IÔ
compagnie. Il ihé fit encore responsé qu’il vouloit que ce fust moy, et où ie ne le voudrois faire , que ie m’ett pourrais bien repentir. Connoissant ceste sienne affection , de crainte qu’il ne me fist quelque desplaisir, ie prins le rasoir , et le presentay à tous en particulier , leur remonstrant que ie n’estois bien stilé à faire telle operation : ce qu’ils refusèrent tous.
Le corps posé sur vne table, véritablement ie me proposay de leur mdhstrer que i’estois anatomiste, leur déclarant beaucoup de choses , qui seroient icy trop longues à reciter; le commençay à dire à toute la compagnie, que i’auois tenu pour asseuré que la balle auoit rompu deux costes et auoit passé au trauers des poulmons , et qu’on trouueroit la playé fort aggrandie , parce qu’ils sont en perpétuel mouuement , soit en dormant ou en veillant, et, par ce mouuement , la playe se dilaceré d’auantage ; aussi qu’il y auoit grandé quantité de sang respandu en la poitrine et sur le diaphragme : et des esquilles des costes fracturées , que rentrée de la balle auoit poussées dedans , et la sortie les auoit poussées en dehors. Or véritablement tout ce que ie leur auois dit fut trouué en ce corps mort,
L’vn des Médecins me demanda patoù pouuoit passer le sang , pour estrè iettépar les vrines, estant cohtenu au thorax. le luy fis respofise qu’il auoit vn conduit manifeste : c’est que la veine Azygosj ayant nourri toutes les costes, son reste descend sous le diaphragme, et dti costé gaüchë se fconioint auec la veine emulgente , qui est la voÿe pat- laquelle la «laiiere dé la pleurésie, et la boüë des éhipÿemes, se vuideht manifestement par les vrines et par le siégé : comme on
apologik
me dist que i’estois vu fol, et que s’il
voit pareillement le laict pur des mamelles des femmes nouuelleraent accouchées , descendre par les veines raammillaires , et esire vacué embas par le col de la malrice , sans se mes- 1er auec le sang ‘ ; et telle chose se fait (comme par vn miracle de Nature)par sa vertu expulsiueetsequesirice. Ce qui se voit par expérience de deux vaisseaux de verre , appelés Monte-vins.quel’vn soit rempli d’eau et l’autre de vin clairet , et soient po- | sés l’vn sur l’autre , à sçauoir celuy qui sera rempli d’eau , sur l’autre rempli de vin : on voit à l’œil le vin monter au haut du vaisseau au trauers de l’eau , et l’eau descendre au trauers du vin , et aller au fond du vaisseau, sans meslange des deux. Et si telle chose se fait ainsi extérieurement et apertement, au sens de nostre veuë, par choses inanimées, il faut croire en nostre entendement que Nature peut faire passer la bouë et le sang ayant esté hors de ses vaisseaux , par les veines , voire au trauers des os , sans qu’ils soient meslés auec le bon sang 2.
Noslre discours fini , i’embaume le corps , et fut posé en vn cercueil.
Après cela, le Chirurgien de l’Empereur me lira à part, et me dist que si ie voulois demeurer auec luy, qu’il me traiteroit bien , et qu’il m’habilleroit tout à neuf : aussi qu’il me fer oit aller à cheual. le le remerciay bien fort de Thonneur qu’il me faisoit , et que ie n’auois aucune enuie de faire seruice aux estrangers de ma patrie» : alors il
* Galion , de Decretis, et Hippocrates, de Lacis affeclis. — A. P.
Cette comparaison était familière à Paré; nous l'avons vue employée à diverses reprises: t. I, p. 55; t. II, p. 501, etc.
* liratte response, — A. P.
cslolt prisonnier comme moy, qu’il seruiroit vn diable pourestre mis en liberté. En fin ie luy dis tout à plat que ie ne voulois point demeurer auec luy.
Le Médecin de l’Empereur s’en retourna vers ledit seigneur de Sauoye, où il déclara la cause de la mort dudit seigneur de Martigues, et luy dist qu’il estoit impossible à tous les hommes qui sont au monde de l’auoir peu guarir : et luy confirma encore que i’auois fait tout ce qu’il estoit necessaire de faire, et le pria me retirer à son seruice , et luy dist plus de bien de moy qu’il y en auoit.
Ayant esté persuadé me prendre ù son seruice , il donna la charge à l’vn de ses maistres d’hoslels , nommé monsieur du Bouchet , me dire que si ie voulois demeurer à son seruice , qu’il me traiteroit bien : ie luy fis response que ie le remerciois bien humblement , et que i’auois délibéré de ne demeurer auec nul estranger, Ce.ste mienne response entendue par le Duc de Sauoye , se colera aucunement , et dist qu’il me falloit enuoyer aux galeres.
