CHAPITRE XV

APOLOGIE TOVCHANT LES PLAVES FAITES PAR HARQVEBVSES C

Il m’est tombé ces iours passés entre les mains vn certain liure fait par

■Cette apologie a été publiée en 1572, comme je l’ai fait voir dans mon Introduction, en même temps que le livre Des dislocations et très probablement dans les Cinq Hures de chirurgie. Je répéterai ici qu’elle s’adresse non pas à Gourmelen, comme on l’a dit généralement , mais à Lepaulmier de Ga««, qui avait écrit un livre sur les barquebnsades. Voyez mon Introduction.

bÈ9 bLAYES l)*HAhQVÈBVSÉ!«(.

va Médecin *. auquel assés ouuertemenl il blasonne et dénigré ce que i’ay escrit par cy deuant des playes faites par coups de harquebuses , et de leurs cures. le proteste que quand il n’y auroit autre mal, et que ie ne verrois autre interesl en cecy que le mespris de moy et de mon liure , ie laisserois couler les choses doucement , et les passerois sous silence : sçachant bien que les responses et répliqués , dont nous nous voulons aider à clorre la bouche des medisans , bien souuent seruent plustost à les faire parler d’auantage qu’ autrement, et qu’il n’y a meilleur moyen d’assoupir telles noises , que de ne dire mot : comme nous voyons que le feu s’esteint, cessant sa matière combustible, et lui estant le bois. Mais quand i’ay bien considéré le danger euident auquel plusieurs se fourreront s’ils viennent à suiure les reigles et enseignemens que donne ledit Médecin pour la cure desdites playes, i’aypenséque mon deuoir estoit d’aller au deuant de ce mal, et d’empescher autant que que ie pourrois, eu esgard à ma profession, laquelle outre l’affection commune que tous doiuent au bien public , m’oblige particulièrement à cecy, tellement que ie ne pourrois en bonne conscience faire le sourd et le muet , où le deuoir general et particulier m’obligent et contraignent à parler. C’est cela qui me sollicite à faire cette Apologie, plustost qu’vn désir boüillant et passionné d’auoir ma reuange de celuy qui à la vérité m’a assailli à tort.

Or en ce liure il prétend contemner et mépriser l’application des medicamens suppuratifs , comme du basili • con , et d’autres semblables ; pareillement de ceux qui sont acres, comme l’Egyptiac et autres ; et dit , Tels re-

medes ont été cause de la lîiort d’une infinité de personnes ausquels on les a appliqués , voire encore que leurs playes fussent superficielles , et en partie charneuses : et qu’en ce l’on ne doit suiure le conseil d’Hippocrates, qui dit que toutes playes contuses doiuent estre suppurées. Parce (dit-il) que c’est vne maladie nouuelle et inconnue aux anciens, qui desire aussi nouueaux remedes. D’auantage il dit , que pour l’in température de l’air, n’est besoin changer de remedes ausdites playes. Aussi qu’on ne doit comparer le tonnerre et la foudre aux coups d’artillerie. En quoi le voyant du tout contrarier à ce que i’en avois escrit en mon liure des playes faites par harquebuses, fléchés, et dards, ie suis contraint pour ma defense répéter aucunement ce que i’en ay par cy devant et ailleurs exposé , pour reprouuer tous ces points, comme i’espere faire l’un apres l’autre.

Premièrement, que les medicamens suppuratifs ne soient propres à telles playes, c’est combattre la raison, l’authorité , et expérience. Car chacun sçait que les balles estans rondes et massiues, ne peuuomt blesser sans faire grande contusion et meurtris seure, laquelle ne peut estre curée sans estre suppurée, suiuant l’authorité non seulement d’Hippocrates , mais aussi de Galien, et d’autres auteurs tant anciens que modernes.

