CHAPITRE XIX

CE QV’ON DOIT BAILLER A l’ENFANT PAR LA BOVCHE DEVANT QVE LVY DONNER A TETER.

On doit frotter la bouche et le palais de l’enfant auec vn peu de thériaque et de miel, ou d’huile d’amandes douces tirée sans feu, luy tenant la leste esleuée, à fin qu’il en aualle

DE LA GENERATION

quelque peu : car alors sortent de sa bouche quelques humidités, et quelques fois cela esmeut l’estomach à vomir les superfluités qui y sont, lesquelles est bon de mettre hors : car non seulement on pense que l’enfant aye des superfluités à la bouche, palais et gorge, mais il est à croire qu’il en a encore plus en l’estomach, et mesme aux intestins. Parquoy est bon de bailler les choses susdites deuant que de le faire teter, de peur que le laict ne se mesle auecques telle ordure, et soit corrompu, et qu’il ne s’esleue quelques vapeurs mauuaises au cerueau , qui pourroient beaucoup nuire à l’enfant.

Or que l’enfant nouuellement né n’apporte du ventre de sa mere beaucoup de superfluités, on le voit oculairement par les excremens qu’il iette des intestins auparauant qu’il ait iamais teté, ny pris aucunes choses par la bouche, qui sont de diuerses couleurs, à sçauoir, citrines, verdes, noires comme encre, et autres couleurs. Parquoy pour vuider telles superfluités des intestins, et garder qu’elles ne causent des tranchées, estans retenues, il est besoin donner à l’enfant vn peu de syrop de roses laxatifs, ou du theriaque, ou du miel le gros d’vn pois chiche, ou* demie cuillerée d’huile d’amandes douces tirée sans feu, auec vn peu de sucre et eau de vie.

Et auant que l’enfant tete, il sera bon luy faire rayer vn petit de laict en la bouche, à fin que) les fibres de l’estomach s’exercent peu à peu à tirer le laict.

' Le chapitre se terminait ici dans les deux éditions de 1673 et 1675 ; le reste est de 1679.