CHAPITRE XVIII

DE LA MANIERE d’eXTRAIEE l’aRRIERE- FAIX APRES l’enfantement.

L’arriere-faix a esté ainsi appelle du vulgaire, parce qu’il vient apres l’enfant , et qu’il est un autre faix à la femme : des autres est appelé le lict^ parce que l’enfant y est couché et enueloppé, et y demeure ; des autres la deliurance, parce qu’estant hors, la femme est entièrement deliurée : et autant qu’il y aura d’enfans, autant y aura d’arriere-faix séparés l’vn de l’autre, chose aux matrones digne d’estre bien notée. Ce qui nous est demonstré par expérience, en celles qui ayans enfanté auiourd’huy , et mis horsleur arriere-faix, ayans deux enfans, lors qu’elles viennent à enfanter, quelque temps apres iettent xn autre arriere-faix.

Or iceluy demeure souuent dans la matrice apres l’enfantement , pour plusieurs et diuerses causes : comme par l’imbécillité de la vertu delà femme, pour auoir esté trop agitée et trauaillée de douleurs pendant le trauail de son enfantement, ou que le col de la matrice et autres parties voisines se seront si fort enflées, par long et mauuais trauail, au moyen dequoy l’issue se ferme, en sorte qu’il ne peut estre ietté hors. D’auantage peut demeurer à raison qu’il est entortillé et reployé dedans la matrice, ou s’il est demeuré à sec, à cause des eaux qui auront esté euacuées plustost qu’il n’estoit besoin , par quoy les voyes ne sont si glissantes et coulantes : ou qu’il est encore attaché à la matrice , par la liaison et emboucheure des veines et arteres qu’on nomme Cotylédons» : ce qui se fait volontiers aux femmes qui auortent.

Car tout ainsi que nous voyons les fruits des arbres, lesquels ne sont encore en parfaite maturité, plus difficilement tomber que ceux qui sont du tout meurs, et lors qu’ils sont en parfaite maturité , tombent d’euxmèmes ; ainsi est-il de l’arriere-faix, lequel se séparé de contre la matrice, quand l’enfant est à son terme pre^ fix. D’auantage quelquesfois adulent (ce que i’ay veu) qu’il ne peut nulle ment estre tiré dehors pource qu’il sera demeuré trop long-temps en la matrice, et que la femme se sera te nue descouuerte, de façon que l’air sera entré en la dite matrice, qui aura esté cause de faire grandement enfler le col et corps d’icelle 2.

‘ Ces mots : qu’on nomme Cotylédons, manquent dans toutes les éditions faites du vivant de Paré, et ont été ajoutés dans la première édition posthume.

’ Cette dernière phrase : D’auantage quel-

LE DtX-HVITriÎMË LIVRE,

Et là où il ne seroit séparé de soymesme, et demeurast en la matrice, il suruiendroit à la mere plusieurs accidens, comme suffocation de matrice, ne pouuant auoir son haleine, au moyen de la putréfaction qui se fait en peu de temps, parce qu’il s’eleue plusieurs vapeurs corrompues et putrides qui montent au cœur ét au cerueau. Parquoy ladite mere tombe souuentesfois en défaillance de cœur, et quelquesfoisest suffoquée, et rend l’esprit : pour ceste cause le faut extraire subit que l’enfant est sorti, en le tirant par le nombril, appellé petit boyau.'

Et où il ne pourroit estre ainsi extrait, faut situer la femme comme si on vouloit tirer l’enfant mort ou vif, lors que nature de soy ne le peut faire : dont la sage-femme mettra sa main doucement dans la matrice, ointe d’huile, ou de quelque axonge, et suiura ledit nombril, qui lui ser- ' uira de guide pour prendre l’arrierefaix, et le séparera, s’il est encor adhérant contre le fond de la matrice, auec les doigts, le tournant de costé et d’autre : et le tirera hors tout doucement, et non par violence, comme font les folles et idiotes matrones, de peur de tirer quant-et-quant le corps de la matrice, et la déprimer de son propre lieu, dont puis apres plusieurs accidens aduiennent, et souuent la mort*. Carie tirant rudement, on peut rompre et dilacerer quelques veines, arteres, ou fibres, et ligaments nerueux, où ladite matrice est liée et attachée , dont le sang sort : et estant sorti de ses propres vaisseaux, se

quesfoisaduient, etc., n’est pas dans l’édition de 1573 J. c’est une addition de 1575,

‘ Hippocrates Aph. C. 1. 6. — • A. P —

corrompt et putréfié , cause inflammation, aposteme, gangrené, et pai conséquent la mort : ou pour le moins (pour auoir tiré et rompu les ligamens) aduient que la matrice tombe entre les iambes de la femme, qui luy est vnc peine et douleur inestimable de quoy nous parlerons cy apres. Et si la sage-femme trouue en tirant l’arriere-faix quelque thrombus ou sang caillé, il faut qu’elle le tire hors, et aussi qu’il ne demeure aucune portion dudit arriere-faix : quelquesfois la femme le iette quelque temps apres par sa nature en pourriture, qui ne se fait sans grands accidens.

On aide à l’expulsion d’iceluy par sternutations et fomentations faites au col de la matrice de choses aromatiques, et par iniections de choses glaireuses et remollientes : d’auantage les senteurs fetides seront administrées par la bouche, et autres choses qui prouoquent les mois, et principalement vne décoction faite de artemüia et baccis lauri^ auec vin miellé, ou demie drachme de poudre :

de sauinier donnée à aualler à la patiente : semblablement les cheueux de la femme brusiés et puluerisés sont profitables, les luy faisant boire auec du vin.