Et que luy sert de nommer telles playes nouuelles, pour déroger au dire d’Hippocrates , lequel nous tenons comme pere , auteur , et vray fondement des loix de la sacrée Médecine , sur toutes dignes de grande louange, parce qu’elles ne sont suiettes à changement , comme celles des Roys, Princes, et grands Seigneurs , ny à la prescription de temps et de

174 LK NEVFllîME LIVUIÏ

régions? Donc si i’ay en cecy suini la doctrine Hippocratique , qui tousiours se trouue vraye et stable, ie croy auoir bien fait , et n"ay esté seul. Car monsieur Botal, Médecin ordinaire du Roy , et monsieur loubert aussi Médecin du Roy, et son Lecteur ordinaire en l’Vniuersilé de Montpellier , hommes bien expérimentés , tant en la Medecine qu’en la Chirurgie, qui ont escrit recenlemeut de cette matière, loüént et commandent appliquer au commencement en telles playes du basilicon , et autres medicamens suppuratifs. Ceux-cy (pour auoir suiui les guerres) ont plus ueu de blessés par basions à feu en vn iour, que nostre Médecin n’a fait en toute sa vie. Quant à l’experience, il y a vne infinité d’autres bons Chirurgiens , et grandement expérimentés , qui ont vsé et vsent de ces remedes au commencement, pour rendre telles playes à suppuration , s’il n’y a indication contraire.

le diray d’auantage , qu’vn chirurgien Empirique son voisin, nommé Doublet, a fait maintesfois des cures merueilleuses , appliquant à telles playes vn médicament suppuratif, composé de lard fondu, iaune d’œuf, et terebenthine auec vn peu de safran ; et tenoitce remedepour vn trèsgrand secret. Il y en avait vn autre à ïhurin l’an 1538 (moy estant lors au seruice de défunt monsieur le Mareschal de Montejan, Lieutenant general du Roy en Piedmont) lequel auoit le bruit par sus tous les Chirurgiens de ce pays là, de bien guarir telles playes auecques oleum Catellorwm,la description duquel i’eus de luy par grandes prières. Cette huile a puissance de lenir et appaiser la douleur , et rendre les playes supputées : et l’appliquoit vn peu plus

chaude que tiede , et non pas boufi.

lante , comme aucuns veulent. Ce qu’vnc infinité de Chirurgiens ont fait , apres que ie leur ay descrit la. dite huile en mon liure des playes faites par harquebuses, auec bonne et heureuse issue.

Quant au mespris qu’il fait de l’onguent Egyptiac, ie croy véritablement qu’il demeurera seul en son opinion et heresie, veu qu’on n’a encores seeu trouuer de plus singulier remede pour preuenir et corriger la pourriture, qui suruient le plus souuent en vlceres virulents , corrosifs , ambulatifs , et malins , ieltans vne sanie puante, dont la partie tombe en gangrené , si on n’y remedie par l’Egyptiac et autres medicamens acres, qui ont esté pour cette raison fort approuués desdits Botal et loubert’, et de tous bons Chirurgiens. Et cependant nostre Médecin soustient qu’ils sont venimeux : Attendu (dit-il) qu’en les appliquant aux playes faites par basions à feu, ont esté cause de la mort de plusieurs personnes : qui est chose si absurde et contre raison, que i’en quitte la response aux barbiers de village , qui auront trop dequoy luy satisfaire sur ce point, et luy prouuer plus manifestement qu'il ne sçaurait nier hardiment, par la considération d’vn chacun des ingrediens dudit Egyptiac, iceluy non seulement n’estre veneneux, mais mesme résister et contrarier directement à toutes sortes sortes de venins et pourritures qui peuuent survenir aux parties charneuses , à raison de quelque playe et vlcere.

Il dit d’auantage, que la disposition de l’air ne peut estre cause d’infecter et rendre les playes dangereuses en vn temps plus qu’en autre. En cela il demeurera encore tout seul de ceste

DES prwVYES d’hahqvebvses.

opinion. Mais s'il eust bien leu et entendu Hippocrates, il n’eust si légèrement contemné la constitution des saisons, et l’infection prouenante de l’air, non pas simple et élémentaire , (car estant simple , iamais n’acquiert de pourriture) mais par addition et meslange de vapeurs corrompues esparses en luy , comme i’ay escrit en mon Traité De la Peste K Car d’autant que l’air qui nous enuironne et est contigu, estperpetuellementnecessaire à notre vie, il faut que, selon sa disposition, nostre corps soit aussi altéré en plusieurs et diuerses manières , à cause que nous l’attirons continuellement par le moyen des poulmons , et autres parties dediées à la respiration , et mesmes par les pores et petits pertuis inuisibles de tout le corps, et par les arteres espandues au cuir : ce qui se fait tant pour la génération de l’esprit de vie, que pour rafreschir et fermenter nostre chaleur naturelle. A ceste cause s’il est immodérément chaud, froid, humide, ou sec, ou autrement vicié , il altéré et change la température du corps en semblable constitution que la sienne.

