CHAPITRE X

LES ACCIDENS QVI ADVIENNENT PAR TROP LIER ET SERRER LES PARTIES DV CORPS.

Par trop serrer la teste aux inflammations des yeux, on les fait souuent sortir hors leur orbite : ce que i’ay veu, comme i’ay escrit cy dessus aux playes de teste, chap. 17.

Aux playes faites au nez , par le trop serrer et presser on rend les malades camus.

Pareillement aux playes des ioües et léures, on rend la bouche tortue.

Par trop serrer et comprimer les vertebres du dos , on les iette hors de leur place : qui fait que les filles sont bossues et grandement emaciées par faute d’aliment, ce qu’on voit souuent. Car i’ay souuenancé auoir ouuert le corps mort d’vne Dame de nostre Cour, qui pour vouloir monstrer auoir le corps beau et gresle , se faisoit serrer de sorte , que ie trouuay les fausses costes cheuaul ciiaag ,lç8 vues par dessus les autres :

DFS BANDAGES.

qui faisoit que son estomach estant pressé, ne pouuoit s’eslendre pour j contenir la viande , et apres auoir mangé et beu , estoit contrainte de le reietter , et le corps n’estant nourri deuint maigre : n’ayant presque que le cuir sus ses os, qui fut cause de sa mort.

Pour trop lier vne partie , on est cause de gangrené et de totale mortification.

Par trop lier et serrer vn enfant en son maillot, on l’estouffe faute de respiration.

D’auantage par trop lier et compresser vne iointure , on cause sourient une luxation , ou distorsion , et deprauation de l’action.

Par trop serrer le ventre aux femmes grosses , on fait que les enfans sont bossus et contrefaits, et la mere auortant , souuent meurt auec l’enfant.

Par trop serrer Festomach et les parties dediées à la respiration , on est cause d’vne suffocation et mort subite : ce que de recente mémoire on a veu aduenir l’an 1581, en l’Eglise Saint-Nicolas-des-Champs, où vne ieune espousée de lean de la Fores! , maistre Barbier Chirurgien à Paris, fille de défunt lacquesOchede,

marchant passementier , et de Claude Boufaull, laquelle pour estre trop serrée et pressée en ses habits nuptiaux , sortant de l’autel , apres auoir pris du pain et du vin à la façon accoustumée, pensant retourner en sa place , tomba roide morte faute de respiration , et le iour mesme fut enterrée en ladite Eglise. Et quelques iours apres, ledit delà Forest espousa à Saint-Germain en Laye ladite Boufault , mere de ladite fille defunte :

parce que son curé au oit refusé faire ledit mariage, disant qu’aucun ne pouuoit espouser la fille et la mere.

Par trop comprimer la production du Péritoine par vn brayer, on garde la descente des testicules au Scrotum.

Pour porter des souliers trop courts et trop estroits, on fait que les ongles entrent à la chair, et les orteils cheuauchent l’un par dessus l’autre , et s’y font des cors qui causent de grandes douleurs.

Par trop et longuement lier et serrer les parties, on les atrophie, et enfin on leur este la vie.

Que diray-ie plus? c’est que par trop serrer la gorge à quelque personne que ce soit, on l’estrangle, et luy fait-on perdre la vie.

LE TREIZIÉME LIYRE

TRAITANT

DES FRACTVRES DES OS'