CHAPITRE XL

DE LA LVXATION DE l'oS CtAVICV- LAIRE OV IVGVLAIRE.

i L’os iugulaire se peut ployer, deloüer, et rompre. Il se desioint en deux maniérés: l’vne de contre le sternum, et l’autre de contre l’omoplate, à sçâuoir , l’Acromium , qui est partie et aboutissement de son espine, contre lequel est appuyée et iointe la furcule. Toutesfois tant d’vn costé que d’autre la luxation de cest os est rare et difficile, pour la ferme adhérence et connexion qu’il a auec les parties susdites : et à grande difficulté l’extremité qui adhéré au sternum se peut baisser en bas, à cause qu’elle est soustenue de la première coste.

Ladite luxation peut aduenir au dedans , et au dehors, et aux costés : et selon icélles différences il faut que le Chirurgien face la réduction , qui se fera en poussant et estendant le bras.

Et s’il est besoin on fera coucher le

LE QVATORZIÉME LIVRE,

afio

patient à la renuerse, ayant l’espaule sur le cul d’une iatte , ou autre chose semblable , à fin que l’espaule et le thorax se courbent en dehors , pour puis apres réduire mieux la luxation ou fracture ; ce qui se fera en haussant, ou baissant, ou tirant le bras du patient en auant, ou en arriéré, selon le costd auquel sera faite la dislocation. Puis en poussant sur l’eminence dudit os , sera réduit en son lieu. Et conuient lier , et mettre compresses , et le tenir en repos , ainsi que s’il estait rompu.

Galien sur le liure des Deloüeures d’Hippocrates ‘ dit , luy estant en l’aage de trente-cinq ans , en s’exerçant dedans l’eschole publique , luy auoir esté desioint l’os de l’acromiuin d’auec l’os furculaire, si grandement , qu’entre l’acromium et l’os furculaire estait interualle de trois doigts : et recite ceste deloüeure auoir esté guerie par vne si violente ligature , qu’il sentoit au dessous de l’os furculaire le battement des artères. Laquelle il porta par l’espace de quarante iours : et dit, que peu de malades veulent souffrir vne si grande compression, et si longuement comme il est necessaire.

Or véritablement ceste luxation est difficile à connoistre , et encore plus à estre curée, le sçay qu’aucuns Chirurgiens s’y sont trompés , estimans que la teste de l’auant-bras estoit luxée. Car lors la sommité del’espaule , appelée des Grecs Epomis, se voit plus enflée, et le lieu d’où estoit sorti l’os furculaire , caue et enfoncé, auec douleur vebemente et grande tumeur, et le malade ne pouuant hausser le bras , ne faire autre mou-

> Des art. sect. 1. comm. sur la sent. 62. — A. P.

uement necessaires de l’espaule. Et où l’os ne sera réduit , le malade demeurera impotent , et ne pourra iamais porter la main sur la teste ny à la bouche.