Cela se voit clairement, lors qu’il est infecté par des vapeurs putredineuseset charogneuses produites par vne grande multitude de corps morts , non assez tost enseuelis en la terre , comme d’hommes, de chenaux et bestes : comme il adulent apres quelque bataille, ou quand plusieurs hommes péris par naufrage ont esté iettés au riuage par les flots de la mer.

Pour exemple , on a connu recentement la corruption de l’air provenante des corps morts au chasteau de Pene, sur la riviere de Lot : auquel lieu l’an 1562, au mois de Septembre,

■ Le Traité De la P este avait paru en 1568.

pendant les troubles premiers aduenus à cause de la religion, fut ietté grand nombre de corps morts dedans vn puits profond de cent brassées ou enuiron, duquel deux mois apres s’esleva vne vapeur puante et venimeuse, qui s’espandit par tout le pays d’Agenois et lieux circonuoisins, iusques à dix lieües à la ronde , dont plusieurs furent inféctés de peste.

Dequoy ne se faut esmerueiller :

car les vents soufflons et poussans les exhalations et vapeurs pourries d’vu pays en autre , font pulluler la peste. Par ainsi la maligne constitution de l’air , soit que la cause en soit manifeste ou occulte, peut rendre les playes putrides, altérer les esprits et les humeurs , et causer la mort. Ce que l’on ne doit point attribuer auic playes], attendu que ceux qui sont blessés , et ceux qui ne le sont aucunement, en sont egalement infectés , et tombent en mesmes inconueniens.

Monsieur D’Alechamps en sa Chirurgie française , parlant des choses qui empeschent la curation des vlceres , n’a point oublié, que quand en aucune prouince régné quelque pestilence , ou maladie epidemiale , par le vice de l’air cela fait les vlceres incurables , ou tres-difflciles à guarir. Le bon vieillard Guidon a pareillement escrit, que les playes de la teste estoient plus difûciles à guarir à Paris qu’en Auignon : et les vlceres des iambes plus fascheuses en Auignon qu’à Paris ‘ : d’autant qu’à Paris l’air est plus froid et humide , qui est chose contraire, principalement aux playes de la teste : au contraire en Auignon , la chaleur de l’air ambiens est cause de liquefler et subtilier les humeurs : ainsi plus facilement , et en plus

' Au Traicté Des vlceres. •— A. P.

i^b tk WiîVPiEMfe itvnfe^

grande abonrîance découlent auxiambes, d’où vient que la guarison des vlceres' d’icelle s est plus diflcile en Auignon qu’à Paris. Que si quelqu’un alléguant l’experience , dit au contraire que les playes de teste sont le plus souuent mortelles es régions chaudes , ie lui respondray cela ne prouenir à raison de Pair, qui est plus chaud et sec ; mais plustost à cause de quelque humidité superflue et mauuaise vapeur communiquée à Pair , comme il se fait és lieux de Prouence et d’Italie , prochain de la mer Méditerranée. De fait, qu’il n’y a si petit Chirurgien qui ne sçache qu’estant Pair chaud et humide, facilement les playes degenerent en gangrené et pourriture ^ Et quant à Pexperience, ie luy bailleray bien familière : c’est qu’en temps chaud et humide, et lors que le vent Austral souffle , les viandes pourrissent en moins de deux heures, tant soient-elles fraisches, de façon que les bouchers en ce temps là ne tuent leurs bestes qu’à mesure qu’ils les vendent. Aussi n’y a-il doute aucune que les corps humains ne tombent en affection contrenature, quand les saisons pervertissent leurs quali-

* Cette dernière phrase est remplacée dans l’édition de 1575 parcelle-ci:

Semblablement monsieur Joubert en son Traicté des playes faicles par hacquebutes escril qu'estant l’air chaud et humide , etc.

