DE LA DISTANCE DV TEMPS QVE LA NOVRRICE A ENFANTÉ, ET DV SEXE

de son enfant.

La nourrice doit estre cinq ou six iours ‘ apres qu’elle a enfanté deuant que donner à teter à l’enfant , pour les raisons qu’auons dites cy dessus , aussi d’autant qu’elle demeure long temps au lit sans faire nul exercice : parquoy se fera teter, ou soymesme se tetera auec vn instrument de verre que nous déclarerons cy apres , et en donnerons le portrait.

Si la nourrice a enfanté vn masle dernier, son laict est plus à loüer, par- ] ce qu’elle a son sang plus elabourc , et par conséquent moins excrementeux, dont le laict qui en sera engendré sera meilleur : car l’enfant masle estant au ventre de sa mere, l’eschauffe de sa chaleur naturelle plus qu’vne femelle, ce qui se connoist par expérience , que la femme grosse d’vn masle se porte mieux coustumierement, ioint aussi qu’elle est mieux colorée. Aussi faut que la nourrice aye porté' son enfant à terme: car l’auorlement fait de cause interne demonstre qu’il y a quelque vice au corps.

‘ En 1573 Paré avait dit quinze ou vingt ioun, il a changé d’avis et de teste en 1579.