CHAPITRE VIII
CVRE PARTICVLIEBE DES EVXATIONS ’ ET PARTICVLIEREMENT DE LA MANDI- BYLE INFERIEVRE.
En la mandibule inferieure se fait luxation : ce qui aduient souuent en baaillant et ouurant grandement la bouche. Et icelle se fait en la partie anterieure, et peu souuent en la postérieure, à cause des deux additamens mammillaires , qui l’engardent estre reculée en arriéré.
Elle se fait en deux maniérés , à sçauoir, seulement d’vn costé, et quelquesfois des deux.
Le signe qu’elle n’est deloüée que d’vn costé, c’est qu’elle est tournée de trauers, et le costé dont elle est luxée se monstre plus plat et caue, et celuy de la partie saine plus esleué et nuancé : et la bouche du malade demeure ouuerte , ne la pouuant fermer , ni mascher les viandes : et les dents sont plus nuancées en deuant, que celles de la mandibule supérieure et aussi ne sont à l’endroit de leurs pareilles : au contraire les canines se rencontrent sous lesincisiues , et la partie delouée et le menton sont tournés et inclinés vers le costé qu’elle n’est deloüée.
Les signes qu’elle est deloüée des deux costés, sont, qu’elle pend sur la poitrine , et tout le menton s’auance en deuant, et par dessus la maschoire on voit les muscles temporels tendus, et la saliue coule de la bouche du malade, ne la pouuant retenir : et ne peut fermer la bouche , ny remuer la langue pour parler, mais balbutie.
Lorsqu’elle est luxée des deux cos> I tés, elle est plus difficile qaej^quand
LE QVATOnZlÉME LIVRE ,
elle n’est que d’vn costé, et pareillement les accidens sont plus grands.
Parquoy elle doit estre soudainement remise, ou autrement le malade tombe en extreme douleur, fléure , inflammation autour de la gorge , est en danger de mort, et le plus souuent en dix iours , plus ou moins , selon 1 habitude du corps : à raison (coinrae dit monsieur Dalechamps) des cinq rameaux de nerfs qui viennent de la seconde et cinquième coniugation du cerueau, qui se distribuent aux muscles qui la fontmouuoir : au moyen de quoi lors qu’ils sont violentement eslendus, causent les accidens susdits j Les praticiens tiennent qu’en douze jours, apres estre réduite, elle est assurée de non plus retomber.
Et où elle aura esté quelque temps sans estre réduite, faut vser de remedes remollitifs et relaschans , comme fomentations, linimens, cataplasmes , et semblables choses qui ont vertu de ce faire. Et apres la réduction faite, on y appliquera vn médicament fait de blancs d’œufs et huile rosat, pour seder la douleur : et les compresses seront trempées en oxycrat ; et au second appareil on y en mettra vn autre, qui aura puissance d’agglutiner et reserrer les ligatnens et autres parties qui auront esté relaschées , à fin aussi que la partie remise soit tenue immobile, et soit astreinte.
JExemplei,
•if.. Put. boli armen. sang. drac. farinæ volatil. mastich. picis resinæ ana § . fi .
Album. OUOr. q- s.
Fiat medicam.
Etapres on pourra vser del’emplastre diachalciteo» fondue en huile rogat et vn peu de vinaigre, et autres qu’on verra estre necessaires.