Monsieur de Vaudeuille , Gouuerneur de Graueline,el Colonel de dixsept enseignes de gens de pied, le pria de me donner à luy , pour le penser d’vne vieille vlcere qu’il auoit à vne iambe,il y auoit six ou sept ans. Monsieur de Sauoye lui dist, pour ce que ie vallois , qu’il estoit content : et que si ie luymetlois le feu ù la iambe, que ce seroit bien fait. Il luy respondit que s’il en apperceuoit quelque chose, qu’il me feroit couper la gorge.
Bien lost après , ledit seigneur de Vaudeuille m’enuoya quérir par qua- 1 lie hallebardiers Allenuins de sa
ET VOYAGES
garde, lesquels m’estonnercnt bien fort , ne sçachanl où ils me inenoient : iis ne parloient non plus François que moy Alleman. Estant arriué à son logis, il me dit que i’estois le bien venu , et que i’estois à luy : et que si tost queie Faurois guari d’vn vlcere qu’il auoit à la iambe , qu’il me donneroit mon congé sans prendre aucune rançon de moy. le luy dis que ie n’auois nul moyen de payer aucune rançon.
Lors il fit appeler son Médecin et Chirurgien ordinaire, pour memonstrer sa iambe vlcerée. L’ayant veué et considérée, nous retirasmes à part en vne chambre, où ie commençay à leur dire, que ladite vlcere estoit annuelle, n’estant simple, mais compliquée, à sçavoir de figure ronde et obstracqueuse , ayant les bords durs et calleux , caue et sordide, accompagnée d’vne grosse veine variqueuse, qui perpétuellement l’abreuuoit :
d’abondant, vne grosse tumeur et intemperature phlegmoneuse et douloureuse en toute la iambe, en vn corps de température fort colérique , comme le poil de sa barbe et son !
visage le demonstroient. La méthode de la giiarir (si guarir se pouuoit) est qu’il fallait commencer aux choses vniuerselles, àsçauoiràla purgation, et à la saignée, et à sa maniéré de viure : qu’il n’vsast nullement de vin, ny de viandes sallées et de haut goust , et generalement de celles qui eschauffent le sang. Après, qu’il falloit commencer la cure en faisant plusieurs scarifications autour de ladite vlcere : et couper totalement les bords calleux, et donner vne figure longue ou triangle. Car la ronde ne se peut que difficilement guarir, comme les anciens ont laissé par escrit, ce qu’on voit par expe-
rience. Cela fait, il fallait mondlfierla sordicie et chair pourrie de l’vlcere, qui se ferait auec l’onguent egyptiac, et par dessus vne compresse trempée en jus de plantin et de morelle et oxycrat : et lalloit bander sa iambe , commençant au pied et finissant au genoüil, et n’oublier à mettre vne petite compresse sur la veine variqueuse, à fin qu’il ne fluast rien de superflu à ladite vlcere. D’auantage , qu’il se tint à repos sur le lict, ce qui est commandé par Hippocrates, qui dit que ceux qui ont mal aux iambes ne se doiuent tenir debout ny assis, mais couchés. Et après ces choses faites, et l’vlcerebien mt ndifié, on iuy appliquerait dessus vne lamine de plomb, frottée et blanchie de vif-argent. Voila les moyens par lesquels ledit seigneur de Vaudeuille pourra guarir de son vlcere.
Tout cela trouuerent-ils bon. Lors le Médecin me laissa auec le Chirurgien , et s’en alla vers le seigneur de Vaudeuille, luy dire qu’il s’asseurast que ie le pourrois guarir, et luy dist tout ce que i’auois délibéré de faire pour la guarison de son vlcere , dont il fut fort ioyeux. Il me fit appeler, et me demanda si i’auois opinion de la cui’e de son vlcere : ie luy dis que ouy, pourueu qu’il fust obéissant à faire ce qu’il falloit ; il me fit promesse qu’il feroit entièrement ce que ie voudrois luy faire et ordonner, et que si tost que son vlcere seroit guari, qu’il me donneroit liberté de m’en retourner, sans payer aucune rançon. Alors ie le suppliay venir à vne meilleure composition auec moi , luy remonstrant que le temps me seroit trop long, pour eslre en liberté, iusquesà ce qu’il fust entièrement guari, et que dedans quinze iours i’esperois faire que son vlcere seroit diminuée
Al'OLOGlIÎ
de plus de luoilié , el seroit sans douleur : et ce qui resteroit, son Chirurgien et Médecin paracheueroient de le guarir. U s’y accorda : et dés lors ie pris vn peu de papier pour prendre la grandeur de son vlcere, que ie lu y baillay , et en retins autant par deuers ] moi. le luy priay qu’il me tint promesse lors qu’il connoistroit besogne faite. Il me iura foyde gentilrhomme, qu’il le feroit : adonc ie me deliberay de le bien penser, selon la méthode de Galien, qui fut qu’aprés auoir esté les choses estranges de l’ vlcere, et qu’il ne resteroit que repletion de chair, ie ne le pensois plus qu’ vne fois le iour : et trouuoit cela bien estrange, et pareillement son Médecin, qui estoit bien doux de sel, lequel me vouloit persuader auec le malade, de le penser deux ou trois fois le iour.