Cette apologie ayant été publiée en 1572, il serait assez difficile de comprendre comment A. Paré y cite L. Joubert , si l’on s’en rapportait à Portai et Haller qui renvoient l’ouvrage de ce dernier à l’an 1581. A la vérité, ils citent tous deux sa troisième édition J mais la date de la première restait un problème bibliographique. J’ai fait voir qu’elle avait dù paraître en 1570, puisque Joubert, dans sa dédicace à Henri III, dit qu’il lui avait fait présent de son livre le premier iotir de l’an 1.570, après la victoire de Montcontour.

tés par la maüuaise disposition de l’air, dont on a veii par certaines années, que les naurés estoient trèsdifficiles à guarir , et souuent mouroient de fort petites playes , quelque diligence que les Médecins et Chirur.

giens y poussent faire.

Ce que bien remarquay, estant le siégé deuant Roüen. Car le vice de l’air alteroit et corrompoit tellement le sang et les humeurs, par l’inspiration et transpiration , que les playes en estoient rendues si pourries et puantes qu’il en sortoit vne feteur cadauereuse. Et si d’auenture on passoit vn iour sans les penser, on y trouuoit le lendemain grande quantité de vers, auec vne puanteur merueilleuse , dont se leuoient vapeurs putrides , qui par leur communication auec le cœur causoient fiéure continue : auec le foye empeschoieut la bonne génération du sang, et auec le cerueau produisoient alienation d’esprit, resuerie, conuulsion , vomissemens , et par conséquent la mort. Et lors qu’on les ouuroit , on trouuoit plusieurs apostemes en diuerses part'es de leurs corps, pleines d’vu pus verdoyant et fetide. De sorte que ceux qui estoient dedans la ville , voyons telles choses , et que leurs blessés ne se pouuoient guarir , disoient que ceux de dehors auoient empoisonné leurs balles, et ceux de dehors en disoient autant de ceux de dedans.

Et de fait, apperceuantqueles playes se tournoient plustost à pourriture qu’à quelque bonne suppuration , ie fus contraint , et auec moy la plus grande part des Chirurgiens , laisser les suppuratifs, et en lieu d’iceuxvscr de l’onguent Egÿptiac et autres remèdes semblables , pour obuier à ladite pourriture et gangrené, et autres accidens susdits.

UES PLAYKS U’JIAIIQVEBVSES.

D’auantage, si le diucrs cours du ciel a la puissance et la force d’imprimer vue pestilence en nous par ses influences, pourquoyne luy sera-il possible de faire le semblable en vne playe, et l’infecter en plusieurs maniérés? L’experience nous en rend bon et suffisant tesmoignage , non seulement en temps chaud, mais aussi en hyuer. Car mesme nous voyons que les malades, tant vulnerés, qu’autrement disposés contre nature, sont plus tourmentéssans comparaison de leurs douleurs quand il veut pleuuoir, que lors qu’il fait beau temps, à raison de l’air vaporeux et ténébreux , et vent Austral, qui meut et agite intérieurement les humeurs , qui puis apres se desebargent sur les parties affligées , et y augmentent les douleurs.

l'foslre Médecin a aussi escrit , qu’aux batailles de Dreux et saint Denis, qui furent données en temps d’hyuer, mourut un grand nombre d’hommes : ce que ie confesse bien ; mais ie luy nie que ce fust par l’application des medicamens suppuratifs ou des corrosifs , ains par la vehemence de leurs blessures , et pour le desordre que le boulet faisoit en leurs membres : à quoy aidoit grandement la nature des parties blessées, et la température des malades, et sur tout le froid. Car le froid rend les playes difficiles à guarir, voire cause souuent gangrène et totale mortification, comme tesmoigne Hippocrates C Et s’il eust esté auec moi au siégé de Metz, il eust veu beaucoup de soldats ayans les iambes esthiomenées par le froid , et vne infinité qui moururentpar la violence du froid, encore qu’ils ne fussent vulnerés. S'il ne le veut croire, ie le renuoiray sus le mont Senis en

' Aphor. 20 du 6. liure. — A. P.

