CHANSON XII

Tant que vivray en aage fleurissant, Je serviray Amour, le dieu puissant, En feictz, en dictz, en chansons et accords. Par plusieurs jours m'a tenu languiss^t,

Mais après dueil m^a faict resjouyssant. Car j'ay Tamour de la belle au gent corps.

Son alliance,

C'est ma fiance :

Son cueur est mien,

Le mien est sien.

Fy de tristesse,

Vive liesse, Puis qu^en amours j'ay tant de bien !

Quand je la veulx servir et honorer.

Quand par escriptz veulx son nom décorer. Quand je la veoy et visite souveAt, Ses envieux n'en font que murmurer ; Mais nostre Amour n'en sçauroit moins durer Autant ou plus en emporte le vent.

Maulgré envie

Toute ma vie

Je Taymeray

Et chanteray :

C'est la première,

C'est la dernière.

Que j'ay servie et serviray.

CHANSON XIll

Ijanguir me fais sans t'avoir offensée : Plus ne m'escrip^, plus de moy ne t'enquiers ; Mais nonobstant, autre Dame ne quiers : Plus tost mourir que changer ma pensée.

Je ne dy pas t'amour estre effacée, Mais je me plains de Tennuy que j'acquiers. Et loing de toy humblement te requiers Que loing de moy de moy ne sois faschée.

D*où rient cela, belle, Je roue eupply, Que pluA à moy ne vous recommandez ?

CHANSONS 4i3

Tousjours seray de tristesse remply

Jusques à tant qu^au vray le me mandez ;

Je cpoy que plus d'amy ne demandez,

Ou maulvais bruyt de moy on vous revelle,

Ou Yostre cueur a faict amour nouvelle.

Si vous laissez d'amour le train joly,

Vostre beauté prisonnière ïendez ;

Si pour autruy m'avez mis en oubly,

Dieu vous y doint le bien qu'y prétendez ;

Mais si de mal en rien m'appréhendez,

Je veulx qu'autant que vous me semblez belle

D'autant ou plus vous me soyez rebelle.

Ma Dame ne m'a pas vendu, Elle m'a seulement changé ; Mais elle a au change perdu.

Dont je me liens pour bien vengé; Car un loyal a estrangé Pour un autre qui la diffsmiie :

N'est elle pas légère femme ?

Le noir a quicté et rendu ; Le blanc est d'elle desrengé ; Violet luy est deffendu ; Point n'ayme bleu ny orengé ; Son cueur muable s'est rengé Vers le Changeant, couleur infamo:

N'est elle pas légère femme?