le luy priay qu’il me laissas! faire, et ce que i’en faisois n’estoit pour allonger la cure , au contraire de l’abreger, pour le désir que i’auois d’estre en liberté : et qu’il regardas! en Galien , au 4. liure De la composition des medicamens selon les genres, qui dit , que si vn médicament ne seiourne long temps sur la partie, il ne profite si bien comme lors qu’il y est laissé long temps : chose qu’aucuns médecins ont ignoré, et ont pensé qu’il est mieux de remuer les emplastres souuent : et ceste mauuaise coustume est tant inueterée et enracinée, que les malades mesme accusent souuent les Chirurgiens de négligence, qu’ils ne changent plus souuent les emplastres : mais ils sont deceus. Car comme auez entendu et leu en plusieurs lieux de mes œuures, les qualités de tous corps quis’entretouchent , agissent l’vne contre l’autre : et tous deux palissent quelque chose, fust l’vne d’icelle beaucoup
plus forte que l’autre ; au moyen dequoy lesdites qualités s’vnissent et familiarisent auec le temps, combien qu’elles soyent de beaucoup differentes : de maniéré que la qualité du médicament s’vnit , et quelquesfois deuient semblable à celle du corps , qui est chose fort vtile. Parquoy doit-on beaucoup louer celny qui premier a inuenté de n’vser si souuent de nouuelles emplastres , d’autant qu’on a conneu par expérience ceste inuention estre bonne. D’auantage, dit qu’on fait encore grande faute d'habiller souuent les vlcercs, les es.suyant bien fort : car on oste non seulement l’excrement inutile, qui est la boue ou sanie des vlceres, mais aussi la matière dont est faite la chair. Parquoy pour les raisons susdites, il n’est besoin de si souuent penser les vlceres.
Ledit seigneur de Vaudeuille voulut entendre si ce que i’alleguois de Galien estoit vray, et commanda audit Médecin d’y regarder, et qu’il le vouloit sçauoir : il se fit apporter le liure sur la table , où mon dire fut trouué véritable, où lors ledit Médecin fut trouué honteux , et moy bien ioyeux. Alors ledit seigneur de Vaudeuille ne desira plus d’estre pensé qu’vne fois le iour : de façon que dedans les quinze iours son vlcere estoit presque tout cicatrisé. La composition entre nous faite, ie commençay à me resioüir. Il me faisoit manger et boire à sa table , lors qu’il n’y auoit point de plus de gens de bien que luy et moy.
Il me fit donner vne grande escharpe rouge, qu’il me commanda do porter. le puis dire que i’en estois autant ioyeux , comme vn chien à qui on baille vn tribal, de peur qu’il n’aille aux vignes manger les raisins.
ET VOYAGES
Le Médecin et Chirurgien me menoient parmy le camp pour visiter leurs blessés , où ie prenois garde que faisoient nos ennemis ; ie recpnneu qu ilsn’auoient plus de grosses pièces de batterie, mais seulement vingtcinq ou trente de campagne.
