DES SIGNES DE GANGRENE
Les signes des Gangrenés faites par inflammation phlegmoneùse sont, quand la grande douleur et pulsation qui auoient précédé lesdites inflammations sont grandement diminuées , et la couleur rubiconde ou vermeille qui estoit auparauant en ladite partie est changée en couleur pâlie, fusque, et aucunement tendante à fluidité : comme fort amplement descrit Hippocrates en la seconde section du liure De fracturis , ou il parle de la gangrené du talon L l’entens icy douleur pulsatile, non celle qui est faite par le mouuement des arteres , mais vne pulsation iectigatiue ou poignante, qui se fait, quand par le combat d’entre les deux chaleurs (sçauoir est naturelle et non naturelle) s’esleuent plusieurs vapeurs des humeurs et matières qui tendent à pourriture és parties enflammées.
Si le froid est cause desdites gangrené et mortiflcation, sera aisé à connoistre : car (comme vn chacun sçait) le grand froid promptement fait à la partie grande douleur poignante et cuisante, et rougeur estincellante, et tost apres la rend fluide, et fort froide, et quasi sans mouuement et sentiment, auec horreur ou tremblement, comme si on auoit vn commencement de fiéure quarte. Si le froid continue plus long temps que la chaleur de ladite partie ne puisse résister, suruiendra gangrené, et par conséquent mortiflcation (si on n’y donne ordre) et à la parfin la mort. Car (comme dit
‘ Cette citation a été ajoutée en 1579.
r,Tî .DixiKi\[iî i.iviir,
Hippocrates ‘,lo froid est contraire et ennemy aux os, dents, nerfs, au cerueau, et à la moelle du dos, généralement à nostre vie , laquelle consiste en chaleur et humidité: à cause qu’il fait spasmes ou conuulsions, et autres mouuemens contre nostre vouloir, agitation desordonnée de tout le corps , que nous appelons frissons, et consequemment par sa grande violence est souuentesfois cause de nostre mort.
Quant est des gangrenés et mortifications faites par ligatures és fractures, luxations, grandes contusions, tu les connoistras facilement à la dureté, qui est pour la defiuxion : pareillement des vessies qui seront esleuées au cuir , lesquelles viennent à raison de la grande inflammation qui est en la partie , ce qui se voit manifestement aux brusleures : aussi par la pesanteur et impotence de la partie, qui se fait à raison que les esprits manquent , et lors qu’on presse dessus, la fosse demeure sans se releuer, comme aux Oedemes , et le cuir le plus souuent se séparé de la chair 2. Les signes déclarés aux gangrenés engendrées par inflammation, te pourront donner connoissance des gangrenés faites par morsures , picqueures , aneurismes, playes faites és corps pléthoriques et cacochymes : car par ces causes est faite fluxion et attraction d’humeurs en trop grande quantité, qui empeschent (comme i’ay dit)
1 Aph. IS.liu. 7.— A. P.
3 Les éditions de 1552 et 1564 disaient seulement : Tu les cognoislras facilement à la liuidité et couleur de la partie morte, car pour la compression les esprits ne peuuent bailler à la partie sa couleur naïfue.
L’édition de 1576 conserve cette phrase en ajoutant celle qu’on lit aujourd’hui dans le texte; le retranchement date de 1579.
l’air et euentilation de la partie. Mais ie te veux encore aduertir , qu’ayant connu par les signes les mortifications, ne faut différer à faire amputation du membre , iaçoit que les extrémités se remuent : car la teste des muscles se remuant, tire la queüe, ou leurs tendons. D’auantage encore qu’il y eust quelque peu de sentiment , ne faut différer l’amputation iusques à ce qu’il n’y en aye plus, attendu qu’elle pourriroit les parties voisines.
Quant aux signes de 'gangrené et mortification prouenantes de venins, icy n’est besoin de reciter la façon comme l’on peut connoistre et distinguer les accidens qui aduiennent, tant des venins chauds que froids ‘ : car nous en pourrons parler plus amplement cy apres.