I temps d hyuer , où plusieurs laissent I la vie, et sont transis tout en vn moment, tesmoin la chapelle des Transis qui en a pris le nom.

Il m’a pareillement calomnié, d’auoir fait similitude du tonnerre à l’artillerie. Véritablement on peut dire qu’ils ont semblables effets : car la diabolique poudre à canon fait des choses si merueilleuses , qu’il est facile à prouver qu’ils ont grande similitude entre eux. Et premièrement on peut comparer le feu sortant par la lumière du canon à l’esclair, en ce qu’il est veu parauant que le tonnerre soit ouy. Car le semblable se fait en l’autre : ce qui aduient, parce que l’oreille n’est si prompte que l’œil à receuoirles obietsdeson sens. On peut aussi comparer l’espouuentable bruit que font les gros canons, à celuy de la foudre : tellement que lors qu’il se fait quelque grande batterie auec de grosses pièces, on en oit le bruit quèlquesfois loing de vingt lieues , plus ou moins , ainsi que le vent rapporte le retentissement du son. Les premiers coups ne sont pas entendus, comme les autres suiuans. C’est que par la multiplication des sons s’entresuiuans et succedans , le plus proche pousse son voisin, qui puis apres pousse l’autre, et l’autre l’autre , et vient à nos oreilles. Semblablement les balles ieltées par la poudre d’vne vitesse inestimable , rompent et brisent tout ce qu’elles rencontrent , voire ont plus de force contre les choses dures que contre les molles : en ce ressemblantes au tonnerre, qui comminue l’espée dans le fourreau qui demeure entier, fond l’argent en vne bourse sans la rompre. Ainsi (comme i’ay par cy deuant escrit ) on a veu plusieurs que les balles n’ont aucunement touchés , ausquels neantraoins

LK HEVFIÉME 1,1 VUE

l’impétuosité do l’air fait par la poudre sortant du canon, a rompu et brisé les os sans aucune apparence manifeste de solution de continuité en la chair , voire les a meurtris et tués promptement , comme si c’eust esté la foudre. La poudre à canon a aussi une odeur puante , qui sent le soufre , imitant l’odeur qui demeure au lieu où sera tombée la pierre de la foudre , laquelle non seulement les hommes ne peuuent sentir , mais les animaux aussi sont contraints d’abandonner leurs cauernes et tanières lors qu’elle y est tombée, ne pouuans endurer la puanteur sulfurée délaissée par le tonnerre. Mais encore leur similitude est plus manifestée par les effets de ladite poudre , laquelle estant enclose dedans les mines et conuertie en vent par le feu qu’on y met, bouleuerse les monceaux de terre aussi gros que montagnes, rompt et démolit les fortes tours, renuerse les montagnes c’en dessus dessous. Ce que i’ay assez donné à connoistre par l’histoire que i’ay ailleurs escrite , à sçàvoir, qu’on a veu puis n’agueres à Paris lefeu s’estant mis en la poqdre de l’Arsenac, causer une si grande tempeste, qu’elle fit trembler presque toute la ville, et tomber par terre toutes les maisons prochaines , descouurit et defenestra celles qui estoient plus à l’escart de sa furie : brief , comme la foudre en s’éclatant , rentiersa ça et là quelques hommes demi-morts, aux vns osta la veuë, aux autres l’ouye, et en laissa plusieurs non moins deschirés en leurs pauures membres que si quatre cheuaux les eussent escartelés : et tout ce par l’agitation de l’air , en la substance duquel ladite poudre estoit conuertie. Semblable fait arriua en la ville de Malines l’an 1546 , par la

cheutedu tonnerre dedans une grosse et forte tour, où y auoit grande quantité de poudre à canon, qui demolist presque la moitié de la ville , et tua un grand nombre de personnes, dont i’ay veu depuis peu de temps les vestiges encore bien apparens. Ces exemples sont à mon aduis sufflsans pour contenter nostre Médecin , et lui monstrer qu’il y a grande similitude entre les effets de la poudre à canon et du tonnerre.

Combien que ie ne veux pour cela confesser, que les coups d’harquebuses soient accompagnés de poison et de feu, comme les coups de la foudre.