Monsieur de Vaudeuille tenoit monsieur de Bauge prisonnier, frere de monsieur de Martigues qui mourut à Hedin. Ledit seigneur de Baugéestoit prisonnier au chasteau de la Motte au Bois, appartenant à l’Empereur, lequel auoit esté pris à TCberoüenne par deux soldats espagnols. Ledit seigneur de V aud euille l’ ay an t enuisagé, concluoitdeuoir estre quelque gentilhomme de bonne maison : le fit deschausser, et voyant ses chausses et pieds nets, avec la petite chaussette bien blanche et deliée , telle chose le confirma d’auantage estre homme à payer quelque bonne rançon. Il demanda ausdits soldats, que s’ils voulolent trente escus de leur prisonnier, qu’il les bailleroit présentement : ce qu’ils accordèrent volontiers, par-ce qu’ils n’auoient pas moyen de le garder, et moins de le nourrir , ioint qu’ils ne sçauoient sa valeur : partant liurerent leur prisonnier entre les mains dudit sieur de Vaudeuille , lequel subit par quatre soldats de sa garde l’enuoya audit chasteau de la Motte au Bois, -auec autres prisonniers gentils-hommes des nostres. Le soigneur de Baugé ne se vouloit descouurir qu’il estoit, et endura beaucoup, estant au pain et à l’eau, et couchoit sur vn peu de paille. Ledit seigneur de Vaudeuille, après la prise de Hedin , enuoya vers ledit seigneur de Baugé, et autres prisonniers, comme la place de Hedin auoit esté pi'ise , et la liste do ceux qui auoient esté tués, et entre les autres monsieur
de Martigues : et lors que ledit seigneur de Baugé entendit sonner à ses oreilles que son frere monsieur de Martigues estoit mort , commença à s’escrier, pleurer et lamenter. Ses gardes luy demandoient pourquoy il faisojt tant de si piteuses lamentations : il leur déclara quec’estoit pour l’amour de monsieur de Martigues son frere! Ayant entendu cela, le capitaine du chasteau despescha soudain vn homme pour annoncer à monsieur de Vaudeuille qu’il auoit vn bon prisonnier : lequel ayant receu ceste bonne nouuelle, s’en resioüit grandement, et le lendemain m’euuoya auec quatre soldats et son Médecin au chasteau de la Motte au Bois, pour sçauoir si son prisonnier luy vouloit donner quinze mil escus de rançon, le renuoyeroit libre en sa maison, et que pour le présent il ne demandoit qu’vne response de deux rnarchans d’Anuers qu’il nommeroit.
Ledit de Vaudeuille me persuada que ie fisse accorder cela à son prisonnier : voila pourqüoy il m’enuoya au chasteau de la Motte au Bois. H commanda au capitaine du chasteau de le bien traiter et mettre en vne chambre tapissée : aussi qu’on renforçast sa garde, et dés lors on luy fit bonne chei’e , à ses despens.
La response dudit seigneur de Baugé fut, que de se mettre à rançon il ne pouuoit , et que cela dependoit de monsieur d’Estampes son oncle , et de mademoiselle de Bressure sa tante, et qu’il n’ auoit nu] moyen de payer (elle rançon, le retournayavec mes gardes vers ledit seigneur deVaudeuille, et luy fis la response de sondit prisonnier : lequel me dit, que possible ne sortiroit il à si bon marché. Ce qui fut vray, car il lut descouuert :
dont subit la Boyne de Hongrie çt
APOLOGIE
monsieur le duc de Sauoye niande rent audit seigneur de Vaudeuiüe que ce morceau estoit un peu trop gros pour luy, et qu’il eust à leur enuoyer (ce qu’il fit), et qu’il auoit assez d’autres prisonniers sans cestuy-là. Il fut mis à rançon à quarante mil escus, sans les autres despens.
M’en retournant vers le sieur de V audeuille, ie passay par sainct Orner , là où ie vis leurs grosses pièces de batterie, dont la plus part estoient esuenlées et rompues. le repassay pa- | reillement par Theroiienne, où ie ne vis plus pierre sur pierre, fors vn vestige de la grande Eglise ; car l’empereur fit faire commandement aux villageois, à cinq ou six lieues d’alentour, qu’ils eussent à vuider et transporter les pierres : en sorte qu’à présent on y charie dedans la ville. Aussi fait on à Hedin, sans nulle apparence de cliasteau et forteresse. Voila le malheur qu’apportent les guerres.
Et pour retourner à mon propos, tost api’és mondit seigneur de Vaudeuille so porta bien de son vlcere, et estoit presque guari ; qui fut cause qu’il me donna congé , et me fit conduire auec passeport , par vne trompette, iusques à Abbeuille : là où ie pris la poste, et m’en allay trouuer le roy Henry mon maistre à Aufimon , qui me receut auec vne aliegresse, et de bonne grâce.
Il enuoya quérir messieurs de Guise, et Connestable, et d’Estrés, pour entendre de moy ce qui s’estoit passé à nostre prise de Hedin : et leur en fis fidele rapport, et leur asseuray auoir veu les grosses pièces de batterie qu’ils auoient menées à sainct Orner: dont le I\oy lut ioyeux, parce qu’il craignoit que l’ennemy ne vint plus auant en France. Il me Ht donner deux cens escus pour me retirer
en ma maison : et moy fort ioyeux d’estre en liberté, et hors de ce grand tourment et bruit de tonnerre de la diabolique artillerie, etloingdes soldats blasphémateurs et renieurs de Dieu.
le ne veux icy laisser à dire, qu’a • prés la prise de Hedin, le roy fut aduerti que n’auois esté tué , et que i’estois prisonnier. H fit escrire par monsieur du Goguier son premier Médecin à ma femme, que i’estois viuant, et qu’elle ne se donnasl peine, et qu’il payeroit ma rançon.
