BATAILLE DE SAINCT-QVENTIN

Après la bataille de sainct Quenlin , le Roy m’enuoya à la Fere en Tarlenois vers monsieur le Mareschal de Bourdilion , pour me faire donner passeport au Duc de Sauoye, pour aller penser monsieur le Connestable qui auoit esté grandement blessé d’vn coup de pistolle au- dos, dontilcuida mourir : et estoit demeuré prisonnier entre les mains des ennemis. Mais iamais le Duc de Sauoye ne voulut consentir que i’allasse vers ledit seigneur le Connestable, disant qu’il ne demeureroit sans Chirurgien : et qu’il se douloit bien que" ie n’y fusse allé seulement pour le penser , mais plustost pour bailler quelque aduertissement audit seigneur le Connestable, et qu’il sçauoit que ie sçauois bien faire autre chose que la Chirurgie, et qu’il me connoissoit pour auoir esté son prisonnier à Hedin. Monsieur le Mareschal de Bourdilion aduerlit le Roy du refus qu’auoit fait le Duc de Sauoye. 11 escrit audit seigneur do Bourdilion , que si Madame la Con-

F.T VOYAGES

nestJible cnuoyoit quelqu’vn de sa maison qui fust habile homme, que ie luy baillasse vue lettre, et que verbalement i’eusse aussi à luy dire de bouche ce que le Roy et monsieur le Cardinal de Lorraine m’auoient donné charge. Deux iours après, il arriua vn valet de chambre dudit sieur le Connestable, qui luy portoit des chemises et autres linges, auquel mondit seigneur le Mareschal fil donner passeport pour aller vers ledit seigneur Connestable.' le fus fort ioyeux, et luy baillay ma lettre, et luy fis sa leçon de ce que deuoit faire son maistre estant prisonnier.

le pensois, estant deschargé de ma légation, m’en retourner vers le Roy.

Mais ledit seigneur deRourdillon me pria de demeurer à la Fere auec luy, pour penser vn bien grand nombre de blessés qui sy estoient retirés après la bataille, et qu’il rescriroit au Roy la cause de ma demeure : ce que ie lis. Les playes des blessés estoient grandement puantes, et pleines de vers , auec gangrené et pourriture :

où il me fallut ioüer des couteaux pour amputer ce qui estoit gasté, et ne fut sans couper bras et iambes, et aussi en trépaner plusieurs. Or on ne Irouuoit point nuis medicamens à la Fere, parce que les Chirurgiens de noslre camp auoient tout emporté, le dcscouuris que le chariot de l’artillerie estoit demeuré à la Fere, et n’y auoit-on encore louché. le dis audit seigneurie Mareschal , qu’il me feist deliurer vne partie des drogues qui estoient dedans: ce qu’il fit, et m’en fut donnée la moitié seulement pour vne fois, et cinq ou six iours après il me fallut prendre toute la reste, en core n’y en auoit-il pas à moitié pour penser le grand nombre des blessés.

Et pour corriger et arrester la pour-

riture, et tuer les vers qui estoient en leurs playes, ie les lauois d’Egyptiac dissout en vin et eau de vie, et leur faisois tout ce que ie pouuois :

neantmoins toutes mes diligences, il en mourut beaucoup.

Il se trouua à la Fere des gentilshommes qui auoient charge de trouuer le corps mort de monsieur de Bois- Dauphin l’aisné, qui auoit esté tué en la bataille : ils me prièrent les vouloir accompagner au camp pour le choisir, s’il estoit possible, entre les morts : ce qui estoit impossible le pouuoir reconnoistre , attendu que les corps estoient tous effondrés par pourriture, et deuisagés. Nous veismes plus de demie lieuë autour de nous , la terre toute couuerte de corps morts : et n’y demeurasmes gueres, pour la grande puanteur cadauereuse qui s’esleuoit des corps, tant des hommes que des chenaux :

et croy que nous fusmes cause de faire esleuer de ces corps vne si grande quantité de grosses mousches, qui s’estoient procréées de l’humidité des corps morts et de la chaleur du Soleil, ayans le cul verd et bleu, qu’estans en l’air faisoient ombre au Soleil. On les oyoit bourdonner à grand merueille, et croy que là où ils s’assirent, c’ estoit pour rendre l’air pestilent, et y causer la peste.

Mon petit Maistre , ie voudrois qu’eussiez esté là comme moy, pour discerner des odeurs, et pour aussi en faire rapport à ceux qui n’y ont esté.

Il m’ennuyoit beaucoup là. lepriay mon.sieur le Mareschal de me donner congé de m’en aller, et auois peur de demeurer malade, pour le trop grand trauail de puanteur des blessés, qui mouroient quasi tous, quelque diligence qti’on y peust faire. 11 lit venir

APOLüGIK

(les Cliirurgions pour paracheucr à Irailer les blessés, et m’eu allay auec sa b(june grâce. Il escriuit vue lettre au Roy, de la diligence que i’auois l’aile enuei s les panures blessés. Puis ic m’en reuinsà Paris, où ie Irouuay eacore beaucoup de genlils-bommes qui auoient esté blessés , qui s’y estoient retirés après la bataille.

VOYAGE DV camp d’amIENS. — 1558.

Le roym’enuoya à Dourlan, et me flt conduire par le capitaine Gouast, auec cinquante hommes-d’ armes, de peur que ie nefussepris des ennemis :

et voyant que par chemin estions tousiours en alarmes, ie fis descendre mon homme, et fis qu’il estoit maistre. Car ie montay sur son chenal qui portoit ma malle, et alloit bien du pied s’il eust fallu gaigner le haut, et pris son manteau et chapeau, et luy baillay ma monture, qui estoit vne belle et petite haquenée. Mon homme estant dessus, on l’eust pris pour son maistre, et moy pour son valet. Ceux de Dourlan nous voyansdeloin,pensoient que fussions ennemis, et nous tirèrent des coups de canon. Le capitaine Gouast, mon conducteur, leur fit signe auec son chapeau que n’estions ennemis : en fin cessèrent de tirer, et enlrasmes à Dourlan auec vne grande ioye.

Ceux de Dourlan auoient fait vne sortie sur l’ennemy, cinq ou six iours auparauant ; lesquels tuerent et blessèrent plusieurs de nos Capitaines et bons soldats, et entre les autres le Capitaine sainct Aubin , vaillant comme l’espée , que monsieur de Guise aiinoit fort , et pour lequel

principalement le Uoy m’enuoyoit là.

Lequel estant en accès de liéure quarte, voulut sortir pour commander à la plus grande partie de sa compagnie : vn espagnol voyant qu’il commandoit, apperceut estre vn Capitaine, et luy tira vn coup d’harquebuse tout au trauers du col. Mon capitaine sainct Aubin pensoit de ce coup estre mort, et delà peur, ie proteste à Dieu qn’il perdit sa liéure quarte, et en fut du tout deliuré. le le pensay auec Anthoine Portail, Chirurgien ordinaire du Itoy, et plusieurs autres soldats : les vns mou r oient, les autres reschappoient, quittes pour vn bras ou vne iambe, ou perte d’vn œil, et ceux-là disoit-on estre quittes à bon marché : eschappe qui peut.

Lors que les ennemis eurent rompu leur camp, ie m’en retournay à Paris.

Icy ie me tais de mon petit Maistre, qui estoit plus aise en sa maison que moy à la guerre.