Car encor’ qu’ils conuiennent les uns auec les autres par les similitudes prédites , ce n’est pourtant en substance et matière, mais plustost en la maniéré de casser, briser, et dissiper les obiets qu’ils rencontrent : à sçauoir , les coups de foudre par le moyen du feu et de la pierre engendrée en iceluy, et les coups de canon, par l’air impétueusement poussé, qui conduisant la balle , fait vn pareil et aussi tempestatif desastre que le tonnerre.

Ces choses considérées, ne faut-il pas confesser que ceux qui ont escrit que les coups de canon et le tonnerre ont grande similitude ensemble , ne l’ont dit sans raison ?

Au demeurant, ce Médecin n’a pas eu grande peine à prouuer comme la pouldre à canon n’est venimeuse , et que les balles ne peuuent brusler , non plus qu’à inuenter et nommer les instrumens propres à extraire les choses estranges, parce qu’il les a trouués tous mâchés en mon liure , auec plusieurs autres choses qu’il a escrites, comme chacun le pourra connoistre par la conférence de son liure et du mien. 11 a aussi enrichi son liure de plusieurs sentences et raisons

OES HLAYIÎS o’hAUQVEJBVSES.

qu’il a recueillies {I vu auteur Italien, nommé Barlholomeus Magius, Médecin deBoulongne,qui enaescrit assez bien en vn Traité intitulé , De Vulnerum Sclopetorum curalione : combien qu’il ne l’a pas reconnu pour guide, ains l’ayant traduit presque mot pour mot, en a neantmoins lait son propre , et pour traducteur s’est nommé auteur.

Venons maintenant à sa belle pratique et méthode nouuelle de guarir les playes faites par basions à feu.

Premièrement il veut qu’on y applique des medicamens suppuratifs , lesquels toutesfois il n’entend estre chauds et humides , ny de substance emplastique : mais tout au contraire , illesordonnechaudsetsecs.Parce(ditil) que ce n’est pas comme aux abcès, où il ne faut auoir autre cure que de suppurer : mais icy, où les playes sont auec contusion, plusieurs et diuerses indications en sourdent, d’autant que la contusion veut estre cuitte et meurie, et la playe desseichée.

Pour respondre à cela , ie le renuoyeray apprendre la nature et qualité des suppuratifs en Galien au 5. des Simples , et tout d’vn chemin au 10.

de sa Méthode^ qui luy enseignera qu’aux maladies compliquées il faut considérer la cause , l’ordre , et P vrgent. Puis ie luy demanderay volontiers , s’il sçaura guarir la playe faite par coup de boulet , que la contusion ne soit premièrement bien suppurée. Il me semble que non , et de ce ie m'en rapporte au iugement de tous bons praticiens. Par ainsi notre basilicon, et notre oleum catellorum, et au très tels medicamens suppuratifs , seront propres à suppurer les playes faites par harquebuses.

Secondement , il veut qu’on mette dans la playe de l’oxycrat, pour es-

tancher le flux de sang. Et s’il ne peut estre arCesté par ce moyen , qu’on y applique vn médicament fait de blanc d’œuf, bol armene, vinaigre rosat, et du sel. le laisse à penser si tels remedes ont puissance d’arrester le flux de sang , estons appliqués dedans la playe. Certes ils le feroient plustost Aller d’auantage, à cause que le vinaigre est de qualité tenue et mordante , causant douleur , fluxion, inflammation , et autres mauuais accidens , comme ie l’ai connu par expérience : et ne sçay aucun Chirur-* gien, qui ayant exercé Part, voulust su iure telle façon de pratiquer qu’il ne s’en trouuast trompé. A ce propos me souuient auoir pensé vn More, qui estoit à monsieur le Comte de Roissy, lequel fust blessé deuant Boulogne ^ par vn Anglôis qui luy donna vn coup de lance au trauers du bras. Donc pour cuider estancher le sang, ie mis dedans sa playe vn restraintif , où il y auoit du vinaigre à faute d’autre.

