CHAPITRE XII

DE l’ESPINE LVXÉE.

L’espine est composée de plusieurs os qui sont comme petites roüelles rapportées ensemble par eniointures, qui aident chacun en son endroit vn peu à faire son mouuement , pour fléchir le dos sur le deuant, et non en arriéré, selon leur rondeur et circonférence de leurs cercles, pour plier et dresser. Car si elle eust esté faite d’ vn seul os, l’homme eust esté immobile , estant comme embroché ou empalé. Aussi lesdites roüelles sont creuses , pour donner vn chemin seur à la moelle de l’espine , laquelle comme vn ruisseau coulant du ceiueau, a esté faite pour la génération et distribution des nerfs qui deuoient donner sentiment et mouuement à toutes les parties situées au dessous de la teste : desquels sort par les trous de chaque rotielle une coniügation.Aussiily a des veines et arteres qui y entrent dedans pour les nourrir et viuifier. D’auantage faut entendre que la face postérieure de l’espine dorsale est diuisée en quatre parties, appelées apophyses et epiphyses : dont les vnes montent eu haut, les autres descendent en bas, et d’autres qui sont à trauers, et les autres au milieu , comme crestes et espines ; à cause de quoy a esté appelée Espine, pour ses forjettures qui sont aiguës comme espines, à l’extrémité desquelles il y des cartilages. Et no-

«ES LVXAXrONS.

teras Icy , que la première vertèbre n’a point de creste , pource que les muscles qui meuuent la teste occupent le lieu où elle deuoit naistre.

Or l’vtiliié de l’espine auec ses apophyses sert comme de bouleuert et fortification à la moelle spinale , la couurantetenueloppantdetoutepartcon.

tre les iniures externes. Aussi elle est commela carine et fondementdu corps et principalement l’os sacrum, lequel est le plus grand de toutes les vertèbres, et au plus bas d'icelles , comme leur fondement: semblablement soustient l’os de la hanche.Toutes les vertèbres vont tousiours en diminuant :

et estoit (comme dit Galien) raisonnable que celles qui sont sur les autres soient moindres que celles qui sont dessous , veu que ce qui est porté et soustenu , doit estre moindre 'que ce qui porte et soustient. Voila pourquoy elles sont basties comme vn clocher.

Les apophyses latérales des Vertebres du metaphrenum ont d’abondant vne autre vlilité, qui est d’appuyer et eniointer les os des costes.

Entre les vertebres y a des cartilages , et vn humeur glaireux qui les abreuue et humecte (semblable à celuy de qui presque toutes les iointures de nostre corps sont lubrifiées et glissantes) pour les rendre plus obéissantes à leur mouuement, qui se fait en deuant et non en derrière, comme nous auons dit , à fin que les actions de l’homme se facent mieux : et pareillement pour ce que la grande veine caue et grande artere, qui sont couchées sur icelles, eussent esté trop tendues et se fussent peu rompre, si elles se fussent ployées en arriéré. A ceste cause les eniointures des vertebres sont en la partie postérieure , et non à l’anterieure , et sont liées ensemble par certains ligamens bien

3Gi

forts l’vne auec l’autre. Or maintenant ielaisseray plusieurs au très discours que fait Galien au liure treiziéme De l’vsage des parties , parlant de l’espine , et diray auec luy qu’en nostre corps rien n’y est fait temerairement , mais auec grande industrie et artifice , par la sagesse admirable du divin et grand Architecte, qui est le Dieu viuant , sans qu’aucune chose y soit superflue ou manque.