Lamges, reins? lunibi

Et les altres par les jambes, 40

Et par les chiefs, et par les cous.

Oez, seignors, cum ils furent fous

Qu'il ne voloient Deu amer '

Por cée les estuet et i brusler.

Puis revit une fornaise

Où ja ame n'aura aise,

Li feus est plus neirs que mors.

Par set flambes isseit fors :

Sos ciel n'est nule color

Que cist fues n'ait le jor. 50

Iceles âmes i esteint

Qui totes par i ardeient.

Puis vit un flun orible et grant,

Où les déables vunt noant

A la guise de peisun ;

Mais lors faiture fu de leun.

Desoz le flun a un grant punt

Qui bien est hait contremunt.

Mult est li puns lune et estreit,

N'i a laor de plain deit. 60

Qui bien paser le porra

Ignelepas o Deu sera.

Et qui ne! porra passer

En l'eue l'en estuet aler,

Et si fera iloc sa peine

Que li déable demeine.

Plusors iremaignent