Mais tost apres il me reuint trouuer, disant qu’il luy serabloit auoir le feu au bras , et fus contraint de le penser de nouueau, et changer de remede en sa playe, appliquant ledit restraintif par dessus. le croy que ce Médecin n’a connu telle chose : autrement l’estimé-ie si homme de bien, qu’il ne l’eust mis dedans son liure pour vn homme restraintif C

D’auantage il loué sur tous autres remedes , son baume fait d’huile de cire et myrrhe battus auec vn iaune d’œuf, ou bien le baume naturel qu’on apporte du Pérou ; et dit, qu’ils consomment l'humidité superflue des

» La polémique en cet endroit est assez polie, mais la politesse du texte disparaît devant cette dure note marginale : Erreur couuertt d’ignorance.

18(3 lîî nevfieme livre,

playes , et confortent tellement les parties , qu’il n’y suruient aucun accident périlleux : et neantmoins dit qu’ils ne consolident ne font reprendre cesplayesicy, comme ils feroient celles qui ont esté faites de taille.

Véritablement c’est chose bien estrange, de vouloir penser et guarir les playes contuses, comme les simples qui ne demandent que seule vnion.

Outre-plus ces baumes ne peuuent estre propres aux playes faites par harquebuses , d’autant que par leur siccité ils empescheroient la suppuration, sans laquelle ne peuuent estre guaries. Et s’ils y conuiennent en aucune maniéré , ce sera seulement apres que la contusion sera suppurée, et la playe mondifiée. Mais encore ne sçay-ie où l’on pourroit trouuer tant d’extracteurs de quinte-essence, pour préparer et fournir tant de baumes qu’il faudroit pour penser les soldats qui seroient blessés en vne rencontre ou bataille , ou en quelque assaut de ville : ne où ils prendroieut l’argent pour satisfaire aux frais

Venons au reste. Il ordonne que ces baumes soient instillés dedans les playes sans tentes : et se reprenant , puis apres dit , qu’il seroit bon y en mettre vne petite et courte, seulement pour empescher que les bords de la playe ne se reioignent. Comment seroit-il possible que ces baumes et autres onguens peussent estre portés au fond de la playe , sans lentes ou sétons , desquels l’ vsage est principalement de porter les medicamens bisques au profond des playes , et les tenir ouuertes pour donner issue aux choses estranges? Tous les bons pra-

1 Response plaisante et à propos. — Cette remarque au moins fort naive est d’A. Paré lui-même.

ticiens ne luy accorderont iamais ce point, ne ceux qui sçauent que c’est de penser telles playes. Or il y a encore icy vne chose digne d’estre bien notée : c’est qu’apres auoir reprouué l’onguent Egyptiac, il ne laisse pourtant de commander qu’on l’applique, depuis le commencement iusques à ce que la contusion soit du tout suppurée : et veut qu’on en vse ainsi. Prenez (dit-il) de l’Egyptiac dissoul t en vne décoction faite de la sommité d’aluyne et de millepertuis, et de petite centaure et plantain , et en syringuez la playe. Il en descrit puis apres vn autre, fait d’eau de plantain et miel rosat, bouillis ensemble à l’espaisseur et consislence de miel, en l’escumant bien : puis mesle autant de cecy que d’Egyptiac ensemble , et dit que cest onguent suppure les barquebusades.

le laisse à penser aux lecteurs Chirurgiens expérimentés , si tels remedes sont suppuratifs. Quant à moy, ie les estime plus propres à deterger et mondifier, qu’à suppurer.

Il a finalement escrit , qu’il ne faut penser la playe que de quatre en quatre iours. Et s’il y a fracture d’os, qu’on n’y touche, ou qu’on ne leue l’appareil, iusques au huitième iour.

Plus il dit en vn autre endroit, qu’il est conuenable instiller tous les iours dix ou douze gouttes de son baume dedans la playe. Véritablement telle doctrine est pour bien estonner le ieune Chirurgien , pour sçauoir quelle maniéré de pratiquer ii deura suiure. Et qui suiura la sienne, ie le puis asseurer qu’il fera sonnent ouurir le ciel et la terre ; le ciel pour receuoir les âmes, et la terre pour les corps.

Mais c’est assez parlé de cette matière pour le présent , puis que nous sommes asseurés que toutes ces petites cauillationsne pourront en riendi-