschal de MonUÿan Ce que ie ne voulois point, pour le regret que i’a-

‘ Témoignage de la dexlenté de l'Aulheur.

uois d’auoir perdu mon maistre, qui m’aimoit intimement, et moy luy pareillement*. Ainsi m’en reuinsà Paris.