LYONNOIS

En grand regret, si pitié vous remord, Pleurez Tamy Perreal, qui est mort, Vous ses amys ; chascun prenne sa plume. La mienne est preste, et bon désir Talume A déplorer (de sa part) telle mort.

Et vous ses sœurs, dont maint beau tableau sort, Paindre vous fault pleurantes son gref sort Près de la tumbe en laquelle on Tinhume En grand regret.

Regret m*en blesse, et si sçay bien au fort Qu'il fault mourir, et que le desconfort (Soit court ou long) n'y sert que d'amertume ; Mais vraye amour est de telle coustume, Qu'elle contrainct les amys plaindre fort En grand regret.

XXXÏ DU VENDREDY SAINGT

Dueil OU plaisir me fault avoir sans cesse : Dueil quand je voy (ce jour plein de rudesse) Mon Rédempteur pour moy en la croix pendre ; Ou tout plaisir, quand pour son sang espandrc Je me voy hors de l'infernalle presse.

Je riray donc : non, je prendray tristesse : Tristesse? ouy, dy je, toute liesse.

Bref, je ne sçay bonnement lequel prendre, Dueil ou plaisir.

378 EONDBAUX

Tous deux sont bons, selon que Dieu nous dresse ; Ainsi la mort qui le Saulveur oppresse Faict sur noz cueurs dueil et plaisir descendre; Mais nostre mort, qui enfin nous faict cendre. Tant seulement Tun ou l'autre nous laisse, Dueil ou plaisir.