DV MASCARET
Tiieoriqur.
Ils ne sont pas tous d’vne opinion. Car les vns disent d’vn et les autres disent d’autre. ïoulesfois les Bordelois, Libournois et Guitroys tiennent pour certain que la cause de ce , n’est autre que la venue du montant de la mer , qui rencontre le descendant de la riuiere , et veulent conclure par là que le combat des deux eaux cause d’engendrer celle grande montaigne. Voila l’opinion plus certaine et commune des habitans du pays.
Practique.
Et à toy que t’en semble il de la cause de cet effect?
le suis de l’opinion des autres.
Practique.
Ny toy ny eux n’y entendez rien : car si ainsi estoit que le montant de la mer et la descente de la Dourdongne causast le mascaret, il se formeroit aussi bien des mascarets en la Garonne comme en la Dourdongne, voire à la Charente, et en la riuiere de Loyre, voire pour mieux dire tout en vn coup en toutes les riuieres qui descendent dedans la mer , et toutesfois nous n’auons iamais entendu qu’és mois d’autonne et és iours tranquilles il se trouuast mascaret sinon en ladite riuiere de Dourdongne : parquoy il faut chercher autre cause que la susditte, pour venir à la connoissance de cest effect.
THEORIQUE
le t’en prie, dy moy donc quelle peut estre la cause de ce.
Practique.
le ne puis penser ny croire que ce soit autre chose qu’un aër enclos au dedans de quelque canal qui est souz terre, trauersant depuis le fleuue de Garonne iusques au dessouz du fleuue de la Dourdongne, et est bien croyable, voire que cela ne se peut faire que par un aër enclos sous les eaux, toutesfois l’aër ne le pourrait faire pour cause de sa foiblesse s’il n’estoit poussé par accident, il faut doncques penser et croire que quand il vient au descendant de la mer, que la riuiere de Garonne est basse pour l’absence de la mer, que lors il y a quelques canaux vuides, lesquels se remplissent d’aë'r, depuis la Dordongne iusques à la Garonne ; estant ainsi rempli d’aër, quand la mer retourne elle fait enfler et augmenter la riuiere de Garonne, et estant ainsi enflee elle vient à entrer dedans
4 HH DV MASCAHET.
les canaux qu’elle auoit laissé vuides en sa descente et de là vient que l’aer qui est dedans les canaux se trouuant enclos entre les deux fleuues, et estant viiiement poussé par les eaux de la Garonne, il s’enfuit au deuant desdites eaux et en s’enfuyant ils se trouue enclos souz la riuiere de Dordongne , et se trouuant enclos il esleue les eaux comme vne montagne; et ne les pouuant si tost percer, il les meine ainsi en leur hauteur, sans se desformer ny se laisser, iusques à ce que par quelque mouuement les eaux ainsi montées se trouuent plus foible en quelque endroit, et lors l’aër enclos les vient à esclater aux parties plus foibles, et les ayant esclatées ledit aër s’enfuit et les eaux s’abbaissent tout en vn coup, et la riuiere reuient en la première tranquillité : et ne faut que tu cherches autre raison pour connoistre la cause du mascaret.
THEORIQUE
le trouue en ton dire vne opinion contraire à la vérité ; car nous sçauons qu’il se fait ordinairement des vagues dedans la mer, aussi hautes que les montagnes, et mesmes és passages de Maumusson, lesquelles vagues sont si grandes que les nauires n’y peuueut passer sans estre en péril de naufrage, et s’en perd grand nombre audit passage,
Practique.
Cela ne fait rien contre mon dire. Car iamais les vagues de la mer ne sont formées sinon par l’action des vents qui cause ainsi esleuer les eaux de la mer ; et la cause pourquoy elles sont plus enflées et esleuées au passage de Maumusson, c’est parce qu’il y a des rochers contre lesquels les eaux de la mer, estants poussées par les vents, viennent frapper impétueusement , qui cause vue grande eleuation és eaux, ie dis vne eleuation si grande que le bruit est entendu de plus de sept lielies loing. Et quand la mer est ainsi esmeüe , les nauires se donnent bien garde d’y passer : par ce que les vagues les ietteroyent contre les rochers et seroyent soudain froissés. Toutesfois cela ne contrarie en rien à mon dire touchant le mascaret. Car ie te di que le mascaret se forme au temps de l’automne és iours les plus tranquilles, et lors que les eaux des fleuues sont basses, et si ledit mascaret estait causé par les vents , comme les vagues de la mer, il apparoistroit et se formeroit plus souuent en hyuerque non pas en esté. Mais iamais homme ne l’a
