EPISTRE ENVOYÉE

Puis ramenas, sans Êiire pertes grandes, Dedans ton ost les martialles bandes* ' £t les souldardz lojaulx et non mutins, Souillez de sang et riches de butins ; Qui tost après chassas Petre Golumne De Garignan, dont méritas corone De verd laurier. Bien la mérites certes, Veu que tu es le recouvreur des pertes Qu'a eu (helas !] en la terre italique Depuis vingt ans la nation gallique.

C'est luy, c'est luy, n'en soyez mal contens, Vieulx conducteurs, qui seul depuis le temps Nous a gaigné et bataille et journée.

Courage, enfans, car la chance est tournée I L'heur d'Hannibal par la fatale main De Scipion, le jeune enfant romain, Fut destoumé : par prince de mesme aage Se tourne l'heur de Charles en dommaige ; Entrer voyons noz bones destinées, Et prendre fin les siennes déclinées.

Dessoubz Bourbon fut son heur commencé : Dessoubz Bourbon sien va desadvancé.

O Roy, aussy ton propre nom il porte.

Et par Françoys Françoys en mainte sorte Sera vangé. 0 Roy de grand renom, Bien aultre chose ha de toy que le jiom : Il ha de toy la saige hardiesse ; Il ha de toy au combat la proesse ^ Il ha de toy (Nature ainsi le veult) Je ne sçay quoy, qui nommer ne se peult, Dont attirer il sçait les cœurs des hommes. Et à bon droict souvent ton ôlz le nommes.

A toy, donc, Roy, à toy doncques ne tienne : Qu'entre tes mains la possession tienne Ne mette en bref; soyt tousjours ta main prompte A soustenir sa fortune qui monte.

Et toy qui tiens aux Itales son lieu, Palas prudente, et Mars le puissant dieu. Te doint finir ton œuvre commancée.

S'ainsi advient, sortez de ma pensée, Tristes ennuictz, qui m'avez fait escrire

A MONSIEUR D'ANGUYEN Cj

Vers doloureux. Arrière ceste lire Dont je chantois Tamour par cy devant I Plus ne m'orrez Venus mettre en avant, Ne de flageol soner chant bucolique, Ain3 soneray la trompeté bellique D'un grand Virgile, ou d'Homère ancien, Pour célébrer les haullz faictz d'Anghien, Lequel sera (contre fortune amere) Nostre Achiles, et Marot son Homère.