VOYAGE DE BAYONNE
Or ie dis encore d’auantage, que i’ay fait le voyage auec le Roy à Bayonne, où nous auons esté deux ans et plus à circuir presque tout ce royaume : où en plusieurs villes et villages i’ay esté appellé en consultation de diuerses maladies , auec defunct monsieur Chapelain , premier Médecin du Roy, et monsieur Castel lan, premier de la Royne mere, hommes d’honneur et tres-sçauans en la Medecine et Chirurgie. Faisant ce voyage , ie me suis tousiours enquis aux Chirurgiens, s’ils auoient remarqué quelque chose rare en leurs pratiques, à fin d’apprendre quelque chose de nouueau.
Estant à Rayonne , il aduint deux choses de remarque pour les ieunes Chirurgiens.
La première , c’est que je pensay vn gentil-homme Espagnol , lequel auoit vne aposteme grande et enorme à la gorge. Il vint pour se faire toucher au defunct Roy Charles, des escrouëlles. le fis ouuerture de son aposteme, où il se trouua grande quantité de vers tous groüillans,gros comme la pointe d’vn fuzeau, ayans la teste noire: et auoit grande quantité de chair pourrie. D’auantage, auoit sous la langue vne aposteme nommée llunula, qui l’empeschoit à
apologie et voyages.
proférer sa parole , et à inascher et j aualler ses viandes. Il me pria à iointes mains la Iny ouurir, s’il se pouuoit faire sans péril de sa personne : ce que ie fis promptement, et trouuay sous ma lancette vn corps solide, qui estoient cinq pierres semblables à celles qu’on tire de la vessie. La plus grosse pouuoit estre d’vne petite amande, et les autres comme petites féues longuettes, qui estoient en nombre de cinq. En ceste aposteme estoit contenu vn humeur glaireux, de couleur iaunastre, en quantité plus qu’il ne pourrait entrer en quatre cuilliers d’argent. le le laissay entre les mains d’vn Chirurgien de la ville , pour paracheuer d’ estre guari.
Monsieur de Fontaine , Cheualier de l’ordre du Roy , eut vue grande
fleure continue, pestilenle, accompagnée de plusieurs charbons en diuerses parties du corps, lequel fut deux iours sans cesser de saigner du nez , et ne le pouuoit-on estancher :
et par iceluy flux la fleure cessa, auec vne Ires-grande sueur , et tost après les charbons suppurèrent: et fut par moy pensé , et par la grâce de Dieu guari.
l’ay publié ceste Apologie, à fin que chacun connoisse de quel pied i’ay marché tousiours : et ne pense qu’il y ait homme si chatoüilleux qui ne prenne en bonne part ce que i’ay dit, puis que mon discours est véritable , et que l’effet monstre la chose à l’œil , la raison m’estant garand contre toutes calomnies.
